انا تعبت من موضوع اني بعمل العادة السرية من مدة كبيرة اوي و نفسي أبعد عنها و سمعت كل النصايح و مفيش فايدة و برجعلها تاني اعمل اي؟؟@Psy-a'laa M. Abdulhamid
تواصلي مع أخصائية نفسية العادة تعتبر نوع من أنواع الإدمان السلوكي ومحتاج تدخل مختص وممكن تبقى عرض من مشكلة تانية مش مشكلة في ذاتها
تم النشر الجمعة، ٦ مارس ٢٠٢٦
بصي العادة دي مش بس ذنب، دي سرقة لمشاعرك وطاقتك اللي ربنا شايلهالك للحلال. إنتي بتستنزفي إحساسك في خيال وهمي، وده بيخلي روحك تنطفي. افتكري إن جسمك أمانة، ومينفعش الأمانة تتبهدل في حاجة مستخبية. و أول ما الفكرة تيجي في بالك، قدامك ٥ ثواني بالظبط تقومي من مكانك، تغيري الأوضة، أو تفتحي الموبايل تكلمي حد. لو فضلتي قاعدة بتفكري هتستسلمي. و ممنوع تدخلي الحمام بالموبايل، وممنوع يفضل معاكي وأنتي عالسرير لوحدك قبل النوم. ده أكبر باب للشيطان. والرياضة مش رفاهية، دي بتسحب الطاقة الزيادة من جسمك وبتطلع هرمونات سعادة حقيقية مش وهمية. وكل ما تحسي بضعف، قومي اتوضي. الوضوء بيطفي نار الشهوة وبيهدي النفس . دايمًا فكري في جملة الله شاهدي، الله ناظري. هل تحبي ربنا يشوفك وأنتي في الحالة دي؟ و كل ما تقعي، اتوضي وصلي ركعتين توبة فوراً. الشيطان هيكره يخليكي تعملي الذنب لو لقى إن الذنب ده بيخليكي تسجدي لربنا وتتقربي منه. وقولي اللهم طهر قلبي وحصن فرجي . ربنا بيحب العبد اللي بيحاول، حتى لو بيقع ويقوم. ولو وقعتي مرة، متيأسيش وتقولي خلاص باظت . قومي اغتسلي وصلي وابدئي من جديد. ربنا غفور ورحيم، والمجاهدة دي ليها أجر عظيم جداً وجد والله خلى في عباده تعمليها بعد ما تقعي في مثلاً الف صلاه على النبي صلى الله عليه وسلم ،او الف استغفار الشيطان مش هي خليكي تعمل الذنب علشان انتي هتوبي بعدها هيكرهك فيه ، بعتذر عن الإطالة 😊 وجد ربنا يحفظك ويسعدك
تم النشر الجمعة، ٦ مارس ٢٠٢٦
بحس أن موضوع الإدمان دا صعب اي حد يتكلم فيه اللا لو كان دارس ومتمكن جدا منه ، حتي اللي مر بتجربة ما وتعافي منها فدا مش شرط أنه يدي نصائح لا ، لازم حرفيا تسمع النصيحه من حد دارس علم نفس أو ادمان سلوكي لأن هالموضوع ف معظم الأحوال بيبقي متجذر جوا العادات والروح فبيبقي الخلاص منه صعب وكل فتره بحاول توقف تلاقي نفسك رجعت تاني .. لو هنصحك بحاجه وهو انك تتابع حد اسمه دكتور عماد رشاد ممتاز بيفهمك حرفيا كل حاجه ليها علاقه بالسلوك الأدماني بشتي صوره وازاي اصلا اتخاق عندنا وازاي نبدأ نخلص منه واحده واحده ، اصل لو الواحد عنده سلوك ادماني فهو ف الغالب بيفكر فيه اول حاجه لما يبقي مبسوط أو زعلان أو عند اي تقلب مشاعر أو احساس اكستريم جالك سواء سعاده أو حزن ، هو ممكن الإنسان يرتكب العاده السريه حتي وهو سعيد ؟ اه ، لأن الموضوع بقا عنده أعمق من كونها حرام او مضرة أو بتخليك تنعزل عن الناس او تأخرك ف الحياه عموما مش ف الدراسه بس .. ف الموضوع متعمق جوا النفس بشكل صعب ، عشان كدا الخلاص منه مش سهل ولا ف يوم وليله حتي .. المشكله أنه أغلبنا ممكن يقولك تجربته وهي ف الاول والاخر تبقي تجربته هو لوحده ومش شرط تنفع مع غيره ، وممكن واحد يديك نصيحه دينيه فمتجيبش نتيجه معاك لانه بالفعل اكيد عملت بيها من قبل واكيد انت بتصلي واحنا ف شهر رمضان اهو وانت مدرك قيمة الشهر ولكنك وقعت برضوا ، ممكن حد يديك نصيحه تابعه عن بعض الخواطر اللي هو قرأها ف تريحك شويه ولكن تلاقي نفسك رجعت اسوء ... طيب الحل انك تتابع مع مختص لانه الموضوع تدريجي وبيمشي بخطوات وكل خطوة بتبقي مكمله للتانيه وهكذا ... وعلي حسب مستوي الإدمان برضوا ، ف الله المستعان وربنا يعينك ويعينا جميعا ع أعباء الحياه اللي أصبحت لا تُحتمل .. ف احنا ف رمضان وف ايام مباركه وداخلين ع العسر الأواخر ف حاول تتعبد وتدعي ربنا ف الايام المباركه أنه يشفيك ويخليك تاخد بالاسباب المعينه ع الصلاح لإنه الدعاء لابد أن يكون مقرونا بالعمل حتي يكتمل العلاج
تم النشر الجمعة، ٦ مارس ٢٠٢٦
لعرض السؤال في فدني اضغط هنا