السلام عليكم، شكرًا على توجيهك السؤال لي ويا رب أقدر أفيدك. 🥰❤️ بصي مش هقدر أرشح لك ماكينة بعينها، لو بحثتِ على مواقع البيع زي أمازون وجوميا وغيرها هتلاقي ريفيوهات البنات وبرضه ساعات منتج بيكون كويس مع ناس وناس تانية تشتكي منه. ومفيش ماكينة عامة بتضمن إزالة الشعر نهائيا. *** أرجو إن شاء الله حد من البنات هنا يكون عنده ترشيحات كويسة عن تجربة، يفيدوكِ أكتر لو هتشتري ماكينة لازم. *** بس لو زي ما قلتِ فيه مشكلة تكيسات مبايض فطبعا لازم كشف، نساء وتوليد عشان علاج المشكلة نفسها، وكشف جلدية عشان يحدد إذا فعلا بسبب التكيسات أو أسباب تانية ويختار لك أنسب وسيلة لإزالة الشعر، وحسب برضه ما أنتِ عاوزة، هل إزالة تامة ولا مؤقتة. الإزالة بالفتلة بتشيله من الجذور، لكن لو مش مساعدة أو بتعمل حساسية أو مشاكل، فيه خيارات تانية زي الليزر ودي الأكثر فاعلية بالنسبة للشعر السميك، بيقلل كثافة الشعر وسرعة نموه. وفيه برضه بالتحليل الكهربائي (إلكتروليسز)، فاسألي الطبيبة وتأكدي منها إيه الأفضل ولو فيه أي آثار جانبية وهكذا وعامة هي هتختار لك الأنسب لبشرتك. وشوفي لو فيه علاج دوائي ممكن تحتاجيه مع الجلسات أو تتابعي عامة مع طبيبة نسائية عشان تظبط الهرمونات ومشكلة التكيسات. بالتوفيق. ❤️
لعرض الإجابة في فدني اضغط هنا