السلام عليكم
انا بنت عندي ١٧ سنه ومش حابه اكمل تعليمي ف في عرسان كتير بتتقدملي ومن ضمنهم ابن عمي وابن عمي دا أكبر مني بسنه بس وهوا بيحبني جدا وانا رافضاه لان هوا شخص انطوائي وبيسمع لاي حد يقوله كلمة بس هوا عايزني وجدا كمان وانا مبحبش امه ولا ابوه ومش بطيقهم لابعد الحدود انا دلوقتي مختصرة منهم
هل رفضي ليه ممكن يترد فيا لان هوا بيحبني جدا ولما انا قولت مش عاوزاه دخل في حالة اكتئاب صعبة لدرجة ان اهلي قالولي ارضي بيه بس هوا مش ماشي مع مقاييسي اللي انا عاوزاها ف الراجل اللي هيكون شريكي ف دا ممكن يتردلي او اكون انا ظالماه؟!
وعليكم السلام ورحمه الله وبركاته بصي يا بنت الناس انتي لسه صغيرة ومحدش ليه يغصب في جوازة مش مرتاحلها وابن عمك بيحبك دي مش مشكلتك ولا ذنبك انك مش طايقاه ولا طايقة أهله والجواز مشاركة وحياة مش الشغلانة اللي تروحي فيها ضحية عشان خاطر عيون حد فافضلي رافضة ومتقلقيش من حكاية يتردلي دي لأنك مش ظالماه ولا جيتى عليه في حاجة ده حقك تختارى شريك حياتك براحتك واللي يريحك ويكمل معاكي العمر ده كله... وجد والله ربنا يحفظك ويوفقك لما يحب ويرضى 🌷
تم النشر السبت، ٧ نوفمبر ٢٠٢٦
وعليكم السلام ورحمة الله وبركاته يا حبيبتي التعليم دا اهم حاجه ممكن تحصلي عاليها هي هتفيدك فيما بعد محدش هيبقي لك تخيلي امي لحد اليوم بتقول ياريتني كملت كنت اجبلكم الي نفسكم فيه مع ان ابي بيجبلنا كل حاجه بس كان نفسيها هي كمان وعايزه اقولك عيلتك مش هتعشلك لو لا قدر الله مثلا اتجوزتي وبعدها زوجك مات هتتحيري مين هيصرفك عاليكي او ان انت تطلقتي وأهلك مش موجدين هتعيشي ازاي بصي للامثال الي حولك وراجعي نفسك مره واتنين وخلي عندك حلم واستعيني بربنا واعملي مستقبل لنفسك محدش هيفيدك غير دراستك وتعليمك خديها نصيحه من اخت
تم النشر الاثنين، ٩ نوفمبر ٢٠٢٦
لأ مفيش حاجه اسمها يتردلي ، ده زواج يعني مفيهوش إنك تتزوجي شخص إشفاقًا عليه لازم لما تيجي تتزوجي تتزوجي شخص مناسب ليكي ولمقاييسك ، اللي هتقدر تعمليه دلوقتي وهيكون من أسمى درجات الرحمة لابن عمك إنك تعملي حدود أوي معاه ومع كل ولاد أعمامك عموما يعني لإن الاختلاط مع غير المحارم لا يجوز + إنه ممكن يكون تعلق بسبب انه بيتعامل معاكي كتير أو بيشوفك كتير ف امنعي ده وهو لو فتح الموضوع رسمي قولي رأيك بالرفض بكل وضوح والتعلق ده هينتهي كده كده بس لما يلاقي منك وضوح بالرفض بدون أذى أو تجريح أو إبراز لعيوبه ،، الرفض = غير مناسب فقط .
تم النشر الاثنين، ٩ نوفمبر ٢٠٢٦
شوفي انا بقول أن ربنا بعدك عنه لحكمته وخلينا نفكر بمنطقية مش عاطفية دا مستقبلك وحياتك أنتِ قرار اهلك بسبب اكتئابه مش هيأثر على حد غير عليكِ ودا معروف ربنا قربه ليكِ برضوا بسبب حكمته يمكن بسبب اكتئابه دا مع الوقت هيقدر يتخطاكِ ويلاقي بنوتة كويسة تناسبه وأنتِ تلاقي اللي يناسبك؟ وكمان فكري انك معلقتيهوش بيكِ مثلا ولا حاجة الإنسان هو المسؤول عن مشاعره وتصرفاته وحزنه كان بسبب حبه مش بسبب حبك لحبه كاستغلال او تسلية، فبقولك أنتِ ممكن تصلي استخارة وتشوفي هو خير ليكِ ولا لا
تم النشر السبت، ٧ نوفمبر ٢٠٢٦
وعليكم السلام ورحمة الله. يا مريم، أول حاجة أحب أقولها لك إن رفضك لابن عمك مش ظلم له، ولا هيترد عليكِ. الزواج في الإسلام مبني على الرضا والتوافق، مش على الشفقة أو الضغط. لو أنتِ مش قادرة تحبيه ومش شايفاه مناسب ليكِ كشريك حياة، فالإصرار على الرفض قرارك الطبيعي والصحيح، ومش هتكوني مسؤولة عن اكتئابه. الاكتئاب ده ممكن يكون رد فعل مؤقت، وأهلك لو شايفينه صعب فده مش مبرر يخلوكِ تقبلي بحاجة مش مقتنعة بيها. اللي بيقلقك دلوقتي هو الضغط العائلي، وده شيء كتير بنات في سنك بيواجهوه. حاولي تتكلمي مع أهلك بهدوء ووضوح، قولي لهم إنك مش بترفضي عشان بتعاندي، لكن عشان شايفة إن التوافق مش موجود، وإنك مش قادرة تعيشي مع أهله اللي مش بتطيقيهم. لو استمروا في الضغط، ممكن تطلبي وسيط محايد من العيلة (عمة أو خالة موثوقة) يساعد في إيصال وجهة نظرك بدون ما يحصل خلاف كبير. وبما إنك مش عايزة تكملي تعليمك، فكري دلوقتي في خطة بديلة عملية: هل في مهنة أو حرفة بتحبيها تقدري تتعلميها في فترة قصيرة؟ كتير من البنات في سنك بيبدأوا مشاريع صغيرة أو ياخدوا كورسات مهنية. الاستقلال المالي والنفسي هيخليكِ أقوى قدام أي ضغط مستقبلي، سواء في موضوع الزواج أو غيره. أنتِ مش لوحدك في الشعور ده، وكتير من البنات مرّوا بنفس التردد. لو عايزة تتكلمي أكتر عن اللي بيحصل معاكِ أو عن خططك الجاية، أنا هنا أسمعك وأساعدك تفكري بصوت عالي. خدي وقتك ومتستعجليش على قرار هيأثر على حياتك كلها.
تم النشر السبت، ٧ نوفمبر ٢٠٢٦
مش هتكوني ظالمه ولا اي حاجة بالعكس انتي لو وافقتي بيه هتظلميه طالما مش حابه والزاوج مش مجامله انتي الي هتعيشي مش اهلكم
تم النشر الأحد، ٨ نوفمبر ٢٠٢٦
لو هيعد ده ظلم فانت لو وافقتي هتبقي ظلمت نفسك تعيشي طول عمرك مع واحد انت مش عاوزاه
تم النشر الأحد، ٨ نوفمبر ٢٠٢٦
عليكم السلام ورحمة الله وبركاته، لا.
تم النشر السبت، ٧ نوفمبر ٢٠٢٦
لعرض السؤال في فدني اضغط هنا