Mariam Alwan

ممكن تحاول انك تحل الموضوع مع الناس دي ودي او بالتفاهم او تتكلم مع ناس قريبة منهم تتكلم معاهم وبالنسبة لدراستك ف ممكن تخصص وقت ليها تلم فيه كل اللي عليك وتخصص وقت تخلص فيه شغلك عشان تروح الجامعة بتاعتك وان شاء الله ربنا هيوفقك عشان انت بتشتغل وتعبان قرب من ربنا وتوكل عليه ف كل حاجه أتمنالك التوفيق ان شاء الله

ممكن تحاولي تتكلمي ف وقت غير اللي بيحصل في كدا وممكن تدوري ع الطريقة اللي هما ممكن يتعاطفوا بيها معاكي ويفهموكي وف نفس الوقت شوفي انتي بتعملي اي مش عاجبهم وغيريه ولو انتي مكنتيش بتعملي حاجه وهما بيعملوا كده افتكري ان في ربنا وانك لازم تعامليهم بإحسان لأن دولة اهلك وليهم حق عليكي وافتكري برضو ان كل حاجه في الحياة مسألة وقت وهتعدي ولو مفهموش منك هيجيهم اليوم اللي هيفتكروا بيه وحطي معاملتهم ليكي دي علي انها درس انا بتعلم منه ومكرروش مع أولادي وان دا اختبار ربنا حطني فيه وان كل تحملي ليهم ليه ثواب وان كل كلمة او فعل بيطلع مني ليهم انا مأجورة عليه اتمني ليكي حياة افضل 💗

اولا اهلا وسهلا بيكي بصي هوا انا بنفس سنك ومسارك كمان فا انتي لو محتاجه حد يديكي طاقه شغف للمذاكرة نقدر نساعد بعض دا لو انتي حاسه انك محتاجه حد مكان زميلك دا وبصراحة بالنسبة لموضوع انك تكلميه دا انا كنت بعمل نفس الفكرة بس انا كنت بقوم بدور اني دايما بنصح زميلي دا وببعتله المحاضرات وبتابع معاه وقت الامتحان وبقوله يقفل المواد ازاي وكنت بجيبله المراجعات ولو محتاج مساعده انا بساعده وكنت بحطله الجدول بتاعه يعني من الاخر انا كنت مسئولة عن حياته الدراسية كلها من اولها لاخرها واحنا مكناش بنتكلم غير ف المدرسة بس بره منعرفش بعض وهوا كان صديقي من اولي ابتدائي وأهلي عارفين برضو بس فجأه صديقي دا اتغير وبقي كلامه معايا كتير ودايما حابب ان انا نتكلم وبقا يلمحلي هوا انتي مش بتحبي حد او مش عاوزه تكلمي حد وهوا بقا واقع ف النص مش عاوز يقولي ان هوا بيحبني ومش عاوز يخسر علاقته معايا ك أخ فنصيحه مهما كان هوا بيعاملك كويس وبيحترمك ف النهاية هيكبر الموضوع عنده ومش هيبقي مجرد صداقة عادية وانا زي ما قولتلك انا ف سنك ونفس مسارك لو محتاجه اي حاجه ردي ع الماسج وانا هبعتلك رقمي طول ما انتي بنت اتمنالك سنه كويسه وبالتوفيق ان شاء الله

اولا احنا كلنا بيجيلنا صدمات ف أصحابنا او أهلنا او شخص ممكن تقابليه ف حياتك بس الفرق بين شخص عن التاني هوا ان في واحد بعده عن الاشخاص دي بيدمره من كل اتجاه ويخلي ميقدرش يقوم مع العلم ان الناس دي اصلاا هيا متستاهلش لحظة تفكير واحده من وقتك وانتي عندك نقطة كويسة وهي ان انتي ادركتي سبب عدم شغلك او قدرتك دي ف حاولي انك تشتغلي ع نقطة الناس دي ميستاهلونيش وهما الخسرانين وان انا لازم اثبتلهم اني اقوي ببعدي عنهم لكن انتي كده بتثبتيلهم ان هما اللي كانوا مخلين عندك شغف وان انتي كنتي ناجحة بيهم هما اتمني تكون اجابتي افادتك واتمنالك حياه افضل ان شاء الله

هوا اننا مش فاهمه لو ممكن توضحي اكتر

ممكن اعرف اي نوع البروجكت؟

اتمني اكون افادتك ولو قصدك تمام عاوزه تكلميني معنديش مشكلة

أبدا بتنمية علاقة مع ربنا وبعدين دور ع الحاجه اللي بتحبها واشتغل عليها عشان تنجح فيها