إجابة علي السؤال: أنا شخصية حساسة جدًا ومن حولي غير مقدرين ويجرحون فيّ، ماذا أفعل؟

مشكلة الحساسية دي حرفيا صعبة، فالحل انك ماتهتميش بكلام حد ما دام انك متأكدة ان طريقك صح خلي اللي يقول يقول لإنك حتى لو مشيتي في طريقهم هيتكلموا برده. واعتزلي ما يؤذيكي يعني لو فيه قاعدة هتؤذيكي ويقولوا فيها كلام يضايقك ماتقعديش فيها، لو فيه حد بيقول كلام يضايقك ابعدي عنه، لو فيه بلوجر بيقول الفاظ تضايقك الغي المتابعة. وبالنسبة للأهل لإنك ماتقدريش تقاطعيهم.. لما يتكلموا سدي ودانك كإنك مش سامعة وكإنك بتقوليلهم أنا مش مهتمة. وصدقيني العيب فيهم مش فيكي لإن ربنا أمرنا بالإحسان ومعاملة بعض بالحسنى ونجبر خاطر بعض مش نجرح بعض، لكن فيه ناس مش فاهمة كدا فانتي عامليهم زي الآية دي (وإذا خاطبهم الجاهلون قالوا سلاما).