السلام عليكم ورحمة الله وبركاته.
في مره كنا موجودين ف البلد انا وولدتي و اختي و أخويا عشان كان عندنا فرح ف انا كنت موجوده ف بيت خالي وكانت معظم العيلة هناك ماعدا أمي واختي امي كانت موجوده ف بيت خالي التاني هيا ومرات خالي واخوها ومرات ابنها و ابن خالتي ف راحت اختي الأصغر مني جتلي ف بيت خالي التاني الي انا موجوده فيه قالتلي تعالي امك عوزاكي ف روحت وكان ابن خالي الكبير معانا بيودينا البيت يعني انا اول ما روحت أمي بتقولي جيتي لي وإتأفأفِت كده ف انا استغربت قولتها حضرتك بعتلي اختي الصغيرة بتقولي تعالي فبتقولي هو انا قولتلك تعالي انا كلمتك وكده الموضوع طلع انهم كانو عاملين رهان ان امي بتقول اني مش هتحرك من البيت غير لما هيا ترن عليا وهيا و ابن خالي قال لاء انا هجبهالك من غير ما ترني وكده مع ان اختي هيا قالتلي تعالي امك عوزاكي يعني لوهله حسسوني اني مش شريفة ونا كده بنت مش كويسة واتديقت وكنت هعيط وكنت هقول ل أمي هو اي الي حضرتك عملتيه دي وبجد الموضوع مديقني وخنقني انهم عملو حاجةة زي كده فيها وخلوني أحس الأحساس ده.
وعليكم السلام ورحمة الله وبركاته معلش يا بنتى هى تصرفات ملهاش لازمه من الناس الكبار . انتى يا حبيبتى زى الفل ومؤدبة و ثقتك فى اخواتك اللى متربيين زيك وانهم اكيد عاملين بكلام مامتك. انتى ممشيتيش ورا كلام حد غريب عشان تبقي مش كويسة. سيبك من رهانهم ونيتهم ودماغهم ...ربنا اعلم بيهم
تم النشر السبت، ٢٢ يوليو ٢٠٢٣
اطلاقا .. مش المفروض ابدا حد يحسسك بكده. ثم انتي مسمعتيش كلام حد غريب .. انتي سمعتي كلام مامتك برضه. لو لسه الموضوع شايله منه يبقى لازم تتكلمي مع والدتك فيه وتبيني انك فعلا اضايقتي من التصرف ده وبهدوء.
تم النشر الأحد، ٢٣ يوليو ٢٠٢٣
بصي هو انا مش شايفة حاالص أنهم شايفينك كده لا خالص سواء مامتك رنت أو لا ف على كل الاحوال انتي افتكرتي أنها نادتك فروحتلها فإنتي مغلطتيش و طالما الموضوع زعلك يبقى لازم تتكلمي و تقوليلهم ال جواكي و إن ميصحش يعملون رهان عليكي و أنهم حسسوكي بإحساس وحش كلميهم براحة و إن شاء اله يفهمو
تم النشر السبت، ٢٢ يوليو ٢٠٢٣
لعرض السؤال في فدني اضغط هنا