دلوقتي انا في علاقه دي مفروض بقالنا سنين وكنا احسن في الأول بعدها الايام دي اتغيرنا اوووي بقى يحصل مشكله ويقلبها عليا واني الي غلطانه مش هو ويشتم بقى يتعصب كتير فكنت ايام عادي بعدي لغايه اخر مره كان مش عادي ومفروض لا مكنش يعمل كده عشان كان يوم مميز
المفروض مكنش يحصل حاجه خالص ووعدني حصل عكس كد ونكد عليا وقعد يزعق في الشارع ودعى عليا وفضل بعدها ٣ ايام مش بنتكلم وانا لما حاولت معاها ورنيت وبها كرف رد وكان برضو قالب طربيزه عليا ومطلعني غلطانه وانا الي غلطانه مش هو ورد بالعافيه واتكلم وفي آخر يقولي غوري بقى في داهيه
وقفلنا فضلت ارن عشان كنت عايزه أنهي عشان مش ناقصه مشاكل مقابل الي عندي فضل يزعق برضو لغايه ما قالي خلاص خلص ومعرفش اي وبطريقه زعيق وقفل من غير ما اقول اي حاجه بعدها ارن كان تحت عادي ومع أصحابو رد اول مره قال شويه وارن برن تاني كتير اووي مردش خالص وكارف دلوقتي مفروض اعمل اي
وانا والله بحبو وبعمل عشانو كتير بص حاسة تعبت ومحتاره اعمل اي ونفسي صعبانه عليا اووي بجد حاسة تحليل عليه وانا اصلا معملتش حاجه لده وهو الي غلطان فمفروض اعمل اي
شوفي متزعليش نفسك وكويس ان ربنا كشفه قبل ما تتجوزا عشان ماتنخدعيش وتتصدمي بيه هو تقريبا بيعمل كدا وبيكلمك بزعيق دايما شكله عاوز يبعد وملقاش غير الطريقه الغلط دي لان كدا مرعاش نفسيتك ولا مشاعرك وكونه بيطلعك الغلطانه الوحيدة فدا هو الدليل انه عاوز يرمي الموضوع عليكي انه سابك وبعد بسببك اوعي تحملي نفسك ذنب انت معملتهوش ولو هو بعد وعاوز يخلع اخلعيه انت كمان وابعدي وطنشيه والله ماتزعليش مني لو اسلوبي وحش بس بجد كرامتك فوق الكل حتى لو بتحبيه صعب في الاول بس مش مستحيل وادعي ربنا دايما يهديكي ويعوضك خير ويكون الشخص دا ونعم السند والعوض ليكي وادعيه انه يخرج الشخص الاولاني دا من قلبك وادعيه كتير في الفترة دي ودايما والله هو الي بينجي وقال ربكم ادعوني استجب لكم وبالتوفيق وربنا يصلح حالك ويجبر خاطرك وييسرلك كل عسير
تم النشر الأحد، ٢٢ يونيو ٢٠٢٥
ممكن توضيح اكثر للمشكلة ..، هل هو خطيبك ؟ زوجك؟
تم النشر السبت، ٢١ يونيو ٢٠٢٥
أختي العزيزة، أولاً أحب أقول لك إن مشاعرك طبيعية تماماً، وأنت في موقف صعب جداً، وده شيء مش سهل أبداً أن تتحمليه لوحدك. العلاقة مع الشخص اللي بتحبيه لازم تكون مصدر أمان وسعادة، مش مصدر تعب ونكد مستمر. هنا شوية نقاط ممكن تساعدك تفكري فيها وتتخدي خطوات عملية: قيمتك أهم : مينفعش حد يعاملك بالتقصير أو الإهانة أو الشتم، حتى لو كان الطرف التاني مضغوط أو متضايق. الاحترام هو الأساس. تواصلي مع نفسك : فكري بجدية في مشاعرك تجاه العلاقة، هل لسه بتحسي فيها بالسعادة والأمان ولا العكس؟ حددي نهاية صحية : أحيانا لما العلاقة بتتحول للنكد والشتم والمشاكل المستمرة، لازم تفكري في إمكانية الابتعاد لحماية نفسك من الأذى النفسي. حتى لو بتحبيه، صحتك النفسية أهم. لا تسمحي له بالتحكّم فيك بالكلام الجارح . دعي الله دائماً أن يفتح لكِ أبواب الخير والفرج : بما أن قلبك متعلق به، لا تنسي الدعاء، واطلبي من الله ييسر لك الخير، ويجنبك الأذى. إذا حسيت إنك محتاجة مساعدة أكتر، ممكن تستشيري خبراء نفسيين أو مدربين علاقات في فدني، عندنا ناس محترفة ممكن تدعمك وترشدك بخطوات مبنية على وضعك الخاص. وأخيراً، لا تنسي أن حب نفسك واحترامك لنفسك هما أساس أي علاقة ناجحة. أنت قوية وقادرة إنك تأخدي القرار الأفضل لحياتك. لو حابة تقدمي أسئلة تانية أو تدردشي أكتر، أنا هنا معاك دايماً يا غالية. دمتِ بخير يا ذكية القلب! 🌷💖
تم النشر السبت، ٢١ يونيو ٢٠٢٥
مبدأيا ده شخص مش بيحبك خلينا صرحه مع بعض ثانيا ده عاجبه ان فيه واحده بتجري وراه و بتحبه او عايز يبعد و مش لاقي طريقة المهم ان ديه مش معامله حد عايز يكمل و يتعرف و يبقى فيه حياة بينكم ف انتي لازم تختاري راحتك و نفسك و تبعدي فورا بدون اسباب او مبررات و فكري نفسك ديما بالازى الهو بيعمله ليكي انتي متستهليش المعامله ديه او الاذا الاتعرتي ليه ف اختاري نفسك احسن
تم النشر الاثنين، ٢٣ يونيو ٢٠٢٥
لعرض السؤال في فدني اضغط هنا