انا تالتة ثانوى فاضل تلات اسابيع تقريبا ع الامتحان
مش قادرة ازاكر عارفة انى هندم وعارفة ان مستقبلى بيضيع ولما حاولت ارجع اذاكر اقصى حاجة انى اذاكر عشر دقايق والاقينى تلقائيا بسرح بفكر ف حاجات بخترع سيناريوهات اتامل حيطان الاوضة وبعد كدا بستسلم ويا اما بنام يا اما بلعب ف الفون
ولو خلاص قررت انى هزاكر وبتاع انام لو لسة صاحية من النوم ومسكت الكتاب بنام تانى +التركيز عندى زفت يوم الاتنين رحت للمستر ع اساس انو التلات علينا حصة وف حاجات كتير كدا مفيش تركيز خالص ولو قدرنى ربنا وذاكرت صفحة بعد معاناه بنساها
خايفة يعدى الوقت واشمت عيلتى في ماما وفيا بجد هما مستنينلنا الوقعة بس انا مستسلمة خالص ومش عارفة اعمل اية
يا عزيزتي، أولاً أحب أقولك إن الشعور اللي بتعيشيه طبيعي جدًا في هذه المرحلة الصعبة، خصوصًا مع ضغط الثانوية العامة واقتراب الامتحانات، وما تقلقيش، لأنك مش لوحدك في المعركة دي. دعيني أساعدك بخطوات عملية تساعدك تخرجي من دائرة الإحباط دي وتبدأي تركزي وتعملي تقدم حقيقي: قسّمي وقتك بشكل واقعي: مش لازم تذاكري ساعات طويلة دفعة واحدة. ابدأي بجلسات قصيرة جدًا، مثلاً من 15 إلى 20 دقيقة، وبعدها خدي خمس دقايق استراحة خفيفة تقومي فيها وتمشي شوية أو تشربي مياه. وبعد كده عاودي المذاكرة. تقسيم الوقت ده ممكن يقلل من الإحساس بالإرهاق والملل. اعملي جدول مذاكرة معقول: حددي في الجدول مواد اليوم وكل فترة مذاكرة وبلاش تحملي نفسك كتير. لما تشوفي التقدم على قد ما هو صغير، هيحفزك تكمل. تجاهلي فكرة المثالية: مش مهم تذاكري كله دفعة واحدة ولا تبقي ممتازة في كل حاجة من أول مرة. المهم إنك تحاولي وتحافظي على استمرارية المذاكرة، حتى لو قليلا. تحديد أهداف صغيرة وقابلة للتحقيق: مثلاً: "هذاكر صفحة وحدة النهاردة" أو "هراجع ملخص مادة معينة". لما تحققين هدف صغير، هتزيد ثقتك بنفسك. تخلصي من مصادر التشتيت: لما تبدأي المذاكرة، حاولي تبعدي موبايلك في مكان بعيد أو تقفلي الإشعارات. اجعلي مكان المذاكرة مرتب ومريح. حاولي تغيري وضعية المذاكرة: بدل ما تقعدي على السرير أو في مكان بتتمنى تنامي فيه، حاول تذاكري على مكتب أو في مكان هادئ ومنظم. الاستعانة بالله: لا تنسي تدعي ربنا ويقويك. الصلاة والذكر يعطوك راحة نفسية وسكينة تخلليك تستطيعين تستمرين. تعاملي مع التوتر بشكل عملي: فكري في التوتر كطاقة بتحاول تحميكي، مش عدو. اقبليه وحاولي توجهيه في اتجاه إيجابي بالمذاكرة ولو قليلاً. لا تخافي من الدعم: ممكن تتواصلي مع مدرسين أو خبراء في مواد بتعاني فيها، يساعدوا يوضحوا لك نقاط ضعفك ويزودوا ثقتك. وأخيرًا، حاولي تقبلي إن الضعف جزء طبيعي، وأنك مش وحدة الخطأ لو حصل وسرحتي أو ما قدرتيش تذاكري. المهم تحاولي تعملي خطوة صغيرة كل يوم وتثقلي خطوة أخري. لو حبيتي، ممكن أساعدك أوجّهك لمجموعة خبراء في فدني عندهم خبرة في التوجيه الدراسي وتنظيم الوقت، هم هيكونوا معاك خطوة بخطوة. تحملي نفسك، وكل يوم حيكون أقرب للنجاح بفضل إرادتك وربنا معاك دائمًا. عندك أي سؤال أو مشكلة عايزة تفضيها لي، أنا هنا معاك يا صديقتي ذكية. 🌷💪
تم النشر الثلاثاء، ١٣ مايو ٢٠٢٥
السلام عليكم، ربنا يوفقك في امتحاناتك بإذن الله. عقلك بيسرح وبيسوف ده شيء طبيعي لأنه حاسس بالضغط اللي انتِ معيشة نفسك فيه. فكرة خوفك من الامتحانات وفكرة إنك بتفكري في حاجة محصلتش أصلا وقلقانة عشانها اللي هي شماتة عائلتك اللي المفروض أصلا ميكونوش في اعتبارك. أنتِ بتذاكري عشان نفسك ومستقبلك مش عشان صورتك قُدام حد ولا رأيه فيكِ، اللي بيشمت واللي منتظر وقوعك ده شخص المفروض متفكريش فيه ولا تعملي له حساب. خلي نفسك أولوية وفكري في مستقبلك وذاكري عشان تكوني أفضل وعشان تفرحي والدتك حتى تفكيرك في إسعاد والدتك وأنتِ بتفكري فيه كهدف يكون تفكيرك من غير ضغط يخليكِ تقفي مكانك. ارمي قرايبك ورا ظهرك وركزي حاليًا إنك تعملي اللي عليكِ وبس. اقعدي مع نفسك وهاتي ورقة وقلم وفرغي كل مخاوفك وأفكارك وأي حاجة قلقاكِ، احرقيها بعد كده أو قطعيها.. المهم تتخلصي من الحمل اللي واقع على عقلك ومانعك تذاكري بتركيز وبيخليكِ تهربي للنوم أو الموبايل. على فكرة، 3 أسابيع تقدري تعملي فيهم كتير قوي بس المهم تعرفي تفكري صح وتبعدي عن التوتر وتفكيرك في كلام أهلك ونظرتهم لك. نظمي وقتك ونامي كويس وقللي شرب الكافيين عشان ده هيخليكِ بدل ما تركزي في المذاكرة تنامي نوم قلقان ومش منتظم ولما تصحي عشان تذاكري هتلاقيكِ نعسانة ومش مركزة. ** أهم حاجة تستعيني بالله وتتوكلي عليه، وإن كان لسه عندك قلق من ناحية قرايبك فواظبي على ذكر (حسبي الله ونعم الوكيل) وكمان يا ريت الأيام الجاية تداومي على ذكر (لا حول ولا قوة إلا بالله) قوليه بيقين وفهم وقوليه كتير وبين فترات الراحة من المذاكرة بإذن الله ربنا هيمدكِ بالقوة عشان تنجزي وتذاكري كويس. بالتوفيق.
تم النشر الثلاثاء، ١٣ مايو ٢٠٢٥
حاولي علشان مامتك وصلي ربنا مش هيضيع تعبك اكيد الوقت بيعدي الحقي نفسك قبل مااتتندمي
تم النشر الثلاثاء، ١٣ مايو ٢٠٢٥
لعرض السؤال في فدني اضغط هنا