السلام عليكم ورحمة الله وبركاته
انا بدأت دروس تالته ثانوي واهو بحاول اذاكر وانتظم بس المشكله ان ابن عمتي معايا ف تالته ثانوي وانا هو لما قد بعض دايما فيه مقارنه بيني وبينه وهو حاليا هينزل دروس ف كل المواد لاكن انا هاخد مادتين اونلاين: العربي والاحياء
فخايفه انه ممكن يجيب مجموع اكتر مني وأهلي يتخانقوا معايا ف خايفه اوي ومش عارف اعمل اي
السلام عليكم، خليني أقول لك إن أكبر خطأ هتعمليه و100% هيأثر على دراستك سلبًا هو اللي بتقوليه ده. إذا من دلوقتي هتحطي ابن عمتك في دماغك وتفضلي أنتِ نفسك خايف من المقارنة بينكم وإنه هو يجيب مجموع أكبر فتأكدي إنك هتحققي اللي انتِ خايفة منه. *** نصيحتي لك حقيقي لو عاوزة مصلحتك، شيليه خالص من دماغك، شيلي حتى كلام أهلك من دماغك وركزي بس على نفسك. ركزي أنتِ على دراستك وفهمك للمواد وإزاي تذاكري بطريقة ذكية تمكنك تنجزي وتكتسبي معلوماتك بأقل وقت وأكبر قدر من التركيز. انسي ابن عمتك خالص، ولو حد من أهلك استخدم الطريقة دي في تحفيزك للمذاكرة اتكلمي معهم بصراحة وقولي لهم الطريقة دي بتأثر معاكِ سلبيًا وإنك هتبذلي جهدك وربنا هيوفقك ويوفق ابن عمتك. ** المنافسة حلوة لكن فرق كبير بين المنافسة الإيجابية اللي تحفزك وتخليكِ تنجزي وتتقدمي والمنافسة السلبية اللي هتوقفك مكانك وتملأك مشاعر سلبية وإحباط. شوفي الأسئلة هنا الخاصة بالمذاكرة وهتلاقي نصائح كتير خدي منها اللي يناسبك وتوكلي على الله وابدئي. جددي نيتك من المذاكرة وحافظي على علاقتك بربنا واعملي اللي عليكِ وأنتِ موقنة إن ربنا هيوفقك ويكتب لك اللي فيه الخير لك. بالتوفيق إن شاء الله.
تم النشر الخميس، ٣١ يوليو ٢٠٢٥
السلام عليكم ورحمه الله السنه طويله فعلا بتاعت الثانويه وانا مكنتش اعرف كده غير لما خرجت منها السنه الي فاتت.. الموازين اتقليت وناس كلو كان فاكرها شطره جابت مجموع قليل.... الشاطر الحقيقي هو الي بيشتغل وهو ساكت ميعرفش حد... مش لازم تجاوبي علي كل اسأله المستر ومش لازم تجيبي درجه عاليه في الامتحان...انتي بتنشني علي هدف الامتحان النهائي... اهم حاجه تذاكري وتفهمي المواد صم زي اسمك وحتي لو جبتي١٠١٪ هتتقارني بواحد جاب ١٠٢٪ طالما جت مقارنه من الاول... حبي اهلك وحبي نفسك وحبي الفتره الي انتي فيها واجتهدي وخلي نيتك اسعاد نفسك واهلك..🤍بندعيلك كلنا فاستعيني بالله المشوار طويل ومش عاوز مشاكل في النص
تم النشر الاثنين، ٤ أغسطس ٢٠٢٥
وعليكم السلام ورحمة الله وبركاته يا حبيبتي، أولاً، أحب أقول لك إن خوفك من النتيجة والمقارنة مع ابن عمتك أمر طبيعي جداً، خاصة لما يكون في ضغط من العائلة والمقارنة بينكم. بس خليني أساعدك تفكري بطريقة تريحك وتمكنك بدل ما تخليك مضغوطة. نصايح عملية عشان تتعاملي مع الوضع: ركزي على نفسك فقط المقارنة عادةً تأثر سلباً على ثقتك بنفسك، وبتضغط عليكِ نفسياً. خلي تركيزك على تطوير نفسك، وإنك تحققين أفضل ما عندك مش على شيء حد تاني بيعمله. نظمي وقتك ومذاكرتك بما إنك بتاخدي مادتين أونلاين وبدروس أخرى موجودة عند ابن عمتك، جربي تحطي جدول مذاكرة واضح ومتوازن تناسب الطريقة اللي تريحك. خدي فترات استراحة وحافظي على راحتك النفسية. كلام مع أهلك بهدوء لما تحسي إن الموضوع ممكن يتسبب في مشاكل، حاولي تتكلمي مع أهلك بهدوء عن خوفك وضغوطك. اشرحي لهم إن كل شخص له طريقته وظروفه، وإن هدفك هو الاجتهاد بأفضل ما عندك مش المقارنة مع حد. اطلبي دعم من شخص تثقين به في بعض الأحيان وجود حد يسمعك ويفهم مخاوفك يقلل كثير من الضغط النفسي. تذكري أن النتيجة ليست كل شيء النجاح الحقيقي هو اللي تكتسبي مهارات جديدة وثقة في نفسك، والنتيجة مجرد خطوة من خطوات كثيرة في حياتك. إذا شعرتِ في أي وقت إن القلق أو الضغط نفسي كبير جداً عليك، ممكن تفكري في استشارة خبير نفسي أو مدرب حياة يساعدك بالتعامل مع هذه المشاعر. وإذا حبيتي، يمكنك زيارة صفحة الخبراء على فدني (https://www.fedni.net/experts) وتبحثي عن استشارات تساعدك. أنا هنا معك دائماً وأتمنى لكِ التوفيق والنجاح يا غالية! لا تترددي تسألي أي شيء آخر 😊 ذكية
تم النشر الخميس، ٣١ يوليو ٢٠٢٥
ذاكري ولكل مجتهد نصيب ومتقارنيش نفسك بحد أهم شيء تكوني واثقه في نفسك وتتوكلي على الله وذاكري من النهارده وخدي دروس ولو الظروف مش سامحه خدي دروس اون لاين واشتري ملخصات وذاكري
تم النشر الخميس، ٣١ يوليو ٢٠٢٥
حتى لو جاب واتخانقوا هتكوني عارفة ان المقارنات غالبا غير عادلة بسبب اختلافات كثير في الظروف وحتى الشخصية وطريقة التفكير بتأثر .. وهتكوني عارفة ان قيمتك مش في درجاتك .. وهتتخطي المواقف الصعبة بإذن الله
تم النشر الخميس، ٣١ يوليو ٢٠٢٥
حبيبتي كل واحد له رزقه دي شئ لازم تؤمني بيه .وصدقيني اللي بيشغل نفسه بفلان وعلان مابيوصلش .حطي هدفك قدامك ركزي ع نفسك ،اي كلام تسمعيه ماتتأثريش ومتنسيش اللي بيقول مابيعملش واللي بيعمل مابيقولش وربنا يوفقك ياقمر ❤️❤️
تم النشر الخميس، ٣١ يوليو ٢٠٢٥
اعتبرى دى ميزه و لو انتى استفدتى بشىء من الاون لاين شاركيه معاه واسأليه هو كمان عن اى استفادة واطلبى منه مثلا االمذكرات للى بياخدها وشوفى اذا هتفيدك ....بلاش تبقوا منافسين لبعض وخليكم اضافه لبعض
تم النشر الثلاثاء، ٥ أغسطس ٢٠٢٥
متحطيش ابن عمتك في دماغك لأنك لو فضلتي تقارني هتتعبي و ذاكري و ركّزي مع نفسك و بس ملكيش دعوة بأي حد
تم النشر الاثنين، ٤ أغسطس ٢٠٢٥
سيبيها علي الله بجد هترتاحي أنا دفعة 2025 ومكنتش باخد غير باردو في مادتين بس كنت ادبي وجبت مجموع اعلي من كذا حد كنت متوقع إنو هيجيبو اعلي مني والحمد لله مكنتش باخد دروس في كل المواد وهما كانو بياخدوا ، فبالعكس هيبقا معاكي وقت اكتر منو فربنا يوفقك وتجيبي المجموع الي نفسك فيه يارب
تم النشر السبت، ٢ أغسطس ٢٠٢٥
لعرض السؤال في فدني اضغط هنا