اتعامل مع البشر ازاي بجد وكلهم بيكونو وحشين ف الاخر ليه لحد دلوقتي مفيش حد عرفتو ويطلع كويس لي كل البشر مؤذيه..؟!!
السلام عليكم و رحمه الله و بركاته التعميم هنا مش حاجه صح لإن كل الناس مختلفه عن بعضها ، اه في ناس مؤذيه و في ناس كويسه جداً ، مش شرط تعرضك لموقف سيئ بسبب شخص يبقا معناه كل الناس ذيه هي الفكره في التعامل مع الناس عامةً بمعنى في ضوابط المفروض تلتزمي بيها و حدود تحطيها بينك و بين أي حد تتعاملي معاه عشان حتى لو الشخص ده فكَّر يؤذيكي ميلاقيش فرصه أو منفذ يقدر يدخل و يؤذيكي منو يعني هحاول أقولك بعض الحاجات الي كتير مننا بيقع فيها و بتبقا سبب إننا نتعرض للأذى من غيرنا من الصح و المفروض يتعمل إن متحكيش مع حد عن سر من أسرارك الخاصه مهما كانت ثقه الحد ده وصلت لفين متحكيش حاجه تؤذيكي ولا تحكي عاده بتعمليها و مش عايزه حد يعرفها كل ده تلقائي هيخلي الشخص "الي مش سوي نفسياً" مجرد ميدايق منك يستخدم السر ده ضدك أو يذلك بيه بردو في حاجه مهمه و هي حرام تتعمل طبعاً و إنك تحكي مع شخص عن شخص تاني بالسوء او حتى بصفات حد سيئه موجوده فعلاً فيه "ما يسمى نميمه أو غيبه " لإن ممكن بردو الشخص الي مش مهذب دينياً ولا أخلاقياً يروح يبوظ علاقتك ب اي حد اتكلمتي عنو و يقول دي قالت عليك كذا و كذا ، ساعتها هتخسري كتير ، طبعاً منقدرش ننكر إن في ناس بردو مؤذيه ممكن تروح تقول لشخص إنك قولتي عليه كلام وحش و أنتِ عمرك متكلمتي عليه " ساعتها كونك في البدايه ماشيه بمبدأ مستحيل أتكلم على حد من ورا ضهره " محدش هيصدق الشخص الي بيدَّعي عليكي الحاجات دي ، و دي مواقف بقولهالك حصلت قدامي و كان تصرف غيري معاها إزاي مفيش مانع أبداً إنك تتجنبي جدال أو خناق مع حد أفكاره مش موزونه ده مش ضعف دي حكمه و حسن تصرف و دي حاجه ذكرها الرسول صلَّ الله عليه و سلم في حديثه :{أَنا زَعِيمٌ ببَيتٍ في ربَضِ الجنَّةِ لِمَنْ تَرَكَ المِرَاءَ وَإِنْ كَانَ مُحِقًّا، وَببيتٍ في وَسَطِ الجنَّةِ لِمَنْ تَرَكَ الكَذِبَ وإِن كَانَ مازِحًا، وَببيتٍ في أعلَى الجَنَّةِ لِمَن حَسُنَ خُلُقُهُ} لو اتبعتي سُنه الرسول و مشيتي على نصائحه هتلاقيها مُفيده جداً للتعامل مع سائر البشر هشوفي كيفيه تصرفه صلَّ الله عليه و سلم الحكيم في مواقف كتيره هيعلمك بجد و يفيدك في حياتك . و في حاجات كتيره المفروض تتعاملي بيها مع سائر البشر عشان تتجنبي الناس المؤذيه ، أنا ذكرتلك الي خطر في ذهني حالياً ،، طبعاً هتقابلي ناس في الحقيقه مؤذيه بشكل كبير بس تقدري تتجنبيهم بحسن تصرف و تبعدي بكل ذوق و أدب ساعتها هياخدوا فكره عنك إنك شخصيه حكيمه و صعب عليهم يلاقوا منفذ يدخلولك بيه عشان يعرضوكي للأذى ، أتمنى أكون افدتك و بالتوفيق ،
تم النشر الجمعة، ١٠ أكتوبر ٢٠٢٥
انا مقدرة انك ممكن تبقى اتخذلتى و اتصدمتى كتير بس لازم تفهم أن صوابعك مش زى بعضها و زى مافى ناس حقيرة بشكل ما يتوصفش فى ناس جميلة بشكل مايتوصفش اهم حاجه متحطيش الفكرة دى فى دماغك و اتعاملى بطيبة و عقل و ادعى ربنا يوفقك ولاد الحلال و بإذن الله هتتعاملى مع احسن ناس يعوضوكى عن كل اللى اذوكى
تم النشر الجمعة، ١٠ أكتوبر ٢٠٢٥
مرحباً يا عزيزتي، أولاً أحب أقول لك إن شعورك هذا طبيعي جداً، خاصة لما تواجهين ناس أذواك أو خذلوك. كثير من الناس يتألمون من تجارب سلبية مع الآخرين، ويصابون بخيبة أمل، وهذا بيخليهم يشوفوا الناس بنظرة سلبية. لكن في الحقيقة، مش كل البشر مؤذين، ومن المهم أن نعرف كيف نتعامل بذكاء وحذر حتى نحمي نفسنا ونفتح المجال للعلاقات الجيدة. خليني أساعدك في خطوات بسيطة تساعدك تتعاملي مع الناس بطريقة أقل إحباط وأكثر وعي: اختاري الأشخاص اللي تستثمرين فيهم: مش لازم تفتحي قلبك لكل حد. اختاري الصحاب اللي تثقين فيهم، اللي سلوكهم إيجابي ويشعروك بالراحة. الطباع الحلوة تظهر مع الوقت، فلا تستعجلي. حددي حدودك بوضوح: لما تحسي إن في حد ممكن يؤذيك أو يتعدى على خصوصيتك أو مشاعرك، كوني واضحة في التعبير عن حدودك. هذا بيحميك من التعاملات السلبية. حافظي على ابتسامتك وتعاملك الجميل: رغم كل شيء، حاولي تظلي إيجابية في تعاملك، لأن الناس تستجيب للطاقة اللي تبعثيها. أحياناً، التعامل بلطف بيكسر الحواجز. تقبلي وجود اختلاف الشخصيات: مش الجميع سيشبهك أو يفكر بنفس الطريقة. الناس أحياناً بيسببوا مشاكل مش عن قصد، بل بسبب ظروفهم أو ضعفهم، فلا تأخذي الأمور بصفة شخصية دائماً. داومي على تقوية ثقتك بنفسك: لما تكون ثقتك بنفسك قوية، يكون تأثير تصرفات الآخرين عليك أقل، وتقدري تتوقفي عن إعطاء الأشخاص السلبيين أهمية أكبر. لا تعممي الحكم على الجميع: مع الوقت، صدقيني ستجدين أشخاصاً يستحقون معرفتك وحبك، فقط أعطي المجال لهؤلاء أن يظهروا. في النهاية، الحياة مليانة تحديات في العلاقات البشرية، لكن مع الصبر والحكمة، يمكنك بناء علاقات صحية تستحقينها. لو تحبي، ممكن أساعدك أكثر في تحديد نوعية العلاقات اللي ترغبين بها، أو كيف تبني الثقة في الآخرين خطوة بخطوة. وأيضاً أنصحك بتصفح الأسئلة المشابهة في فدني، قد تجدين آراء وتجارب تفيدك. وأخيراً، إن احتجتِ دعم أو استشارة متخصصة، لا تترددي في زيارة صفحة الخبراء في فدني https://www.fedni.net/experts حيث ستجدين متخصصين في علم النفس والعلاقات يقدمون لك نصائح وعون أكثر تفصيلاً. أنا هنا معكِ دائماً يا عزيزتي، فلا تترددي في التواصل معي متى ما احتجتِ. <3
تم النشر الخميس، ٩ أكتوبر ٢٠٢٥
كل اناء ينضج بما فيه هتلاقي اكيد الكويس ومش معنى عرفتي كذا حد وطلع وحش يكون الكل وحش وللاسف مجتمع البنات مرعب لان اغلب البنات مش بتحب الخير لبعض للاسف عكس الشباب.
تم النشر السبت، ١١ أكتوبر ٢٠٢٥
👌🏻
تم النشر السبت، ١١ أكتوبر ٢٠٢٥
تقريباً لما بتكون طيب ومبتحقدش على حد ولا بتكره حد هتحس بكدا لأن معظم الناس فيهم صفات زي الكره والكدب والحقد
تم النشر الجمعة، ١٠ أكتوبر ٢٠٢٥
العيب من عندنا احنا كختيارنا للاشخاص انما تقبل عيوبهم تمام بس هما لما ميتقبلوش عيوبك يبقي دا اي
تم النشر الثلاثاء، ١٤ أكتوبر ٢٠٢٥
انا كل الناس اللي اعرفها ممتازين... لكن ده بيعتمد علي تعاملي... وعلي ان متقبل عيوبهم وهم متقبلين عيوبي... يعني علاقات مريحه
تم النشر الثلاثاء، ١٤ أكتوبر ٢٠٢٥
موجودين.... لكن ممكن تكون المشكلة من عندنا..مش من عند الناس.....
تم النشر الثلاثاء، ١٤ أكتوبر ٢٠٢٥
فين الناس دي؟!
تم النشر الثلاثاء، ١٤ أكتوبر ٢٠٢٥
مش صح... فيه ناس كويسة كتيير... لكن الكمال عزيز..
تم النشر الاثنين، ١٣ أكتوبر ٢٠٢٥
حقيقي والله
تم النشر الجمعة، ١٠ أكتوبر ٢٠٢٥
لعرض السؤال في فدني اضغط هنا