السلام عليكم ورحمة الله وبركاته
انا بصراحه مش بثق ف حد عشان اتكلم معاه او افضفض كده بس انا بحب واحد من وانا ف الاعدادي وهو شكله أكبر من سنه وانا العكس انا شكلي اصغر من سني وبحبه بقالي ٧ سنين وهو كمان بيحبني وهو ال بدأ وطلب مني اننا نتكلم و نرتبط وطبعا ف الاول رفضت وكنت خايفه جدا كنت لسه ف الصف الثالث الاعدادي ف كنت خايفه
المهم كنا بنتخانق كتير جدا بس هو بيعرف يصالحني ويسيطر عليا المشكله انه دلوقتي احنا الاتنين عندنا ٢٠ سنه بس انا اكبر منه ب ٧ شهور وده طبعا مشكله ف التعليم هو اصغر مني بسنه ف الدراسه انا سبته كتير وجربت أبعد كتير جدا بس بحس بحنين للذكريات و بقول ازاي افرط ف حب ٧ سنين وبرجعله هو بقي انا خايفه اصلا اهلي ميوافقوش بيه وكمان هو لسه قدامه كتير بس بعيدا عن كل ده مش بيهتم بيا بقاله كتير
هو مش بيخوني وانا متاكده من ده جدا و بجد بس هو شغله كتير وكمان فاقد الشغف كده لعلاقتنا لأننا آخر مره اتفرقنا فيها كانت جامده وكانت النهايه وكل واحد حاول يبعد عن التاني ويعيش حياته بس مقدرناش ف لسه في طبعا وجع من آخر مره وكلام آخر مره وكل واحد خايف يتعلق تاني والتاني يسيبه بس انا حاولت وتجاهلت كل ده وفضلت اكلمه عادي ولا كان حاجه حصلت لكن هو مش قادر يتخطى ده وقولت له خلاص نبعد بس هو برضو بيرفض تماما لانه بيحبني جدا بجد وانا بشوف الحب ده ف عينه فعلا هو ده اللي بيطمني ويعلقني بيه و حنين الذكريات وكمان الواحد بيفضل يفكر عمره فيه كام ٧ سنين عشان يحب تاني
وهل اصلا ممكن يعرف يحب تاني ولا لا وهل لو سهل التاني هيعرف يشوف غيره وسهله من دي كتير انا دلوقتي عقلي بيقولي انه الموضوع ده مش هيكمل ولا هينفع ف امشي و التأقلم وخلاص ولكن قلبي مش قادر وحاولت كتير جدا وكل مره قلبي بيضعف فيها وبرجعله وكمان رفضت عرسان كتير جدا أهلي بدوا يشكوا وبقولهم عايزه اخلص دراستي الاول وهما معندهمش مانع لكن انا خايفه افضل أحبه ميكنش نصيبي ف الاخر خايفه معرفش انا بعده الظلم نفسي الظلم الشخص ال هيكون معايا وكمان في أفعال هو بيعملها بيخليني غصب عني أقول يارب ميكنش من نصيبي عشان افعاله وحشه فعلا يعني ممكن يفضل طول اليوم ميبعتش ولا مسدج ييجي قبل ما ينام يقول حاجه بسيطه جدا وحتي لو رديت بعد ما يبعت علطول بيكون قفل اصلا ويرد تاني يوم ممكن حد يدلني اعمل ايه
الأمر الأخير أبعدي، وأشغلي نفسك وأملي حايتك بالدارسة والحياة مليانة حاجات كتير جدًا هتشوفي الحياة صح وهتفهمي نفسك وحياتك، وادعي ربنا كتير جدًا وبجد. ربنا هيدلك على الطريق الصحيح الله يرضى عنك اللهم آمين
تم النشر الجمعة، ١٧ أبريل ٢٠٢٦
هقولك أنتِ معجبة بيه ولكن دا مش حب الحب أكبر وأعمق من كدا وبعدين مين في تالتة إعدادي فاهم يعي إيه حب وزواج وكلام كبير
تم النشر الجمعة، ١٧ أبريل ٢٠٢٦
وكمان بتقولي أهلي بدأو يشكوا طيب ما تعرفيهم وتقولي دا حب ٧ سنين مش هفرط فيه؟؟؟؟؟؟ طيب هل بجد أهلك الـ صرفوا عليكِ وتعبوا في تربيتك يستحقوا الخيانة، ليه تخوني أهلك، وكمان أنتِ بتقولي هو مين ضامن يلاقي حب؟؟ بس أنا هقولك هو مين ضامن يعيش لبكرة أصلًا توبي يا غالية وسيبي العلاقة لله
تم النشر الجمعة، ١٧ أبريل ٢٠٢٦
وعليكم السلام ورحمة الله وبركاته، بصي يا غالية أنتِ بتقولي إزاي أفرط في حب ٧ سنين؟ ومش هاين عليكِ..وفي النفس الوقت أنتِ حاسه بعذاب وتوتر وخوف والشخص بتقولي ساعات بتمنى ميكونش من نصيبي عشان تصرفاته، هتكلم معاكِ كصديق خايفه عليكِ، يا غالية لو ملاحظة أنتِ حاليًا متعذبة بمعصية ومش مدركة بمعنى المعصية دي منغصة عليكِ حياتك بس أنتِ حابه المعصية دي، الـ معذباكي طيب أنت مش هاين عليك الشخص ولكن هانت عليكِ نظرة ربنا ليكِ وهو شايفك في معصية ورغم دا كلة ساترك أيوة ربنا ساترك طيب لو ربنا كشف غطاء الستر عنك وفضحك هتعملي إيه؟
تم النشر الجمعة، ١٧ أبريل ٢٠٢٦
لعرض السؤال في فدني اضغط هنا