السلام عليكم، أولًا ربنا يعينك ويشرح صدرك ويفرج همك بإذن الله. هو أكيد في تراكمات وضغوط نفسية وصلتك للحالة دي ومحتاجة تعالجي جذور المشكلة عشان تتجاوزيها، وإن شاء الله الخبراء النفسيين هنا يقولوا لك خطوات عملية تساعدك، لكن من رأيي مش محتاجة تبكي عشان تفرغي مشاعرك السلبية وضغوطك، أيوه البكاء بيريح بس فيه طرق تانية لتفريغ المشاعر. متجبريش نفسك على البكاء ولا تسمعي أغاني ومؤثرات حزينة عشان بتأثر سلبًا وهتزود حالتك ومشاعرك السلبية. جربي طرق إيجابية، فيه ناس ممكن تكون حزينة ومش قادرة تبكي فبتخرج مشاعرها بشخبطة على الورق أو رسم أو رياضة، جري أو قفز أو حتى رقص. متضغطيش على نفسك وتفكري إنك لازم تبكي، اتركي مشاعرك للوقت وهتيجي لحظة هتبكي وتخرجي كل الانفعالات المكبوتة. والأهم من كل اللي فوق، علاقتك بربنا، ساعات كتير الحزن وهموم الصدر بتكون من الشيطان فقربي أكتر من ربنا وجربي تدعيه بتوسل في السجود وادعي يوميًا في الصباح والمساء بدعاء (اللهم إني أعوذ بك من الهم والحزن وأعوذ بك من العجز والكسل وأعوذ بك من الجُبن والبخل وأعوذ بك من غلبة الدين وقهر الرجال) الرابط ده لأدعية كثيرة عن الرسول عليه الصلاة والسلام لإزالة الهم والغم إن شاء الله واظبي عليها. https://www.islamweb.net/ar/fatwa/256507/أدعية-تبعد-الهم-والغم-وتشرح-الصدر وبالنسبة للابتلاءات الكتيرة فحاولي تبصي حواليكِ وهتلاقي ناس كتير في ابتلاءات أعظم، ده لا يقلل طبعًا من ابتلاءاتك لكن فيه ناس مبتلاة بأشد وأعظم. ربنا معك وإن شاء الله يفك كربك وكرب كل مهموم.
العفو، بالتوفيق إن شاء الله.💚
تم النشر الخميس، ١١ سبتمبر ٢٠٢٥
وعليكم السلام ورحمة الله وبركاته. شكرا جدا لكلامك 🤍 + إن شاء الله هحاول اقرب من ربنا اكثر
تم النشر الخميس، ١١ سبتمبر ٢٠٢٥
لعرض الإجابة في فدني اضغط هنا