كيف أتجاوز هذا الوضع وأستعيد شعوري بالحياة؟

Question

انا بقيت عصبيه وبنهار بسرعه اوي اوي ومن أقل حاجه بعيط عياط هستري وانا مش ببقى فاهمه ليه كدا مش بحس اني مبسوطه ناحية اي حاجه والموضوع دا من زمان يجي عشر سنين او اكتر من شهرين تلاته حجزت مع اخصائي نفسي وقالي اني بعاني من اكتئاب ولازم دكتور نفسي علشان يكتبلي دواء انا معرفش دا اكتئاب ولا لا بس اللي اعرفه اني بقالي سنين مش بمارس حياتي وبقالي سنين كل حاجه وحشه حاولت قبل كدا ااذي نفسي وعورت نفسي قبل كدا بالموس مرتين بس مش بهدف اني اموت لا كان في مشاكل مش قادره استوعبها ودا اللي جيه في بالي دائما حاسه اني خايفه واني مضطره اعمل كل حاجه لوحدي انا عارفه كلامي متلخبط اتعرضت للتحرش قبل كدا وانا طفله من حد غريب وامي ضربتني من ساعتها بحس أن مفيش حد هيدافع عني بالعكس هيظلموني كنت ساعتها ست سنين وبعدها خالي وسكت متكلمتش علشان عارفه أن محدش هيصدقني دائماً بفتكر وبحس اني مخنوقه اوي من امي مع أنه خلاص الموضوع خلص بس انا مش قادره أتخطى ومش عارفه هل انا محتاجه علاج نفسي فعلاً ولا ده احساس عادي هيروح مع الوقت مع العلم عندي 25 سنه دلوقتي ومش عارفه انا نفسي بس أحس اني قادره اضحك وافرح زمان امي كانت بتدعي عليا اني مفرحش ولا اشوف الفرح ووالله مكنتش ببقى عامله حاجه كنت بس برفض عرسان مش مناسبه فممكن يكون دعاءها؟ ولو دعاءها اعمل اي علشان حياتي ترجع تاني انا حاسه اني ميته محتاجه مساعده

Accepted Answer

السلام عليكم ورحمه الله وبركاته. طبعا اللي انت فيه ده محتاج التواصل مع طبيب نفسي علشان يساعدك بادوات في الوقت ده. لانه هو اللي هيقدر يحط التشخيص. المناسب لكن توقفك عن ممارسه الحياه الطبيعيه وعلى احساسك باي شكل من اشكال السعاده والحاجات الكثير المدفونه جواكي طبعا ده كله مرحله وهتعدي لكن محتاجين نتعامل مع المرحله صح كمان ان في افكار لها علاقه بإنهاء الحياه لا احنا محتاجين ان احنا ضروري جدا نلجأ للمساعده عشان نعدي المرحله هنعديها وبعد كده هنبدأ نشوف حياتنا بشكل مختلف حتى الان انت معلقه حياتك باهلك واللي بيقولوه بوالدتك وبالاخطاء اللي عملتها وبالحاجات اللي أثرت فيها بالمواقف اللي متصرفتش فيها صح لكن احنا محتاجين بقى ناخذ الرايه ومهما كانوا هما اصلا ازاي وهما عملوا اخطاء عامله ازاي احنا محتاجين ان احنا بعد كده تسلم مسؤوليه انفسنا واه الحقيقه الموجعه انه احنا اللي هنصلح الاخطاء اللي هم سببوها فينا احنا اللي هنصلحها بنفسنا وهما مش شرط يساهموا في الاصلاح ده. ليه لانه احنا خلاص وصلنا لدرجه النطق كفايه ان احنا هنشيل نفسنا هنشيل نفسنا بقى ايه يمكن احنا استلمنا الحاله عامله ازاي لكن بنشيل انفسنا وبنبدا نعالج الجروح ونرمم اللي حاصل فيها هدد وهي دي مسؤولياتنا تجاه انفسنا علشان احنا هنستلم الحياه اللي هتقابلنا النتائج اللي هتقابلنا هم مش هياخدوها معانا يعني حياتنا لما تبقى مش لطيفه هم مش هيحسوا مش هيشوفوا ده مش قادره تحسي بفرحه هم مش هيحسوا بده وده مش هيبقى ناتج هم اللي هياخذوه او هياثر فيهم قد ما هياثر فيك عشان كده تحتاجي انت تتحملي مسؤوليه حياتك والمسؤوليه كل الحاله اللي انت فيها وتبدئي تصلحي فيها واحده واحده لكن نعدي بس المرحله الاولانيه دي وبعد كده في حاجات كثيره جدا بتتعمل وبنوصل لنتائج افضل إن شاء الله.

Answer

أختي العزيزة، أشعر بكل ثقلك وألمك من خلال كلماتك، وأريد أن أقول لك بكل حب واهتمام: ما تمرين به ليس سهلًا إطلاقًا، وأنتِ على حق بأن تطلبي المساعدة، لأنك تستحقين حياة مليئة بالأمان والفرح والراحة النفسية. دعيني أساعدك أن نركز على بعض النقاط المهمة، ثم أشاركك بعض الأفكار العملية: محاولة فهم ما تمرين به: عصبيتك الشديدة والبكاء الهستيري وعدم الشعور بالسعادة لأكثر من سنوات قد تكون علامات على الاكتئاب أو اضطراب نفسي آخر. تجربة التحرش في طفولتك، والضرب من والدتك، والألم النفسي الناتج عن عدم وجود من يدعمك في تلك المرحلة كلها تجارب صعبة تركت أثرًا عميقًا فيك. إصابتك بمحاولات إيذاء النفس دليل على أنك تعانين من ألم داخلي يحتاج إلى علاج ودعم. هل تحتاجين علاجًا نفسيًا؟ نعم، من الواضح أنك بحاجة إلى متابعة مع طبيب نفسي مختص. الأطباء النفسيون يمكنهم تقييم حالتك بدقة والتحدث معك، وربما وصف علاج دوائي إذا احتجتِ. وليس هناك عيب أو نقص في طلب العلاج النفسي، بل هو شجاعة كبيرة وأنك تهتمين بنفسك. لماذا قد لا تتغير الأمور مع الوقت؟ بعض الجراح النفسية تحتاج لعلاج ومساندة مستمرة، ولا تختفي فقط بالصبر أو مرور الوقت، بل تحتاج إلى خطوات علاجية متخصصة. من الطبيعي أن تشعري بالخوف أو الارتباك، وحياتك لم تكن سهلة، لذلك فتعرضك لتجارب سابقة مؤلمة يؤثر بشكل كبير. أما بالنسبة لدعاء والدتك: حاولي أن تذكري الله وتدعي لنفسك بالفرج والسعادة، وادعي لها أيضًا بالهداية، فالدعاء له أثر كبير بإذن الله. لا تتركي فكرة الدعاء سلبيًا تؤثر عليك، بل اعتبريها فرصة للتقرب من الله والثقة بأن الفرج قريب. ماذا يمكنك فعل الآن؟ استمري في متابعة طبيب نفسي واحرصي على انتظامك معه. إذا شعرت أن الطبيب غير مناسب، يمكنك البحث عن متخصص آخر. جربي أن تعملي على شيء بسيط يوميًا يسعدك أو يشعرك بالراحة، حتى لو كان قراءة كتاب خفيف أو سماع موسيقى هادئة. باستطاعتك أيضًا البحث في موقع فدني عن خبراء نفسيين لديهم خبرة، وقد يساعدوك في جلسات استشارية مريحة عبر الإنترنت. أجعلي هدفك هو التحسن خطوة بخطوة، لا تضغطي على نفسك أن تكوني "صحية" فجأة. أنا هنا دائمًا لدعمك، وإذا أردتِ أي مساعدة في البحث عن أخصائية نفسية أو أي سؤال آخر أنا معك.  تذكري، أنتِ لست وحدكِ، وهناك دائمًا أمل وناس يهمهم أمرك ويريدون مساعدتك. وربي يرزقك السكينة والفرح قريبًا، أمين يا رب العالمين. هل ترغبين أن أساعدك في إيجاد استشاري نفسي مناسب على فدني أبدأ معك خطوة بخطوة؟

كيف أتجاوز هذا الوضع وأستعيد شعوري بالحياة؟

نفسية

اجتماعية

اكتئاب

أهل

سؤال من احد أعضاء فدني

تم النشر الخميس، ٣١ يوليو ٢٠٢٥

2 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك