تجنب المشتتات وتجنب فتح الفيسبوك والانستجرام وغيرهم من هذه الاشياء
كلية فنون جميلة مش فى المجمع فى الشاطبى دى فى سابا باشا على ما اعتقد
تم النشر الجمعة، ٢ فبراير ٢٠٢٤
طمنينى وصلتى فين والاجازة قربت تنتهى
تم النشر الجمعة، ٢ فبراير ٢٠٢٤
لأ انا من اسكندرية بس بفكر اروح الشاطبي واشوف كليه فنون جميلة كده يمكن تديني الامل لما اشوفها واقول لنفسي اني ان شاء الله هتعب عشان اوصلها
تم النشر الأحد، ٢٨ يناير ٢٠٢٤
انا مشكلتي اني تعبت اني بقعد احاول واتعب وفي الاخر بجيب درجات وحشه بحس بالاحباط بعدها وكاني مش بتعب فبهرب من المذاكرة وخلاص انا كنت بعمل جداول مذاكرة عاديه اقدر اعملها مش فوق طاقتي وبكسل اعملها او بماطل فمش عارفه اضبط جدول للاسبوع ويومي مع العلم اني ادبي
تم النشر الأحد، ٢٨ يناير ٢٠٢٤
معاك حق فعلا هحاول واتعب الفترة دي ان شاء الله.. انا شخص اصلا بحب اقرأ فاستفد من كلامك فعلا وطريقة تشبيهك
تم النشر الأحد، ٢٨ يناير ٢٠٢٤
صباح الخير يا اسطا اولا و قبل ما انسى برغم انى مشوفتش رسمك بس انتى عندك مع موهبة الرسم موهبة الكتابة وممكن بعد ما نخلص من الكام شهر الباقيين فى الثانوية نبقى نقرا شوية قصص لكتابنا الكبار زى احسان عبد القدوس او يوسف ادريس و هتشدك و تاخدى منها اسلوب كتابة و ذخيرة كويسة من الكلمات فى ذاكرتك تساعدك على التعبير بلغة عربية مرتبة و بسيطة ثانيا نيجى بقى لمشكلة المذاكرة فى الثانوية و التشتيت و هاتيلى حد فى ثانوية عامة من يوم ما عملوها لحد النهاردة مش حاسس مشاعرك دى وهو فى ثانوية لكن بتفرق مع حد لما يكون عنده هدف فبيتحمل عشانه و انتى هدفك زى اى بنوتة فى سنك انها تتجوز و تعيش حياة كويسة مع فارس احلامها اللى مش عاوزاه لا يحكم و لا يتحكم لكن يصرف بس و يسيبك براحتك لكن هو الفارس لما بييجى يخطب بيروح لاى واحدة ؟ ولا لازم تكون حلوة ومعاها شهادة يفتخر بيها و لبقة و تبقى سنده فى الايام الصعبة و تدى زى ما هتاخد و متبقاش انانية و تفكر فى نفسها بس وعاوزة تخرج وتتفسح ومتشيلش مسئولية يبقى هنسيب التفكير فى الجواز لما ييجى وقته و نشوف مركب تعدينا الاول من بحر الثانوية العامة لشط الكلية الناحية التانية و طموحك حلو و يتحقق يعنى كلية اداب او فنون جميلة يأدوا الغرض لتحقيق طموحك و دول مش كليات قمة هتتعبى عشان تجيبى مجموعهم لكن محتاجين شوية تركيز فى الست شهور اللى باقيين ع الامتحان و دى فترة كويسة للمراجعة والمذاكرة لكن لو كنتى من القاهرة وطالما فى اجازة نطى يوم كدة لمعرض القاهرة للكتاب و بصى على اقسام كتب الفنون واتفرجى و قولى فى يوم هأحط اسمى هنا مع الناس دى ماهم كانوا فى يوم زيى فى الثانوية و اشتغلوا على نفسهم و بقوا حاجة و انا هأشتغل على نفسى و هأبقى حاجة ...... اما بالنسبة لترتيب المذاكرة هأقولك عليها فى تعليق تانى لان دا طال و زمانك مليتى من الرغى الكتير دا
تم النشر الأحد، ٢٨ يناير ٢٠٢٤
لعرض الإجابة في فدني اضغط هنا