السلام عليكم
عندي مشكله تعباني اوي وهي اني حرفيا والله مش بخف من حاجه انا بقالى فتره كبيره اوي اوي تعبانه بشكل متواصل المشكله ان كل يوم بحاجه جديده فى جسمي مره دراعي واجعني اوي ومره رجلى ومره تاني راسي والصداع اقسم بالله كل مكان فى جسمي بيوجعني دا غير ألم معدتي لو كلت حاجه بتعب اوي بعدها وأما اكون رايحه جايه على الحمام او اقعد يومين تلاته وممكن توصل ل خمس ايام وانا مش قادره ادخل و بطني كل ما بتروح بتكبر منفوخه قصدي ،الدوره الشهريه بقالها برضو شهرين مجتليش وشعري بيتساقط بشكل مش طبيعى ،ملحوظه بس انا نفسيتي بقالها اكتر من تلات شهور وحشه جدا فهل ده بسبب نفسيتي انا حقيقي مش عارفه اروح اكشف على ايه ولا ايه دا حتي نومي بنام فترات كبيره وبصحي تعبانه جدا وكأني مضروبه وبفوق بالعافيه حاجه كمان فى نغزه بتكون صعبه اوي فى فى كتفي الشمال يعني فوق الصدر كده بشويه بتخلى دراعى واجعني اوى ف ايه الحل ياريت تفدوني
السلام عليكم و رحمة الله و بركاته أحب أقولك اللي انتي فيه دا قطعا و غالبًا بسبب نفسيتك؛ الوجع النفسي بيقلب ع الجسد كله حرفيًّا و مجربة دا قبل كدا تحسي إن جسمك واجعك بدون أسباب واضحة كل ما تخرجي من وجع يجيلك غيره و في مناطق غريبة حرفيًّا كمان ممكن يكون حسد أو عين متراكمة في جسمك فانتي اللي تقدري تحددي هو نفسية و لا حسد غير كدا النفسية هتقلب معاكي بأفكار سلبية بردو و حاجات تانية زي انك تكوني حاسة انك مش قادرة تعملي حاجة أو انك في دايرة مش عارفة تخرجي منها لو طُلِب منك حاجة ممكن متعرفيش تأديها كويس يعني بشكل عام بتحسي ان حياتك مش عارفة تمشي كويس
تم النشر الخميس، ٧ مايو ٢٠٢٦
وعليكم السلام ورحمة الله وبركاته يا حبيبتي، أشعر بتعبك الشديد ده، والله يشفيكي ويعافيكي ويخفف عنكِ. الأعراض اللي وصفتيها (آلام متفرقة في الجسم، صداع، مشاكل هضمية زي الإمساك والانتفاخ والألم بعد الأكل، تأخر الدورة الشهرية، تساقط الشعر، تعب مستمر رغم النوم الكتير، والنفسية الوحشة) ممكن تكون مترابطة، ونعم، الضغط النفسي والاكتئاب المستمر لأكتر من 3 شهور بيأثر على الجسم بشكل كبير جداً . ده بيحصل لأن التوتر بيفرز هرمونات زي الكورتيزول اللي بتعطل الهرمونات الطبيعية، بتسبب التهابات، مشاكل هضم، اضطراب دورة شهرية، وتساقط شعر، وحتى آلام عضلية بدون سبب عضوي واضح (زي متلازمة الألم المنتشر أو fibromyalgia). بس ده مش معناه إنها نفسية بس – لازم نستبعد أسباب عضوية زي نقص فيتامينات (د، ب12، حديد)، مشاكل الغدة الدرقية، أو اضطرابات هرمونية، أو حتى حساسية غذائية. الحل العملي خطوة بخطوة: روحي لدكتور فوراً : ابدئي بطبيب عام أو نساء وتوليد عشان يطلب تحاليل دم كاملة (هرمونات، فيتامينات، صورة دم، TSH للدرقية). لو النتايج طبيعية، يحولك لدكتور نفسي أو روماتيزم. للنفسية والتعب : زدي الصلاة والقرآن يومياً، خاصة سورة الشرح والإنشراح، وادعي الله بـ"اللهم اشفني شفاءً لا يغادر سقماً". نامي في مواعيد ثابتة (7-8 ساعات)، وابدئي يومك بمشي خفيف 20 دقيقة في الصباح (مش تمارين ثقيلة). أكلِ وجبات صغيرة منتظمة: شوفان، فواكه، خضار مطبوخة، زبادي طبيعي للهضم، واشربي 2-3 لتر مية يومياً. تجنبي القلي والحلويات مؤقتاً. للإمساك والبطن : كلي تمر مع لبن دافئ صباحاً، ومغص (حبة واحدة يومياً لو سمح الدكتور). أنا مش بديل للدكتور، بس دول خطوات أولية تساعدكِ لحد ما تروحي . لو عايزة استشارة متخصصة، شوفي الخبراء في https://www.fedni.net/experts – في دكاترة نساء، تغذية، ونفسيين هناك. كمان ابحثي في فدني عن "تأخر الدورة والتعب" هتلاقي إجابات مشابهة. قوي قلبك يا قمر، ده هيعدي إن شاء الله، وأنتِ قادرة تتغلبي عليه. لو عندك تحاليل أو صور، ابعتيها وأساعدك أفهمها. ربنا يشفيكي! 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٧ مايو ٢٠٢٦
أنا مش متخصص ومعنديش أى خلفية عن حلول الآلام دى بس صدقينى بدعيلك من كل قلبي ربنا يعفو عنك ويشفيكى شفاء لا يغادر سقما ، كل إل أقدر اعمله ادعيلك بظاهر الغيب لعل الله يتقبل منى ومن الجميع
تم النشر الخميس، ٧ مايو ٢٠٢٦
استعيني بالله واجعلي راقي يرقيكي واجعلي الله ملجأً لك وقيام الليل دواءكي
تم النشر الخميس، ٧ مايو ٢٠٢٦
واضيف ان الحاجه بتبقي قدامي وانا مش واخده بالى منها ومش شايفها وبنسي بدرجه فظيعه😔😔
تم النشر الخميس، ٧ مايو ٢٠٢٦
بصراحه مرات عم بابا كانت عندنا من فتره وقعدت معانا مش فاكره تلات ايام ولا اربعه المهم ان طول فتره قعدتها كانت بتبص عليا بشكل متواصل لدرجه اني كنت بدايق اوي ومش برضي اقعد معاها كتير وكانت دايما تتكلم مع بابا عليا دي هاديه اوي وحلوه ومش بتتكلم كتير على عكس أخواتها ده اساسا طبعي وانا مكنتش مرتاحه ليها مش عارفه هل ممكن يكون حسدتني او حاجه لاني من بعد ما مشيت وانا كده خايفه اكون سؤت الظن فيها لما قولت لمامتي قالت ممكن يكون فعلا رايكم ممكن يكون حسد بجد ولا ايه
تم النشر الخميس، ٧ مايو ٢٠٢٦
والله شكرا لحضرتك ربنا يجعل دعوتك فى ميزان حسناتك يارب ويجازيك كل خير
تم النشر الخميس، ٧ مايو ٢٠٢٦
لعرض السؤال في فدني اضغط هنا