مساء الخير
انا عندي 18 سنه دلوقتي انا مشكلتي كبيره اوي و نفسيتي وحشه اوي بسبب الموضوع دا و مش عارفه اتعايش ولا اعمل اي
المشكله هي ان بابا طالع عن المعاش من 5 سنين تقريبا و كان عادي وطبيعي لغايه السنه دي بقي غريب اوي مش بيحب يقعد معانا و بقى بيتريق على كل حاجه مع ان بابا مش كده بابا طبعو هادي جدا و بقى لو في عربيات ف الشارع يرعقلهم ويشتمهم من قبل ما يلمسونا حتى مع انو مكنش كده و كان متفهم جدا كل الناس
و مره لقينا في حد بيكلمو علي التيليجرام من تلفون ماما علشان بتاعو كان مفتوح عند تلفون ماما فلقينا واحد باعتلو و بيشتم ويقول كلام قليل الادب لبابا فاطبعا بابا ميعرفش اننا نعرف و هو ساعتها كان بره البيت و اول ما جه وماما قالتلو مين دا اتوتر و قعد يقولها دا واحد كان عاملي اد علي الفيس فافتكرتو حد من قاريبي و قبلتو وبعدين طلع واحد قليل الادب فعملتلو بلوك بس هو طلع بيكلمني من كذا رقم و بتاع
فالمهم الموضوع عدى وبابا عملو بلوك من التليجرام مع اني مكنتش مقتنعه ازاي و احد متعرفهوش تديلو رقمك بس تمام والموضوع عدى و ف الفتره دي برضو فلوس بابا كانت بتخلص بسرعه اوي مع ان البيت دايما فاضي مفيهوش اكل
و لما كنا بنطلب مش دايما كان بنجيب مع اننا الحمد الله حالتها الماديه كويسه اي حد ما فا المهم عدى كام يوم كده و لمحتو بيكلم حد على الوتساب و بابا بيبعتلو صورو و قى ف الفتره دي برضو مهتم بنفسو اوي و بيصور نفسو دايما و لو احنا معاه يقولنا صوروني و بعدين ابعتولي الصور
ف مره فتحت الموبايل بتاعو و هو نايم لقيتو باعت لواحد صورو و كلام الشخص اللي بابا بيكلمو غريب اوي وقذر بتاع واحد الوان من الاخر و فيديوهات فيها اغاني حب وبتاع
و المهم بابا كان ماسح كلامو هو و سايب كلام الراجل فا انا لما شوفت الكلام دا معرفتش اعمل اي وقولت لماما و كان برضو ف الفتره دي كان بيكلم حد ف التلفون ف البلكونه وبيقفل على نفسو الباب و ممكن يقعد ب 3 ساعات بيتكلم و لما اختي سألتو انت بتكلم مين قالها انتي مالك هو لما انتي بتكلمي صحبتك حد بيسألك بتكلمي مين فا سكتت
المهم انا قلت لماما حنعمل اي مش حينفع يفضل كده و انا من جوايا مدايقا منو اوي اي الي هو بيعملو دا المهم ماما و بابا نزلو يوم بيجيبو حاجه يعني فا ماما قالتلو ان في حد من البنات شاف كذا كذا فا اي دا فا قالها دا واحد صحبي واحنا كنا بنهزر و عادي وبتاع و اليوم دا بعد ما رجع من بره مع ماما كان مهتم بينا اوي و ساب الموبايل خالص و قعد لعب معانا وفضونا سوا و اتعاملنا زي اي اسره طبيعيه
مع العلم ان احنا اسره متفككه و ماما وبابا دايما متخانقين و مش طايقين بعض
من اليوم دا بابا عمل بلوك للراجل الي كان بيكلمو دا و ملقتش اي حاجه على موبايلو بعد مده فا قولت بابا خلاص بطل الي بيعملو دا و عدت فتره و من اول الشهر دا من اسبوع مثلا ماما سافرت تركيا لاخواتي الي بيدرسو هناك وسابتنا معاه فا انا كنت كل ما اجي اكلمو فحاجه الاقيه فاتح شات واتس وبيكلم حد واول ما يسمع صوتي بيقلب التلفون على وشه بسرعه اوي علشان ماشوفش حاجه بس انا مهتمتش اوي
و ف يوم كان نازل يتمشي شويه فا برن عليه اول مره فا لقيتو بيكلم حد عني وبيقولو لا ما انا لازم اقفل عليها و اون انا فا كلمتو و سالتو بابا انت معاك حد قالي لا اقولتلو انا عايزه اي وقفلت معاه و رنيت عليه تاني علشان كنت نسيت حاجه فالقيتو بيقول لحد برضو هي اكيد نسيت حاجه و بترن تاني علشان اجيبهالها
فا اكيد انا مش بتخيل ف المرتين يعني فا لما روح قولتلو متأكد مكنش معاك حد علشان سمعتك بتكلم حد وبتقولو كذا كذا قالي لا خالص كنت لوحدي ويومها كان مهتم ب زياده و كنت بعمل الاكل كان كل شويه يدخل يقولي استعدك ف حاجه وبعدين يفضل واقف شويه وبعدها يمشي
و ف اليوم دا قولتلو تعالي اقعد معانا ف الاوضه و احكيلنا قصه أو أي حاجه ف قعد معانا و انا قولتلو هدخ الحمام و متتحركش لغايه ماجي
و لما طلعت من الحمام ملقتهوش فا سالت اختي عليه قالتلي معرفش فا رحت اشوفو فين لقيتو ف البالاكونه بيكلم حد و بيقولو لا يبابا والله متقولش كده و انا كمان والله و انت عارفه بس انا مينفعش اسيب البنات لوحدهم ف البيت المهم طمني عليك متقولش كده بالله عليك و طمني عليه وعاد الجمله دي اكتر من مره و انا معرفش مين الشخص دا و اصلا جدي ابو بابا ميت من زمان فا مستحيل هو و ابو ماما بوضو ميت من زمان
فا معرفش لي للحظه شكيت انو عندو ابن من حد تاني و بعد ما خلص رحتلو الاوضه الي هو فيها وقولتلو تعالي اقعد معانا فا قعد وحكلنا عنو وهو صغير ويتاع وبعدين تاني يوم قولتلو تعالي اقعد معانا زي مبارح و فعلا قعد معانا و شغلنا الكمبيوتر على فيلم و انفرجنا مع بعض و اليوم الي بعدو اخدنا خرجنا واتمشينا و اكلنا بره وهو ساعات بيفتكر اننا بنحبو بس علشان فلوسو معرفش لي او هو بالنسبة لنا البنك الي ما نحتاج حاجه بناخد منو
فا قبل ما ننزل قولتلو مش لازم نجيب اي حاجه من بره المهم نتمشي مع بعض و مش لازم نصرف مصاريف و متفتكرش اننا عايزينك علشان الفلوس بس لا والله و انت ابونا وبنحبك و كام كلمه حلوه كده و هو قالي انا عارف والله و انا بفرح لما بتخرجو معايا و خلاص و عدي اليوم
انهارده فتحت موبايلو لقيتو باعت لحد صورتو و الشخص دا كمان باعت لبابا صورتو بس اشك ان دي صورتو حقيقي و بابا عارف انو راجل و مع كده الراجل دا برضو باعت لبابا فيديوهات فيها اغاني حب وبتاع و بابا باعتلو اغنيه لاصاله و الراجل عمال يقول لبابا انا نفسي اعيش معاك الرومنسيه دي الي ف الفيديوهات و نشغل الاغنيه الي بعتهالك و عجبتك وبابا بيقولو بابا برضو بيرد بكلامو بكلام وحش اوي اكنهم اتنين بيحبو بعض بس ازاي يعني بابا مش بيسب فرض ودايما بيصلي الصلاه ف وقتها
فا معرفش انا نفسيتي زي الزفت و مش عارفه اتعامل معاه كويس يعني بعاملو بطريقتي العاديه بطريقه حلوه عادي بس حاسه اني مش عايزه اتعامل معاه لاني مديقه منو و من الي بيعملو دا و بقي بينزل علي الفيس صور ليه و نزل بوستات سخيفه اوي و بيضحك على اي حاجه فيها اهانه للستات علشان يقصد ماما فيها طبعا
و دايما شايف ماما وحشه و اي حد يشوفو اتخطب او حيتجوز من قرايبنا يقولو لي يعم تخنق نفسك من بدري كده و بيقول كده و هو مبسوط اوي وبقيت بحس اي حاجه تدايق ماما او تضرها هو بيبقي مبسوط بيها اوي مع ان ماما مش كده خالص في حاجات كتير اوي نسيتها بس دا الي افتكرتو و اسفه اوي لو بكتب ب عشوائيه شويه بس علشان انا بجد خايفه ومتوتره ومش عارفه اعمل اي ونفسي تساعدوني فعلا الاقي حل
على العموم قد تكوني لا تستوعبي الصدمة ولكنك في مفترق طرق وعندك خيارين ١ - الخيار الأول انك تتقبلي بكل صراحة وشفافية ان والدك بيعصي بالطريقة دي وإنك مش مسؤولة عن أفعاله وإن له البر والإحترام والله يهديه ولكي حياتك وله حياته وكونه أخطأ ده لا يقلل منك ٢- الخيار الثاني انك تفضلي مصدومة ومتهربة من الحقيقة ومشمئزة وده خيار و طريق مظلم لأن التهرب من الحقيقة ده اللي هيخليكي تعيدي نفس السلسلة مع ابنائك ويكون مصيرك زي مصيره فقد يكون هو تعرض لصدمة أو ظلم ............................. تقبلي الوضع وعيشي حياتك فالصدمة لو ما انكسرتيش منها هتقويكي .. حاولوا تشغلوه بحاجات تحسسه بقيمته لأنه لما تقاعد فقد شعوره بقيمته .. مش عليكم تغييره ومش شرط تجادلوه لأن الشهوة تتغلب على العقل
تم النشر الجمعة، ١٥ أغسطس ٢٠٢٥
السلام عليكم ورحمه الله وبركاته لما بيكون في وضع زي ده في خطا كبير من الاب ده بيكون مؤذي جدا من كل كلامك واضح انك اخذتي انت دور المسؤول عن والدك انك تشوفي هو مش صح ولا ماشي غلط طب نعمل ايه طب يعني طب نلحقه ازاي دي مسؤوليه كبيره وانت جميله بتتكلمي عنها بطريقه جميله لحبك لوالدك بس خلينا نتاكد انه في جزئيه غلط ما ينفعش انك تفتحي الموبايل والدك ولا تشوفي حاجات وتتبعي وهو بيعمل ايه لو في حاجه جت بالصدفه زي ما قلت كده مع والدتك على الموبايل بتاعها فتمام دي بالصدفه لكن احنا مش هينفع ان احنا نستمر ان احنا نفتح نشوف موبايله وهو بيكلم مين وبيعمل ايه واضح جدا انه والدك حصل معايا ازمه من بعد المعاش ودي بتحصل مع ناس كثير وللاسف ممكن يبدا يبقى ليهم تصرفات عكس طبيعتهم وده بسبب الفراغ اللي كان بيملاه روتين الشغل فاحنا ممكن نشجع بابا ان يكون في حاجه بيعملها تكون برده شغل صغير كده يكون بيعمله على حسب المجال اللي هو في يدي استشارات مثلا او يبدا اي حاجه هتساعده ان يكون في عنده روتين يبعدوا عن اي سلوكيات ممكن تكون على سبيل ملء الفراغ مش اكثر من كده نقطه انه انتم يكون ليكوا برده روتين عائلي دي مهمه جدا وهتفرق كثير جدا جدا يكون ليكوا نشاطات برده تكون مشتركه زي النت تعالى نتصور مع بعض احنا هنزل الصوره دي ايه رايك ننزل دي كل مكان انتم ليكم ارتباط شخصي معاه كل مكان ده افضل علشان برده ما يكونش في نقطه اجتماعيه فاضيه بالنسبه له ويكون اي حد ثاني بيملاها بسلوكيات خاطئه النقطه دي هتكلم عن حاجه هو المفروض انه الاباء هم اللي يعملوها مع الابناء ولكن هقولها لك انت تعمليها مع والدك وهو انك تبدئي تحكي له قصص وحاجات انت بتسمعيها عن نفس الموضوع انه بابا ده انا قريت عن واحده كاتبه مشكله انه ان هي لقت باباها بيكلم ستات وبيقول كلام وحش ودي حاجه مؤذيه جدا ومش عارفه هي ازاي تقدر تتخطى حاجه زي دي حاجه عشان نعرف الصح من الغلط ويلحقنا فاذا كان هو كده ازاي هي تقدر تتعامل معاه مره ثانيه والموضوع صعب هتكون دي مدخل علشان توصلي له بيه قد ايه ده شيء مؤذي لو فضل مستمر وقد ايه صورتك هتنهار قصاد ولادك لو احنا بقى قعدنا فتره ولقينا انه برده بدات تظهر حاجات بالصدفه مش واحنا بندور عشان ما ينفعش ندور زي ما اتفقنا والوضع مستمر زي ما هو هتحتاجي تكوني واضحه جدا مع والدك وانت تبلغيه انه بابا انا عارفه الموضوع الفلاني واحنا شفنا الموضوع الفلاني واحنا مش قادرين ان احنا نتعامل معاك بسبب ده فيا ريت تصلح من ده يا بابا علشان ده وضع غلط جدا وبعيدا عن اي انكار هو هينكره بعيدا عن اي مقاومه وهو هيقاومها تقدروا تاخدي رد فعل يكون مؤقت بان انتم تقولوا له احنا عايزينك تثبت لنا انه الموضوع ده توقف ولو محتاج اي مساعده ممكن تروح لاي مختص يساعدك في النقطه دي عشان تكون احسن فيها
تم النشر السبت، ١٦ أغسطس ٢٠٢٥
مساء النور عزيزتي، أولًا أقول لكِ: ربنا يقويك ويسندك في هذه المرحلة الصعبة التي تمرين بها. قصتك معقدة جدًا وتحمل عبء نفسي كبير، وفهمت منكِ أنكِ تعانين من اضطرابات في سلوك وتصرفات والدك بعد خروجه على المعاش، وهذا كله أثر عليك وعلى نفسيتك بشكل كبير. دعيني أساعدك بشكل واضح ومنظم، حتى تشعري ببعض الراحة والحلول العملية: 1. فهم الموقف الواقع والدك يعاني من تغيرات كبيرة في حياته بعد التقاعد، وهذه الحالة قد تسبب له إحساس بالضياع أو الوحدة أو حتى اضطرابات نفسية أحيانًا. سلوكياته غير المعتادة مثل التواصل مع أشخاص مجهولين، المزاج المتقلب أو الغضب المفاجئ، قد تكون علامات لضغط نفسي أو اضطراب نفسي أو حتى مشاكل صحية لم تظهر بعد. 2. كيف تتصرفين في وضع كهذا؟ حافظي على هدوئك وحاولي التفهم: من الصعب جدًا أن يكون والدك هكذا، لكن غضبك أو انزعاجك الزائدين لن يساعدا. حاولي أن تريه حبك واهتمامك بشكل هادئ دون ضغط. تواصلي مع والدتك بحكمة: ماما تشعر أيضًا بضغط كبير، ومهم أن تكونا فريق واحد تدعم بعضكما. تشجيع الوالد على زيارة طبيب نفسي متخصص: من المهم أن يتم فحص والدك لدى مختص نفسي أو طبيب أعصاب، خاصة مع تغيراته السلوكية وتصرفاته الغريبة. هذا لن يكون وصمة عار وإنما خطوة عملية لفهم حالته ومحاولة تحسينها. تجنّب المواجهات الحادة أو التجريح: تجنبي النقاشات التي قد تفجر النزاعات أو تزيد الوضع سوءًا، وحاولي دائمًا أن تكون الكلمات مريحة وهادئة. 3. دورك كابنة حاولي تشجيع والدك على مشاركة بعض الأنشطة مع الأسرة كما بدأت تفعلين، مثل الأفلام والخروج، فهذا قد يساعده يشعر بالانتماء والدعم. لا تأخذي تعليقات والدك أو تصرفاته على محمل شخصي، فغالبًا هي تعكس ألمه أو معاناته النفسية. اهتمي بنفسيتك واطلبي مساعدة محترفة لكِ إذا شعرتِ بأن الأمور أثرت على صحتك النفسية. 4. نصائح عامة للمساعدة تحدثي مع والدك عن مشاعركِ بهدوء عندما تكون أوقات العلاقة هادئة. حددي أوقاتًا تخصّصونها للعائلة تكون بغير توتر أو مشاكل. ابحثي عن مصدر دعم نفسي لكِ، سواء من خلال استشارات نفسية متاحة عبر الإنترنت أو خبراء في موقع فدني (https://www.fedni.net/experts) الذين يمكنهم تقديم مشورة مهنية متخصصة. لا تحملي نفسك مسؤولية تصحيح كل شيء بمفردك، فهذا عبء ثقيل جدًا. 5. من الناحية الدينية صلي وادعي الله كثيرًا، فهو القادر على تغيير القلوب وتيسير الأمور. حاولي تحفيز والدك على الالتزام بالصلاة والدعاء، وتأكدي أن ذلك هو مفتاح الراحة والسكينة بإذن الله. كوني قدوة في الصبر والرحمة، مع تحمّل هذه المحنة بشكل إيجابي. عزيزتي ذكية هنا دائمًا لدعمك، وإذا شعرتِ أنك بحاجة لدعم نفسي متعمق أو استشارة من مختصين فلا تترددي في البحث في قسم الخبراء بفدني حيث ستجدين متخصصين يمكنهم مساعدتك في حالتك. ولا تنسي أن تطلعي على أسئلة مشابهة هنا على فدني، فقد تجدين تجارب صلاة وعبور لهذه المرحلة من قبل أخريات. هل تحبين أن أساعدك في البحث عن خبير نفسي أو استشاري أسري مناسب عبر منصتنا؟ وأنا هنا لأي سؤال أو دعم تحتاجينه خطوة خطوة. لا تترددي في المشاركة وتفريغ مشاعرك متى ما أحببتِ. أنتِ قوية، وستعدّي هذه المرحلة بإذن الله، وربنا يفرج همك قريبًا. 💛
تم النشر الخميس، ١٤ أغسطس ٢٠٢٥
تم طرد العضو المسيء من تطبيق فدني
تم النشر الجمعة، ١٥ أغسطس ٢٠٢٥
بصي اولا الي انت بتتهمي فيه ابوك ده اتهام كبير جدا لكن مش مستحيل يحصل اه فعلا فين ناس كتير و عرب عادي اتجوزوا و خلفوا و طلع ميولهم شاذة فعلا . لكن بصراحة قدر اخف من قدر يعني ممكن بباك يكون بيخون فعلا مامتك بس مش مع راجل مع ست عادي و مسميها باسم راجل و طالب منها تبعتله حاجات معينة عشان يبان كأنه راجل صاحبه عشان ميتقفش يعني فاهمني و متسبيش الموضوع يعدي كدا " من رأى منكم منكرا فليغيره بيده "
تم النشر الجمعة، ١٥ أغسطس ٢٠٢٥
لعرض السؤال في فدني اضغط هنا