السلام عليكم
أنا عندي مشكله إن أنا علطول مضغوطه وعلطول مخنوقه وتعبانه مع اني بضحك علطول بس أنا من جوه مش كده أنا أهلي كويسين وكل حاجه بس ساعات بحسب جايين عليا ومتشددين لدرجه ان فضلت فتره بدور على صديقه من علي النت نتكلم مع بعض وكده أنا عندي صحاب بس مش علطول معايا مش بنتكلم كتير وكده وعاوزه اتغير للاحسن أبقى قريبه من الله وكده وكمان أنا عندي ١٧ سنه رايحه أولي ثانوي وعاوزه صديقه اتكلم معايا نحفظ مع بعض القران ونسمع لبعض كده بس ملقتش ممكن حد يقولي رأيه ف الموضوع ده
السلام عليكم، الأهل متشددين من أي ناحية؟ يعني مثلا بيضيقوا عليكِ في الخروج أو التواصل مع صحاب معينين ولا تشدد من نوع تاني؟ صحيح الصحبة بتعين على الالتزام لكن مش لازم تكون موجودة عشان تقربي من ربنا، من غير صحبة عادي ممكن تقربي من ربنا وتمارسي عباداتك وتحفظي قرآن.. الصحبة الصالحة بتعين وبتشدك وقت الفتور وتشجعك بس عدم وجودها مش مانع أبدًا أو دافع للكسل عن الالتزام. ممكن تشوفي جروب زي (no zero days) وده جروب جميل جدا ومشجع على الالتزام والنجاح، هو مختلط لكن فيه حدود وهتلاقي فيه بنات ممكن تتفاعلي معهم وطبعا الحرص واجب، مش أي حد على الإنترنت تصاحبيه بسهولة. الضغط والخنقة والتعب، متولدين من أفكارك ونظرتك للوضع. جربي تفرغي مشاعرك على الورق، وفيه عادة جميلة جدا هتفرق معك وهي إنك تخصصي نوتة للامتنان وكل يوم الصبح تسجلي فيها على الأقل 3 نعم أو حاجات أنتِ ممتنة لوجودها في حياتك والمفروض تشكري ربنا عليها، ده هيخليكِ دائما تشوفي الجانب الإيجابي والنعم في حياتك وتقللي تركيز على الجانب السلبي أو الحاجات اللي ناقصاكِ وده هيغير تفكيرك ونظرتك لحياتك. بالتوفيق إن شاء الله.
تم النشر الأحد، ١٧ أغسطس ٢٠٢٥
وعليكم السلام ورحمة الله يا غالية، أشعر تمامًا بما تمرين به، وهذا الشعور بالضغط والاختناق الداخلي رغم الضحك والمظهر الخارجي شيء شائع بين كثير من الشباب، وخاصة في فترة المراهقة التي تحمل تحديات وضغوط كثيرة. خليني أساعدك أفهم الوضع وأعطيك نصائح تساعدك: الشعور بالضغط والتعب الداخلي: من الطبيعي أن تمر بفترات تشعرين فيها بهذا التناقض بين ما يبدو للآخرين وبين ما تشعرين به في داخلك. أحيانًا يكون السبب توتر نفسي أو قلق داخلي، حتى لو الأسرة جيدة والدعم موجود. هناك فرق بين الضغوط الخارجية والضغوط النفسية التي تحتاج لعناية خاصة. السعي لتكوين صداقة وقرب من الله: فكرة البحث عن صديقة تقرّبك من الله وتستطيعين أن تحفظي معها القرآن فكرة رائعة جدًا، وهذا دعم نفسي وروحي مهم في فترة دراستك. ربما يمكنك المشاركة في حلقات تحفيظ القرآن أو المجموعات الدينية في مدرستك أو محيطك، فهذا يساعدك على إيجاد صديقة تشاركينها نفس الهدف. من الجميل أن تعتمدي على الدعاء والاستغفار وقراءة القرآن فهي من أعظم أسباب السكينة. كيف تتغيّرين للأفضل؟ حاولي تخصيص وقت يومي للتأمل والتفكر في نعم الله، وذكري نفسك دائمًا أن كل تجربة في الحياة، حتى الصعبة منها، يمكن أن تكون فرصة للتعلم والنمو. حددي أهدافًا صغيرة وقابلة للتحقق (مثل حفظ صفحة صغيرة من القرآن يوميًا، أو كتابة أفكار إيجابية عن نفسك). ولاتنسي أن تغيير نفسك يتطلب صبر واستمرارية، فلا تضغطي على نفسك كثيرًا. عن الأصدقاء: الصداقة الحقيقية تقوم على التفاهم والأهداف المشتركة. لا تتركي بحثك عن الصديقة المناسبة يجعل قلبك يعتصر، بل افتحي قلبك للناس الجيدين بحذر واختاري من تشعرين معهم بالراحة. أيضًا، مشاركتك في أنشطة دينية أو ثقافية قد تساعدك في إيجاد صديقات تشترك معك في طموحاتك. إذا كنت تشعرين أن الضغط النفسي يؤثر على صحتك كثيرًا، قد يكون من المفيد التحدث مع مستشارة نفسية أو خبيرة تساعدك على فهم مشاعرك بشكل أعمق. يمكنك أن تجدي نُصحًا مهمًّا ومساعدة متخصصة على منصة فدني عبر صفحة الخبراء. لو حبيتي، ممكن أساعدك في البحث عن خبيرة نفسية أو مقرأة قرآن في موقع فدني. أتمنى لك الخير والتوفيق، ولا تنسي أن الله معك دومًا، وقلبك الجميل يستحق الهدوء والسعادة. لو حبيتِ تستمري في الحوار أو عندك أي سؤال ثاني، أنا هنا دائمًا يا ذكية. هل تودين أن أساعدك في البحث عن صديقة أو خبيرة عبر منصة فدني؟
تم النشر السبت، ١٦ أغسطس ٢٠٢٥
السلام عليكم ورحمه الله وبركاته مع اني بضحك احنا عندنا تغيرات نفسيه بتحصل في السنه ده واحتياجات بتبدا تكون اكثر من اي وقت ثاني فاحنا هنا محتاجين ان احنا نشوف الفتره العمريه بتاعتنا دي الاحتياجات المعنويه بتاعتها ممكن تبقى اكثر من الاحتياجات الماديه شويه فاحنا محتاجين نشتغل على ده طيب اشتغل على احتياجي ازاي ااا من الحاجات اللي ممكن يكون محدش بيقولها احنا ممكن نشتغل على احت عملته ايه في اللي احنا اتفقنا عليه من اخر مره اه انا عملت كذا لا انا وقعت لا هنشجع بعض وهكذا انت ابدئي مرسي الدور ده انك تكوني صديقه حتى للي هم بعاد تكوني انت اللي بتبادري وده اللي هيساعدك انك تحققي الاحتياجات بتاعتك في انك يكون لك صحبه لانه الصحبه مش هتكون هي دائما اللي بتشدك زي ما احنا محتاجين الصحبه الصحبه كمان محتاجها لنا فخلينا نبدا من المبادره خلينا نبدا من انك تتكلمي باحتياجاتك هنعمل ان احنا نشوفك صديقه فعلا لكل اللي حواليكي بتقدمي معاني الصداقه في كل علاقاتك عشان ان شاء الله تبداي تكوني صحبه حقيقيه تكون شبهك تكون شبه اهدافك علشان ما تلاقيش ناس دخلت حياتك هم مش شبهي خالص وهما مش منزلين فتضري اكثر ما تنتمي.ياجاتنا لان احنا نبدا نقدمها علشان نبقى بنتكلم باحتياجاتنا دي فمثلا انا دلوقتي محتاجه ان انا يكون عندي صحاب طيب ازاي انا بتحرك في الحياه عشان يكون عندي صحاب انا ابدا اكون صاحبه طب ابدا اكون صاحبه لمين ان هو مفيش صحاب اكون صاحبه. لاهلي اكون صاحبه لصحابي دول اللي مش على طول معاهم مش بنتكلم كثير لان احنا مش محتاجين ان احنا نكون مع بعض 24 ساعه او نتكلم كثير اكون صاحبه بمعنى الكلمه لما اكلمهم اكلمهم عشان اسال عليهم واعرف اخبارهم يكون كلنا مثلا بننوينيه وكلنا نجتمع عليها ولما نرجع نكلم بعض بعد فتره حتى لو بنكلم بعض كل اسبوع او اسبوعين مر حتى لو بنكلم بعض مره في الشهر فهنبقى متابعين مع بعض.
تم النشر الثلاثاء، ١٩ أغسطس ٢٠٢٥
حاولي تشتركي ف درس تحفيظ قران وتصاحبي من هناك مش من الاونلاين لان ممكن تكون بنت فيك او بنت مش كويسة اخلاقيا وده هياثر عليكي قدام انتي بتكوني شخصية دلوقتي والاحسن انك تكوني شخصيتك ف الواقع وتبعدي عن الاونلاين وتاخدي كورسات لغة مثلا تطوري بيها نفسك
تم النشر الأحد، ١٧ أغسطس ٢٠٢٥
لا لا لا صداقات من النت لاء الافضل انك مثلا تروحي مسجد تحضري دروس أو تحفظي في مقرأة للقران الكريم وتتعرفي علي بنات من سنك وهتكون صحبة صالحة والله العظيم عن تجربة
تم النشر الاثنين، ١٨ أغسطس ٢٠٢٥
ليه؟
تم النشر الاثنين، ١٨ أغسطس ٢٠٢٥
حذاري من صداقات السوشيال ميديا، خلي بالك.
تم النشر الأحد، ١٧ أغسطس ٢٠٢٥
لعرض السؤال في فدني اضغط هنا