السلام عليكم
انا عاوزه احكي مشكلتي وياريت تردوا من غير تجريح
انا بنت مخطوبه لشخص كويس ومحترم بس يا جماعه اول ما اتقدم قال إن شاء الله هنجوز خلال سنه والدنيا تمام واتفقنا كل واحد هيشيل ايه جينا بعد الخطوبه لقيته بيقولي مش هجيب كذا ومش هجيب كذا وانا عامل جمعيه هقبضها بمبلغ معين هنجهز بيها الشقه وطالب مني اتنازل بجد عن حاجات كتير اوي ف تجهيز الشقه
طب انت ليه مقولتيش كل دا وهما بيتقدموا وكان يبقي لينا حق الرفض او الموافقه والتنازلات دي مفيش اي بنت تقدر تتنازل عنها انا قولتله انا موافقه اقف جمبك واستناك براحتك او موافقه والله وقولتله انا متنازله عن حاجات من اللي انت قولتلها بس مش هقدر اتنازل عن كل حاجه
انا عروسه وحقي أفرح بالمكان اللي انا فيه خاصه ان اهلي والله بيجبولي احسن حاجه وواقفين جمبه ولو جاب حاجه وهو جاي عندنا اهلي يقولوا متجبش حاجه يبني شقتكم اولى بيها وكدا ومش بيخلوا يجيب حاجه يعني لا انا ولا اهلي والله محملين عليه
بس هو يقولي لا احنا نجوز وبعد كدا ابقي اعمل اللي انتي عاوزاه طب ازاي والجمعيه هتقعد سنتين بعد الجواز وعنده اختين بنات هيساعد ف جهازهم وحتي مرتبه ثابت ومش كتير والله نصه جمعيات ونصه هيصرف علي البيت يعني حتي العيشه بعد الجواز مش هتبقي احسن حاجه قولتله طب سافر وحاولت اشوفله سفر مش راضي وانا تعبت والله وحاسه ان تايه وومش عارفه ايه الصح خايفه اظلمه لو سبته وخايفه اظلم نفسي لو كملت وهل هيكون عليا ذنب لو فسخت ومقدرتش اكمل ولا لاء لان والله ربنا عالم انا من جوايا عامله ازاي
لو فيه شيوخ بعد اذنكم تعرفي الدين بيقول ايه ف الحاله دي
السلام عليكم ورحمه الله وبركاته طيب بصي يا ستي يعني هو شخص كويس ومحترم جميل جدا الاتفاق اللي هو اتفقوا اللي هو انه قال هنتجوز خلال سنه والدنيا تمام ,وهو كان مرتب اموره على كده اوكي والاتفاق ده حصل مش معاكي ده حصل مع والدك مع اهلك فااا لما هو جه يغير في الاتفاق هل التغيير ده كان بناء على حاجات اتغيرت في امور اتغيرت عشان الحاجات غليت علشان في فلوس مضطر يصرفها على حاجات ثانيه تخص اهله وضروريه وما تنفعش انها تتاجل ولا كل الامور زي ما هي وهو اللي قرر ان هو يغير في الاتفاق. دي حاجه مهمه جدا لانها هتفرق ويعني هستناكي تجاوبيني عشان الموضوع نحاول نوصل مع بعض لايه افضل حاجه انت ممكن تتنبهي ليها عشان تقرري قرارك الصح.
تم النشر الأحد، ٤ مايو ٢٠٢٥
بصي يا حبيبتي، أنا عارفة إنك بتحبيه وبتقدريه، وإنك عاوزة تقفي جنبه وتكملي حياتك معاه، وده شيء محترم ويتحسبلك. بس في نفس الوقت، لازم تفكري في نفسك برضه. إنتي عروسة ومن حقك تفرحي، ومن حقك تجهزي بيتك وتحسي إنك داخلة على حياة تليق بيكي. التنازلات بتتعمل لما يكون الطرف التاني بيقدر وبيشارك، مش لما تبقي شايلة كل حاجة لوحدك. هو عنده ظروف؟ تمام، كلنا ممكن نعدي بظروف. بس هو كمان لازم يبقى عنده استعداد يشيل معاكي، مش يطلب كل حاجة ويتنازل عن دوره. وبعدين، لما إنتي بتحاولي تساعديه حتى في السفر، وهو مش مقدّر أو مش بيحاول يسهّلها، يبقى لازم تسألي نفسك: هو هيكمل كده بعد الجواز؟ ولا هيبدأ يقدّر بعدين؟ خدي وقتك وفكري كويس. الجواز مش بس حب، الجواز مشاركة، تفاهم، وراحة نفسية. لو لقيتي إنك بتتنازلي عن نفسك عشان تكملي، يبقى الوقفة دلوقتي أرحم من الندم بعدين. أنا مش بقولك تسيبيه، بس بقولك احمي نفسك، واعملي حساب لكرامتك ومستقبلك. لو فيه أمل يتعدل ويتفاهم، كملي. لو لأ، اختاري نفسك.
تم النشر الأحد، ٤ مايو ٢٠٢٥
وعليكم السلام ورحمة الله وبركاته، أختي العزيزة، أشكر لكِ انفتاحك وصدقك في سرد مشكلتك. من الواضح أن لديك مشاعر متضاربة، وهذا أمر طبيعي. الخطبة مرحلة حساسة تتطلب تفاهم وتوازن بين الطرفين. أولاً، من المهم أن تستمعي إلى مشاعرك واحتياجاتك. كل فرد لديه اعتبارات خاصة به في ما يخص تجهيز الشقة وتحمل المسؤوليات. إذا كان هناك عدم توافق بينكما بشأن الأمور المالية وتجهيز المنزل، فهذا قد يكون مؤشراً على تحديات قد تواجهكما في المستقبل. النيّة العامة للفتيات في الزواج تشمل الاهتمام بالاستقرار والراحة النفسية، ومن هنا تجب عليكِ إعادة تقييم وضعك الحالي. النقاشات والمفاوضات حول المسؤوليات المالية يجب أن تتم في بداية العلاقة، وهذا ما يفترض أن يحدث قبل قرار الزواج. إذا شعرتِ بضغط كبير أو أنكِ تضحين بما هو ضروري لكِ أو لأحلامك، يجب أن تأخذي خطوة للتواصل مع خطيبك بشكل صريح حول مشاعرك ومخاوفك. اسأليه عن رؤيته للمستقبل وكيف ينوي اتخاذ القرارات التي تعود بالفائدة على كلاكما. أما بخصوص الدين، فإن الإسلام يشير إلى أهمية الاختيار الصحيح والشراكة المتوازنة بين الزوجين. إذا شعرتِ بأن هذا الزواج قد يؤذي استقرارك أو سعادتك، فليس هناك عيب في أن تخرجي من هذه العلاقة. يجب أن يكون قراركِ نبراساً تستندين عليه إلى قيمك ومبادئك، ولا يحملك أي شعور بالذنب. احرصي على الدعاء وطلب الهداية من الله سبحانه وتعالى، فهو أعلم بمصلحتك. تواصلي مع أفراد أسرتك أو مع شيوخ أو مستشارين مختصين لمساعدتك في اتخاذ القرار المناسب. أقدم لكِ الدعم والتشجيع للبحث عن ما يجعلكِ سعيدة ومرتاحه في حياتك.
تم النشر الأحد، ٤ مايو ٢٠٢٥
بصراحه معرفش الدين بيقول ايه بس لو هو شخص كويس وانتي مرتاحه يبقا تمام
تم النشر الثلاثاء، ٦ مايو ٢٠٢٥
لعرض السؤال في فدني اضغط هنا