دلوقتى متقدملى شخص خريج معهد ملوش علاقة بشغله يعنى و هو شغال فى شركة عقارات، دينياً كويس و أخلاقياً كويس و عائلته لما سألنا عنهم بيتقال عنهم طيبين (والده عامل فرشة خضار و والدته كانت بتساعده فَ الناس عارفاهم كويس الاتنين)،
أنا خريجة معهد برضو بس يعتبر بسعى ف الشغل ف مجالى و لو حصل نصيب ف الزواج بفكر كمان فى عدم الشغل لو دا هيقصر على بيتى إن شاء الله، والدى شغال فني فى مينا و حالتنا متوسطة الحمد لله ..
الشخص دا بيتقال أنه اللى جاى هيبقى ع قد اللى رايح و اللى هو نعيش اليوم بيومه و كدة(المعيشة هتكون فى إيجار إن شاء الله و دى نقطة تخوف شوية برضو) ..
أنا مترددة جداً قدام شخصيته، معنديش مشكلة في الشغل لو مش حرام و مستقر و طموح و بيتطلع للأفضل و بيحسن من نفسه بس أنا مش عارفة هو كدة ولا لا،
معنديش مشكلة أنى أكون حمولة و الكلام الجميل دا كله بس هل الشخص دا هيكون عنده طموح لحاجة افضل ولا لا بالذات أن طبعاً أهله مش هيكونوا قادرين أنهم يساعدوه مادياً لو لا قدر الله حصل حاجة
مش عارفة أصلاً أقعد معاه و أسمع منه ولا أستنى شوية أفكر أكتر، يريت تفيدوني رجاءً.
بصي يا بنت الناس النبي قالنا لو جالك اللي دينه وأخلاقه تمام توكلي على الله وانتي بتقولي إنه محترم وابن ناس طيبين ودي أهم حاجة تبني عليها بيت والرزق ده بتاع ربنا مش بتاع حد خالص والقرآن قال إن ربنا بيغني اللي عايز العفاف والستر يعني الفقر مش عيب ولا هو اللي بيفشل الجواز اللي بيفشل الجواز هو الكسل وقلة الأصل وانتي بتقولي إنه شغال وبيعافر يبقي ده راجل يعتمد عليه وموضوع الطموح ده مش هتعرفيه وانتي قاعدة بعيد لازم تقعدي وتسمعي منه وتشوفيه بيفكر ازاي في بكرة هل هو راجل عايش في مية المخلل ولا صنايعي شاطر وعايز يكبر نفسه استخيري ربك الأول وبعدين وافقي تقعدي معاه وتسمعي منه وتوزني عقله لو لقيتيه شاري وعايز يبني نفسه وعنده أصل يبقي امسكي فيه بإيديكي وأسنانك وربنا هيفتحها في وشكم إنما لو لقيتيه بارد ومعهوش خطة يبقي ساعتها ليكي حق تقلقي بس متظلميش نفسك وتظلميه بالخوف من غير ما تجربي اقعدي معاه وشوفيه وبعدها ربنا هيعدلها من عنده عليكي بالاستخارة وربنا يقدملك اللي فيه الخير وتفرحي قريب وجد ربنا يحفظك ويسعدك 🌷
تم النشر الثلاثاء، ٢١ أبريل ٢٠٢٦
الرسول صلى الله عليه وسلم قال اذا جائكم من ترضون دينه فزوجوه وطالما هو اخلاقيا ودينيا كويس توكلي على الله والحياه مش الماديات فقط اهم حاجه ان الانسان يتقي ربنا فيكي. صلي استخاره اولا وبعدين فكري وقرري وأكيد لو من نصيبك ربنا هييسرله أموره لانه طالب الحلال والستر والعفه وربنا يصلح لكم حالكم إن شاء الله.
تم النشر الثلاثاء، ٢١ أبريل ٢٠٢٦
أهلاً بيكِ يا قمر، أنا ذكية، وأنا فاهمة ترددكِ تمامًا.. الخطبة خطوة كبيرة، وطبيعي تخافي على مستقبلكِ، خاصة في الجانب المادي والطموح. الحمد لله إن الشخص دينيًا وأخلاقيًا كويس، وعائلته طيبين، ده أساس قوي في الإسلام – زي ما قال الرسول ﷺ: "إذا جاءكم من ترضون دينه وخلقه فزوجوه". نصيحتي العملية خطوة بخطوة: صلي الاستخارة : ابدئي بيها دلوقتي، واطلبي من ربنا ييسر الخير ويصرفه إن مش خير. اقعدي معاه واستمعي : حددي جلسة قصيرة معاه (مع حد من أهلكِ طبعًا)، واسأليه أسئلة مباشرة زي: "إيه خططكِ للمستقبل في الشغل؟"، "بتحب تطور نفسك إزاي؟"، "شايف إزاي بناء بيت قوي ماديًا؟". شوفي إجاباته بتديكِ إحساس إيه – الطموح بيبان في الكلام والعمل. قيمي التوازن : الشغل في العقارات مش حرام وممكن يستقر، والإيجار مش مشكلة لو في توفيق. أنتِ كمان مستعدة تساعدي أو تتوقفي، ده حلو. المهم يشجعكِ على سعيكِ ويبني معاكِ، مش "يوم بيومه" بس. فكري في أهدافكِ : اكتبي إيه اللي عايزاه في الزوج (طموح، استقرار، دعم)، وقارنيه بيه. لو عيلته مش هتساعد، ده عادي – الراجل المسلم يعتمد على ربه وعلى جهده. لو محتاجة مساعدة أكتر، دوري في Fedni على أسئلة مشابهة هتلاقي إجابات كتير، أو شوفي الخبراء في https://www.fedni.net/experts – فيه متخصصين في الزواج والإرشاد الأسري هيساعدوكِ أحسن. ربنا ييسرلكِ الخير يا حبيبتي، ويختارلكِ الأفضل إن شاء الله.💕
تم النشر الثلاثاء، ٢١ أبريل ٢٠٢٦
السلام عليكم، أولا الاستخارة أهم خطوة تبدئي بها، سلمي الاختيار بيقين تام لله ولو الزواج فيه خير لك ربنا هييسر لو شر هيبعده عنك بإذن الله. (الاستخارة ملهاش دعوة بإحساسك بالراحة بعدها أو لأ) ** هو طبعا (إن جاءكم من ترضون دينه وخلقه فزوجوه) بس مع الحديث ده فيه حاجات تانية مهم تفكري فيها وأنتِ بتاخدي قرار الزواج ولازم تحكمي بعقلك وتتوكلي على الله لأن ممكن شخص متقدم نفتكره على دين وخلق ويكون العكس. ممكن الشخص ده يكون فعلا على دين وخلق وطموح رغم الوضع المادي حاليا وهيقدر يكون زوج يعتمد عليه وممكن يطلع العكس وده مش هيتعرف غير بالسؤال عنه كويس وإنك زي ما قال الأخوة في ردودهم تسأليه الأسئلة الصح في قعدة التعارف وتختبريه في الخطوبة وكمان متدخليش العاطفة في فترة الخطوبة عشان بتعمي العقل وتخليك تاخدي قرارات غلط وتتعامي عن العيوب الواضحة. *** نصيحة أخيرة، سواء هو أو غيره.. متغلطيش زي بنات كتير تركوا شغلهم بعد الزواج ومبقاش لهم أي مصدر رزق. طبعا ربنا الرازق والحافظ لكن ربنا قال لنا ناخد بالأسباب. الزمن الحالي مبقاش فيه حاجة مضمونة.. النفوس بتتغير والله أعلم بكرة فيه إيه. إذا حصل واضطريتِ تتركي الشغل في يوم يبقى على الأقل يكون لكِ دخل مادي، اشتغلي من البيت عمل حر أو افتحي مشروع صغير من البيت، المهم يكون لك دخل مستقل وعمل يغنيكِ مستقبلا ويساعدك إذا حصل أي ظروف. مش بقول هيحصل لك كذا لا قدر الله بس ناخد بالأسباب... ستات كتير للأسف تركوا شغلهم وبعد سنين زواج اترموا في الشارع لا شقة ولا أطفال ولا حتى شغل يعيشوا منه. فاوعي تغلطي الغلطة دي أبدا. وربنا يوفقك.
تم النشر الأربعاء، ٢٢ أبريل ٢٠٢٦
السلام عليكم ورحمه الله وبركاته @Menna @yaze n دي اضافه بسيطه لاخواتي ...اهم حاجة تسألي عليها هي الصلاة بس مش تقولي له بتصلي ولا لأ قولي له يومك بيمشي ازاي مع الصلاة وبتحب تصلي فين عشان تعرفي هل هي ركن اساسي في يومه ولا بيأدي واجب وخلاص واسأليه كمان عن علاقته بوالدته واخته وبيتعامل معاهم ازاي عشان اللي ملوش خير في اهله ملوش خير في حد وطريقة كلامه عنهم هتعرفك هو بيحترم الستات ولا لا وكمان لازم تعرفي دماغه في الشغل والمصاريف يعني يسألها شايفة دور الست في البيت ازاي وايه حدود تدخل الاهل في حياتكم عشان دي اكتر حاجة بتعمل مشاكل بعدين واهم من كل الاسئلة دي ركزي في عينيه وفي طريقته وهو بيتكلم هل هو هادي وراسي ولا عصبي وبيمجد في نفسه وخلاص وخليكي فاكرة ان الراجل بيبان من مواقفه مش من كلامه الحلو في القعدة والراحة النفسية اهم من اي ورقة اسئلة واستخيري ربنا وركزي في التفاصيل الصغيرة اللي بتبين الشخصية بجد بعيد عن الكلام المرتب أول حاجة تركزي في طريقة كلامه عن أهله وخصوصاً أمه وأخواته البنات لو بيتكلم عنهم بحب واحترام من غير تنطيش أو تقليل فدي حاجه حلوه لأن اللي ملوش خير في أهله ملوش خير في حد وتاني حاجة لغة الجسد يعني هل هو قاعد واثق في نفسه وراسي ولا مهزوز وعينه في الأرض أو بيلعب في الموبايل وهل وهو بيسمعك بيديكي اهتمام وبيركز في كلامك ولا بيقاطعك عشان يتكلم هو وتالت حاجة نبرة صوته وقت الاختلاف لو فتحوا موضوع فيه وجهات نظر مختلفة هل بيبقى هادي وبيناقش بالعقل ولا بيبان عليه العصبية وعايز يفرض رأيه وخلاص ورابع حاجة نظافة وشياكة المظهر مش لازم يكون لابس أغلى حاجة بس يكون مهتم بنفسه وبنظافته الشخصية لأن ده بيبين قد إيه هو مقدر القعدة ومقدر الناس اللي جاي ليهم وخامس حاجة ردود أفعاله العفوية يعني لو حد دخل عليهم القعدة فجأة أو طفل عمل دوشة هل بيضحك ويعديها ولا بيكشر وبيبين ضيقه والحاجة الأهم من كل ده هي الكيميا والقبول هل هي حاسة بإنقباض ولا الدنيا مريحة والكلام طالع بسلاسة لأن القلب دليل صاحبه وفي الآخر تخلي بالك من الثبات الانفعالي يعني هل هو شخص رزين وكلامه موزون ولا كلامه كتير وفاشوش ومفيش وراه فعل واللقاء الأول ده معمول مخصوص عشان الراحة النفسية قبل أي تفاصيل تانية وربنا يكتبلك الصالح اللي يعيشك ملكه دي حاجه
تم النشر الأربعاء، ٢٢ أبريل ٢٠٢٦
شكراً جداً لحضرتك حقيقى، و شكراً ليكوا كلكوا، ربنا يجازيكوا عنى خير الجزاء يارب العالمين
تم النشر الأربعاء، ٢٢ أبريل ٢٠٢٦
اعملي عالأقل الرؤية الشرعيه (جلسة التعارف) ودي هيكون غرضك منها تعرفي ٥ حاجات ١- دينه ، هتسأليه أسئلة تعرفي منها درجة تدينه زي مثلًا الصلوات ، وحافظ قرآن ولا لأ فاهم في الدين والأمور الشرعيه ،علشان تشوفي هيتقي الله فيكي ولا لأ ٢- أخلاقه ، هتشوفي هو خلوق ولا لأ وعنده حسن خلق ولا لأ وطبعًا ده بيبان بسرعه ما تقلقيش ٣- طبعه ، ودي حاجه مهمه لإنك أكيد هتكوني بتحبي طبع معين وفي طبع مش هتقدري تعيشي معاه ، هل شخص هادي ولا مش هادي ،هل عصبي ولا راسي وكده يعني ٤- أهله ، عن طريق التعامل هتعرفي صفاتهم وطريقتهم في التعامل معاكي ومع أهلك ٥- شكله ، لازم تحسي بقبول تجاهه .. أعتقد إن ال٥ حاجات دي مهمين جدًا و يعتبروا الأساس ، أما بالنسبه للرزق فده على ربنا 💌 أهم حاجه إن عيشتك تكون بالحلال ، وطبعًا عندك حق في إنك تعرفي هو إنسان مسئول ولا مستهتر ده مهم جدا ،، لو حصل خطبه حاولي تحافظي على الضوابط الدينيه وابدأي حياتك معاه بالحلال ، ابعدي عن أي تجاوزات وأغاني والحاجات اللي تعتبر ذنوب جاريه ، وربنا يوفقك لكل خير 🥰
تم النشر الثلاثاء، ٢١ أبريل ٢٠٢٦
لو قال لك انو لازم تشتغلي معاه اجباري فهاد شخص عديم مسئوليه وبده شخص يتوكل عليه اما إذا قلك وجبرك انك تبركي بالبيت فهاد شخص ممكن يكون على خير او متملك اما اذا كان مش جابرك انك تشتغلي او تعيفي شغل وعايف موضوع اختياري لائلك وما يدخل في اموالك فهاد شخص مثالي لزواج طبعا اساسا افضل انك ما تشتغلي بس كمان شي يرجعلك مهم برجع بقول اذا انتي مرتاحه له فالله يتمم لكم على خير
تم النشر الثلاثاء، ٢١ أبريل ٢٠٢٦
نصيحتي لك لا تخافي من المستقبل كيف رح نعيش وخايفة من ناحيه البيت ايجار لأن "وَمَا مِن دَابَّةٍ فِي الأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ" يعني رزقه مكتوب بس اهم شي انك تشوفي اخلاقه كيف تعامله مع اهله وكيف افكاره هل رح يخليك تعيفي شغل وتبركي بالبيت إذا قصرتي اساسا او هل رح يسمحلك اساسا تشتغلي هاي الشغلات بتفهم شخصيته
تم النشر الثلاثاء، ٢١ أبريل ٢٠٢٦
تم النشر الجمعة، ٢٤ أبريل ٢٠٢٦
شو الي تعتبره قله احترام .... شو هوا شي يلي ممكن يخليك ترفض بنت او زواج........شو في رايك التربيه كيف رح نربي اطفال ازا الله رزقنا ....... سئال كتير حلو مهم ليش انت حاسس انو نحنا مناسبين لبعض
تم النشر الجمعة، ٢٤ أبريل ٢٠٢٦
شو يعني مسئوليه عندك ...
تم النشر الجمعة، ٢٤ أبريل ٢٠٢٦
صنف مسك كشريك حيات ...ازا صار زعل او مشكله كيف تتعامل معها.... شو رايك بل مراة ..... كيف تتعامل مع ضغوط الحيات والغضب ....... هل بتحب تخلي مشاكلك في قلبك او انت صريح بتقول فورن ..... شو رايك هل اهلك خرجهم يتدخلو بزاوجنا ......... في وقت فراغك شو بتعمل .......
تم النشر الجمعة، ٢٤ أبريل ٢٠٢٦
أسئلة زى ايه لو سمحت معلش؟
تم النشر الخميس، ٢٣ أبريل ٢٠٢٦
اظن التفكير مش هيقدم او ياخر محتاجه تقعدي معاه وتشوفي طريقة تفكيره وحاولي تختاري اسئله صح بحيث يقدم اجابات واضحه مش محتاجه تحليل عشان تبقى عارفه بيفكر ازاي وفي الاول والاخر استخيري
تم النشر الأربعاء، ٢٢ أبريل ٢٠٢٦
لعرض السؤال في فدني اضغط هنا