المفروض لما حبيتيه من الأول كنتي تعرفي أخته انك معندكيش مانع و مرحبة بالفكرة يعني بس ييجي يتقدم او لو مسافر يبقى فيه قراءة فاتحة لحد ما ينزل هي غالباً خدت انطباع عنك انك مش موافقة لما لمحتلك اكتر من مرة و ملقتكيش قابلة الفكرة
وارد انها مفهمتش من شكلك انك قابلة التمس لأخيك سبعين عذراً و حاولي تحسني الظن بيها و متخسريهاش اكيد هي مش قاصدة تعمل كده و اصبري وإن شاء الله خير لا تدري لعل الله يحدث بعد ذلك أمرا
تم النشر السبت، ٢٩ يونيو ٢٠٢٤
حضرتك صحابه هوا هما صحاب اخويا برضو وحكيلهم كل حاجه وعارفين الحوار حته أهله عارفين وهوا قال لصحابه أنه انا بلكته وان كان عليا فكان باين عليا اصلا وانا بطبعي شخصية خجولة لما كانت بتجيب سيرته كان وشي بيحمر وبيبان عليا واللي عارفين الموضوع دا كانوا بياخدوا بالهم هيا عارفه أنه بحبه اصلا من شكلي لكن لي عملت كده معرفش...ونا وهيا صحاب جدا وعارفه أخلاقي وطبعي وعارفه اني مليش اي تعامل مع شباب وعارفه اني بطبعي شخص بيخبي مشاعره فبرضو لي عملوا كده معرفش بقيت بحس اني عاملوا كده قصد ومش قادرة ادعي عليهم مش عايزة الحقد يملي قلبي ونا كده كده خسرت صحابي الاتنين لاني التانيه لو وافقت غصب عني وعنها هنحط حدود والخطوبة دي مليون في المئة هتتفسخ لأنها مش هترتاح أخته ذات نفسها مش متحمسه للحوار أنه يخطب صحبتنا هوا في حاجه مجهولة في الحوار لكن اي هيا مش عارفه
تم النشر السبت، ٢٩ يونيو ٢٠٢٤
انتي عملتي الصح انك مكنتيش بتردي عليه او بتديله فرصة للكلام معاكي و كمان انك مقولتيش لاخوكي عشان متخسريش صحبتك ...و عسى أن تكرهوا شيئاً وهو خيراً لكم ..اكيد ربنا شايلك الاحسن و هيجبر خاطرك
تم النشر السبت، ٢٩ يونيو ٢٠٢٤
قولتلك تبينيلها ان معندكيش مانع بس ييجي يتقدم يعني يكون فيه حاجة رسمي ..و زي ما هي كانت بتلمح كنتي تلمحي انتي كمان يعني هيبقى كلام غير مباشر بس مفهوم ...ولما أخته توصله انك قابلة الفكرة و بما انه بيحبك بقاله فترة كان هيبقى فيه حاجة رسمي اكيد ...انتي مكنتيش هتقولي لصحبتك انا بحب اخوكي صريحة كده ..و مش منطقي انه يكون بقاله خمس سنين بيبعتلك و عاوزك ووقت ما يبقى فيه خطوة رسمية يروح يقول اخت فلان بتحبني ده كان هيبقى يوم العمر بالنسباله ف بصراحة السيناريو ده مش منطقي خالص
تم النشر السبت، ٢٩ يونيو ٢٠٢٤
يفندم نا اي حد كان بيبعت والله كنت بقول لاخويا وكان بيبهدله حرفيا بس لما هوا بعتت خوفت اخسر اعز صحابي وعملت ليها خاطر وكنت باقيه عليها لأنها لو حصلت اي مشكلة اكيد علاقتنا انا وهيا هتتاثر خمس سنين ونا حرفيا محكتش لحد حتي هيا لما اخوها كان بيبعت مكنتش بقولها قولتلها مرة واحده وحصلت مشكلة بينهم فمكنتش حابه يحصل بينهم مشاكل بسببي والله لما كان بيبعت كنت بحس نفسي رخيصه اوي خلاص حتي لو عايزة اقول لاخويا دلوقتي هيبهدلني هيقولي مقولتيش لي من الاول وبرضو كنت هخسر اعز صحابي بس معملتش حساب لمشاعري ولاحساسي حسيت انهم كانوا قاصدين يجرحوني ونا والله معملت حاجه تغضب ربنا دعيت ربنا يكرمني بيه في الحلال
تم النشر السبت، ٢٩ يونيو ٢٠٢٤
ازاي ابينلها اني معنديش مانع ومفيش حاجه رسمي دا مجرد كلام كانت بتلمح بيه وهوا كان بيبعت ونا ببلكه هوا في الاول كان عايز يكلمني بس نا صديته اكتر من مرة الحجات دي لازم خطوة رسمي لكن تلميحات بس حضرتك انا شخص عملي جدا مش بحب اسبق الأحداث اوبعدين اي حاجه كانت بتحصل معايا كانت بتروح تقولوا عليها تخيل تقولوا دي بتحبك وفي الاخر مخدش خطوة وفعلا ماخدش اهو كان شكلي هيبقي عامل ازاي وشكل اخويا لو راح قال لحد دا اخت فلان بتحبني وقالت لأختي وخصوصا أنه اخويا صاحبه
تم النشر السبت، ٢٩ يونيو ٢٠٢٤
لعرض الإجابة في فدني اضغط هنا