انا متزوج بقالى 6 سنوات ربنا رزقنى بطفل ولد ..مراتى كسولة وعصبية جدا والولد عنده فرط حركة وانا عصبى برده وبسبب عصبيتى مع ابنى حصل طلاق ورجعتها تانى بدون علم اهلها يعنى هى مبلغتش اهلها بواقعة الطلاق ..
المشكلة ان هى بسبب تربية ابنى مهمله فى ترتيب البيت والاهتمام بنظافة المنزل وانا مستحمل ده وبسبب المشاكل دى قررت انى مخلفش تانى عشان هى بتشتغل ومش قادرة على تربية ولد واحد وهى عصبية
فهل عدم الخلفة هيأثر على الولد مع انى كده بخلفة ولد واحد عايش فى توتر
بالنسبه للطفل اللي عنده فرط حركه الافضل تعرضه علي متخصص حتي نتأكد هل هو عنده ADHD ام شقي زياده شويه . وهنا بيكون في طرق لمساعدتكم انت والأم والطفل للتعامل مع المشكله . حل مشكله الطفل اولا هيقلل من الضغوط عليكم جميعا . ثم بعدها نشوف ايه مشكله العصبيه سواء عندك او عند زوجتك ونبحث عن الطرق المناسبه لتفريغها بدلا من تفريغها في الطرف الاخر . سواء برياضه بتمارين للتنفس منتظمه ، وفي الاساس نبحث عن جذورها عند كل واحد علي حدي ثم في علاقتكم مع بعض .
تم النشر السبت، ١١ أكتوبر ٢٠٢٥
لعرض السؤال في فدني اضغط هنا