سلام عليكم
انا عندي مشكله مش عارفه اعمل اي بخاف ان انا اتعامل مع الناس بخاف من اي حاجه فيه تجمعات الموضوع ده بقا صعب جدا
انا زيك والموضوع صعب اوي فعلاً بس بقيت احاول مفكرش كتير وابطل افكر الناس هتشوفني ازاي او هتقول عليا ايه وحاسه اني اتجرأت شويه بس عموماً ده بيبقا عدم ثقه بالنفس ف انتي حاولي تبني ثقتك بنفسك وتحبي نفسك ووقتها مش هيهمك نظره الناس ليكي
تم النشر الأحد، ١ نوفمبر ٢٠٢٦
الموضوع دا تغلبت عليه لما حطيت في عقلي فكرة أن محدش هيفتكرني كويس أو هيفتكر الموقف اللي اتكلمت فيه مثلا، أن كل واحد ليه أشغاله وكل واحد بينسى بمجرد ما يروح بيته محدش مركز طول حياته على كلمتين قولتيهم في تجمع كله بينسى، وحتى لو في اللي افتكر ساعتها هيبقوا حبة صغيرين اوي ومش فاكرين للأبد اكيد، فحطي في دماغك أن محدش مركز معاكِ التركيز اللي أنتِ شيفاه وان الناس بتشوفك الشخص اللي أنتِ بتشوفي بيه نفسك، هتشوفي نفسك معندكيش ثقة بنفسك الناس هتشوفك كدا، بتشوفي نفسك مليانة ثقة حتى لو دا مش حقيقي برضوا الناس بتشوفك كدا، ودايما واجهي اللي خايفة منه وبتفكري فيه كتير، خايفة تسألي سؤال بصوت عالي وسط ناس كتيرة لا حقيقي اسأليه وعلي صوتك براحتك محدش مركز ولا هيفتكر.
تم النشر الأربعاء، ٢٨ أكتوبر ٢٠٢٦
قربي ع طول منهم واجبري نفسك ع كدا لان كل دا بيعود عليكي بالضرر وبتخسري متعه الحياه نفسها ف لازم تغلبي نفسك وابعدي عن اي حد حاسه انو بيقلل منك او من نفسك لان دايما مش هتلاقي ل دا حل غير البعد
تم النشر الثلاثاء، ٢٧ أكتوبر ٢٠٢٦
وعليكم السلام ورحمة الله، أختي العزيزة. أفهم تمامًا شعورك، فالخوف من التعامل مع الناس والتجمعات يمكن أن يجعل الحياة اليومية صعبة جدًا، وهذا يؤثر على الثقة بالنفس بشكل مباشر. الخبر السار أن هذا الشعور يمكن تحسينه بخطوات عملية تدريجية، وأنت قادر على ذلك بإذن الله. ابدأ بخطوات صغيرة ومحددة: اختر موقفًا بسيطًا كل يوم، مثل تحية شخص واحد في الشارع أو السؤال عن شيء بسيط في متجر. ركز على التحضير المسبق للمحادثات القصيرة بكتابة بعض الجمل الشائعة التي قد تحتاجها، فهذا يقلل من القلق. كذلك، ذكّر نفسك يوميًا بإنجازاتك الصغيرة السابقة، حتى لو كانت مجرد خروج من المنزل، لأن التركيز على النجاحات يبني الثقة تدريجيًا. وتذكر أن التوكل على الله يساعدك على مواجهة المخاوف، فادعُ الله أن ييسر لك الأمر ويمنحك القوة. استمر في هذه الخطوات بانتظام، وستلاحظ تحسنًا ملحوظًا مع الوقت. يمكنك البحث عن أسئلة مشابهة على فدني للحصول على المزيد من الآراء والتجارب. أنت لست وحدك في هذا، وأنا هنا لدعمك.
تم النشر الاثنين، ٢٦ أكتوبر ٢٠٢٦
لازم المواجهة..... بالتدرج.... في البدايه الدنيا مش هتكون كويسة في التواصل.... بعد كده الدنيا هتكون تمام.... ولما توجهي الناس وتختلط بيهم بلاش جلد الذات لما يحصل اخطاء في التعامل معاهم... كوني لطيفه مع نفسك
تم النشر الثلاثاء، ٢٧ أكتوبر ٢٠٢٦
تقريبا اللي عندك ده رهاب إجتماعي
تم النشر الجمعة، ٣٠ أكتوبر ٢٠٢٦
لازم تثقي فنفسك اكتر
تم النشر الثلاثاء، ٢٧ أكتوبر ٢٠٢٦
عايز احاول افيد حضرتك بس عندي سؤال الأول لو تسمح، ليه حضرتك بتخاف من التجمعات؟ هل حصل موقف مثلاً قبل كده و كان بسبب التجمعات؟ ولا مثلاً متعودتش على الاختلاط و كده؟
تم النشر الثلاثاء، ٢٧ أكتوبر ٢٠٢٦
لعرض السؤال في فدني اضغط هنا