السلام عليكم
أنا متزوجة من سنة ونص وزوجي مسافر للعمل بالسعودية أديله تلات سنين وحتي الآن لم يرزقنا الله بأطفال ، مشكلتي هي إنه زوجي بيدي لأهله فلوس كتير ومش عارف يحوش مبلغ يقدر يعمل منه مشروع او حتي نشتري منه حاجة نستثمر بيها سنين الغربة دي بالرغم من ارتياح حالة أهله المادية ، أنا مش عارفة اتلكم معاه وأقعنه بإنه أهله في غني عن الفلوس اللي هو بيعطيها لهم وإنه إحنا عايزين نبني مستقبلنا بس هو بيقولي إنه واجب وفرض عليه يساعد أهله وإنه هما حالتهم المادية ضعيفة وإنهم بيشتكوا من ظروف المعيشة ، بس أنا أعلم بإنهم مرتاحين ماديا ، أنا وهو بنحاول نمشي ظروفنا في الغربة وبنحاول نوفر وباجي على نفسي كتير في حاجات كتير علشان أوفر ، لكن لما عرفت بالفلوس اللي بيحولها لأهله دي وحاولت اتكلم معاه وهو رفض الحكي والنقاش في الموضوع دا أنا اتضايقت واتعصبت ومش قادرة ولا عارفة أقنعه بإنه أهله في غنى عن الفلوس دي وإنه إحنا محتاجين نبني مستقلبنا علشان نرتاح من الغربة ونوفر مسقبل أفضل لينا ، أنا مش عارفة أعمل إي ولا أتكلم معاه وأقعنه ازاي
السلام عليكم ورحمه الله وبركاته احنا محتاجين نبعد ان احنا نتكلم لانه زيها صعب جدا انك تعملي فيها كل اللي هو ممتاز مفيش هنا بتقول ان الشخص بشكل حتى توجهك انت بقى في الحياه ضروري يكون بعيد. على نفسك احتي بشكل مرتاح انت مثلا هنشتري كل شهر الصغيره حاجه ليكو وما بينكم ما فيش مشكله خالص هتبداي انت مثلا او في حاجه يكون فيها استثمار زي مثلا الدنيا وعليها اي مقدم كويسه هذه حلوه يعني ده انتي تعملي الالغازات بتاعته بتاعه التخطيط وخلينا ندمج معاكي في الموضوع بعيد فكره خلينا نعمل او خلينا ناخذ نفس القسم كده تماما لان كده هو تامنه علاقه بالم.
تم النشر الأحد، ١٩ يوليو ٢٠٢٦
وعليكم السلام ورحمة الله وبركاته. أولاً، أقدر شعورك تماماً يا أختي، فأنتِ بتضحي كتير عشان توفري وتبني مستقبلكم مع زوجك في الغربة، وده يدل على إنك بتفكري في مصلحة البيت والأسرة. الموضوع ده حساس لأنه بيخص المال والأهل، ورفض زوجك للنقاش بيخلّي الأمر أصعب، لكن الحل مش في الإصرار أو الغضب، بل في طريقة حوار هادئة ومدروسة تحافظ على احترامك له وتفتح باب التفاهم. ابدئي باختيار وقت مناسب، زي بعد صلاة أو في مكالمة هادئة بعيد عن الضغط، وقولي له كلام يبدأ بـ"أنا" بدل "أنت"، مثلاً: "أنا بحب إنك بتساعد أهلك، وده يرضي ربنا، لكن أنا قلقانة على مستقبلنا إحنا كزوجين، خاصة إننا بنحاول نوفر عشان نبني حياة أفضل ونجهز لأولادنا إن شاء الله". أكدي له إن مساعدة الأهل واجب، لكن في الإسلام الأولوية للزوجة والأولاد، وإن بناء بيتكم مش هيقلل من بره بأهله، بل هيخليه أقوى. اقترحي معاه خطة مشتركة، زي تحديد مبلغ ثابت شهرياً لأهله والباقي يتوفر لمشروع أو استثمار بسيط، وخلّيه يشعر إنكما فريق واحد. لو استمر الرفض، حاولي مرة تانية بهدوء أكتر، وادعي له بالتوفيق والرزق، واستعيني بالدعاء والصبر. ربنا ييسر أمركم ويرزقكم الذرية الصالحة والرزق الوفير. لو عايزة أفكار إضافية عن طرق الحوار، ابحثي عن أسئلة مشابهة على فدني عشان تشوفي تجارب أخرى. أنا هنا لو حابة تتكلمي أكتر.
تم النشر الأربعاء، ١٥ يوليو ٢٠٢٦
قولي له نص الفلوس لأهلك ونص ادخرها .. واصبري عليه
تم النشر السبت، ١٨ يوليو ٢٠٢٦
عليكم السلام ورحمة الله وبركاته انظري يا أختي أنا لا أعلم بظروف معيشتكم و لا أعلم بمقدار الفلوس اللي جوزك بيبعتها لأهله و لكني أكاد أجزم إن حياتك لو بصيت ليها بشكل مختلف أكيد هتلاقي فيها بركة و حياتك سعيدة مقارنة بناس تانية كتيير انتي مشتكتيش من طباع جوزك مشتكتيش من تجاهله ليك مشتكتيش من فكرة أنه هو ممكن يكون مضايق إن ربنا لم يرزقكم بولد حتي الآن و اشتكيت من فكرة إنه مش بيعمل حساب مستقبله اسمحيلي أني أخالفك و أقولك إن جوزك بيسعي لأحلي مستقبل قبل ما أقولك إزاي لو الفلوس دي كانت طلعت صدقة كنت برضه هتفضلي علي موقفك لو اه فنصيحة مني روحي اقرأي سيرة أبو بكر الصديق و لو لأ يبقي افهمي إن جوزك بيعمل كده علشان آخرته منه بيستثمر فلوسه لأخرته و منه بيبر أهله طالما ده مش بيأثر علي حياتكوا يعني طالما وضعكوا الحالي ماشي و انتي عايشة معاه عيشة سوية بالتالي كده انتي تشجعيه في اللي بيعمله علشان ربنا يجمعك بيه في الدنيا و الآخرة و متخفيش علي مستقبلكوا الماضي و الحاضر و المستقبل بيد الله لو فضلت تحوشوا ملايين إذا شاء الله تفلسه في يوم لفعل و لو صرفت كل مصروف جيبكوا في طاعة الله إذا شاء الله زودهولكوا من حيث تحتسبون و من حيث لا تحتسبون ﴿مَن ذَا الَّذي يُقرِضُ اللَّهَ قَرضًا حَسَنًا فَيُضاعِفَهُ لَهُ وَلَهُ أَجرٌ كَريمٌ﴾
تم النشر الخميس، ١٦ يوليو ٢٠٢٦
لعرض السؤال في فدني اضغط هنا