حاسة بحزن غير طبيعي. مبعرفش انام. ولا حتى ليا نفس اكل. فقدت الشغف بكل حاجة كنت بعملها بقي صعب عليا اقوم من مكانى صعب عليا اطلع بفكر كتير قبل ما اطلع وبطلع بالعافية. مبقتش مهتمة بشكلى ولا لبسي رغم ان كنت اكتر واحدة مهتمة جدا بنفسي. مبقتش عايزة اعمل حاجة في حياتى. شايفة الحياة وحشة اوى. مش عارفة الناس عايشة ليه. زهقت وتعبت بجد بقالى فترة كدة بحاول اصلى وادعى بس لسة الحزن والقلق والخوف مش عارفة فعلا اعمل ايه؟!
بصي افتكري دايماً آية "لَا يُكَلِّفُ اللَّهُ نَفْسًا إِلَّا وُسْعَهَا". ربنا عارف إنك تعبانة، ومجرد محاولتك للصلاة والدعاء وأنتي في الحالة دي جهاد كبير وليكي عليه أجر عظيم، حتى لو مش قادرة تخشعي. والمشاعر متغيرة، لكن الله ثابت. قولي دايماً يا حي يا قيوم برحمتك أستغيث، أصلح لي شأني كله ولا تكلني إلى نفسي طرفة عين. الدعاء ده بالذات بيسلم الحمولة كلها لربنا. و زي ما بنروح للدكتور لما جسمنا يوجعنا، النفسية كمان محتاجة متخصص. الالتزام بالعلاج النفسي أو الكلام مع مختص هو سعي ربنا بيحبه ويرضى عنه، مش ضد الدين خالص. وبطلي تلومي نفسك إنك مش مهتمة بشكلك أو مش قادرة تقومي. ربنا رحيم بيكي، فارحمي نفسك. ابدئي بحاجات بسيطة جداً، ولو حتى ذكر واحد في اليوم سبحان الله وبحمده، واعتبريه إنجاز ولو قادرة، حاولي بس تفتحي المصحف وتقرئي سورة الضحى بتمهّل.. هتلاقيها طبطبة مباشرة من ربنا لقلبك التعبان. بعتذر عن الإطالة وجد والله ربنا يحفظك ويسعدك
تم النشر الاثنين، ٩ مارس ٢٠٢٦
يا حبيبتي سهيلة، أنا ذكية هنا معاكِ، وأول حاجة أقولها: أنتِ مش لوحدك في ده خالص ، واللي بتحسي بيه ده أعراض اكتئاب حقيقي، مش ضعف أو كسل. الحمد لله إنك بتحاولي تصلي وتدعي، ده خطوة كبيرة جدًا، ربنا يتقبل ويفرج همك إن شاء الله. خطوات عملية نبدأ بيها دلوقتي (خديها يوم بيوم عشان متتعبيش): الروتين اليومي الصغير : حددي 3 حاجات بس كل يوم، زي: قومي، اغتسلي، صلي الفرض. لو نجحتِ، كافئي نفسك بحاجة بسيطة زي فنجان شاي. متفكريش في الكبير دلوقتي. الأكل والنوم : حتى لو مش جعانة، كلي وجبة صغيرة كل 4 ساعات (زي موزة أو زبادي مع عسل). للنوم: حددي موعد ثابت (مثلًا 11 مساءً)، اقفلي التليفون ساعة قبلها، واقري سورة الملك أو آية الكرسي. الحركة : مش لازم رياضة قوية، امشي 10 دقايق حوالين البيت أو الشارع كل يوم. ده هيحرك الهرمونات اللي بتساعد على الشغف. الدعم الروحي : استمري في الصلاة، وأضيفي ذكر الله يوميًا (سبحان الله 100 مرة). لو استمر الوضع أكتر من أسبوعين، روحي لدكتور نفسي متخصص (مش بديل عنه، بس هو هيساعدك بأدوية لو لازم). في فدني، شوفي الخبراء هنا: https://www.fedni.net/experts – في متخصصين نفسيين ومدربين حياة هيقدروا يساعدوكِ بشكل شخصي. ابحثي في فدني عن "اكتئاب" أو "حزن شديد"، هتلاقي إجابات كتير من خبراء زيكِ. أنتِ قوية، وده مرحلة هتعدي. 💕 ربنا يشفيكِ ويملأ قلبكِ نور.
تم النشر الاثنين، ٩ مارس ٢٠٢٦
اهم حاجه تدعي ربنا كتير وتشكي له همك وهو اكيد حيعوضك خير ويجبر بخاطرك ودايما افتكري لا يكلف الله نفسا إلا وسعها والدنيا دار ابتلاء انتي حاولي من جديد ومتيأسيش وربنا حيجازيكي على السعي ده وحاولي تسمعي بودكاستات كتير للدكتور عماد رشاد حتساعدك جدا
تم النشر الخميس، ١٢ مارس ٢٠٢٦
السلام عليكم ورحمة الله وبركاته أحيانا بتيجي فتره علينا كدا حرفيا ما بنقدرش نعمل حاجه ولكن بنحاول بصي اول حاجة حاولي انك تفرغي مشاعرك مع حد قريب منك من عيلتك او لو مش حابه دا فـ ممكن تجيبي ورقه وقلم وتكتبي كل اللي مزعلك وقتها هتحسي ان الموضوع بقا اخف عليكي والأجمل من كدا بعد لما تخلصي صلاه وانتي على المصليه اتكلمي مع ربنا وعيطي وقوليله كل حاجة مزعلاكي حاولي تخرجي ولو حتي لوحدك علشان لو مش حابه وجود حد معاكي او ممكن تطلعي البلكونه مع مشروب بتحبيه لما تحسي ان الحزن سيطر عليكي اوي قومي اعملي اي حاجة لو هتروقي اوضتك او هتعملي أكل جديد وقت لما تشغلي نفسك بأي حاجة مش هتلاقي فرصه للزعل احيانا الحزن بييجي بسبب اوقات الفراغ حاولي تشغلي وقتك وفي نفس الوقت بلاش تضغطي نفسك خدي وقت كافي للنوم ونص ساعه مثلا اقول فيها الذكر واقرأ قرءان ولما اخلص اشوف حاجه انا بحب اعملها او لو حاسه ان خلاص مفيش حاجة بتفرحني اسمعي مثلا لدكتور محمد شومان او لمحمد الغليظ بجد بيقولوا كلام كدا يدخل القلب اسمعي فيديوز عن ازاي تفرغي الطاقه السلبيه اللي جواكي او ازاي تتعاملي مع حزنك بس خليكي فاكرة ان اللي انتي فيه دا مش هيدوم هتبقا فتره وانا عارفه انها فتره صعبه بس حاولي تتجاهلي وتتجاوزي كل دا واقولك على حاجة كمان احنا اللي بنشوف الدنيا بعيونا يعني ايه انا النهارده مثلا صحيت من النوم وقولت دا اليوم هيبقا مش حلو فاهمه فـ انا اقنعت نفسي وعقلي ان ماهما اعمل فعلا اليوم هيبقا مش حلو واقنعت عيوني ان اي حاجة هشوفها وحشه ومش جميله بل بالعكس خليكي ايجابيه وشوفي الدنيا جميله وسهله واعرفي ان الحزن مش هيدوم وكل دا ربنا هيجازيكي عليه وابعدي عن الفيديوز اللي فيها حزن اسمعي فيديوز تخليكي تحسي انك فرحانه وربنا يخفف عنك يارب💕
تم النشر الأربعاء، ١١ مارس ٢٠٢٦
كلنا بنمر علينا لحظات فتور في العبادة والعمل وغيرها جسمك عايز يفصل شوية الاهتمام بأدق التفاصيل بيجيب كمالية ودا غلط لازم تقولي انا بشر بأخطأ خدي الأمور ببساطة وعيشي حياتك وارجعي لحياتك القديمة شوفي انتي مقصرة في اي وسدي التقصير والاغلب هتلاقي في الدين
تم النشر الأربعاء، ١١ مارس ٢٠٢٦
والله يعني متشيليش ف نفسك قوي اصل الموضوع دا عادي وكل انسان بتيجي عليه فترة وبيفصل من العالم كلوا دروب يعني بس كلوا هيرجع تاني واحسن من الاول كمان حاولي تعملي حاجة جديدة الفترة دي زي الرسم أو أي حاجه تشغلك وتغير مودك حاولي تسمعي قراءن بأصوات شيوخ غير اللي انتي متعودة عليهم حاولي تتكلمي اكتر مع صحباتك بس متشيليش ف نفسك الموضوع طبيعي وهيعدي وربنا يكرمك
تم النشر الثلاثاء، ١٠ مارس ٢٠٢٦
كلنا بنمر بلحظات زي دي متخافيش اهم حاجه تحسني علاقتك مع ربنا وان شاء الله ربنا يخفف عنك
تم النشر الخميس، ١٢ مارس ٢٠٢٦
لعرض السؤال في فدني اضغط هنا