السلام عليكم ورحمه الله وبركاته انا حابه ان انا انصحك نصيحه انك في سنك الحالي تقسم استثمارك لوقتك وللادوات اللي معاك لجزئين جزء يكون خاص بالتعلم من خلال الانترنت واللي هو تقدر بعد كده تقدر تكون مهاره تكسب فيها فلوس وتكون مصدر دخل ليك وجزء ثاني تبدا تستثمر في الوقت اللي تتعلم فيه في التعاملات الاجتماعيه والمهارات الحياتيه فيا ريت لو في اي مكان حواليك يكون في شغل الشغل ده فيه مجهود بدني ايوه حتى لو مش هيوفر لك فلوس كثيره ولكن ده مهم جدا جدا جدا في تكوين الفكر الخاص بيك اللي هيكمل معاك. لانه الشخص اللي بيبقى مش فاهم التعاملات الخاصه بالشغل اللي هي الماديات اللي هي يعني ايه صدر ووارد يعني ايه بنجيب الحاجه بالجمله ازاي وبعدين بيطلع مكسب منها ازاي فلو في اي فرصه تجاريه جنبك حتى ولو كانت كاشير في سوبر ماركت ده هيفرق معاك جدا جدا جدا في تكوينك عن فكره العمل بشكل عام. تقدر بعديها وتقدر بسبب ده تنطلق في كل شغل انت تقدر تشتغله بعد ما تخلص دراستك او حتى لو بدأت شغل لنفسك وانت لسه بتدرس هتقدر تتعمل بشكل افضل بكثير من الناس بتقع في اخطاء كثير بسبب النقطة دي وميبقوش يعني ايه جهد مقابله مال وبيبقوا للاسف ممكن تاخذه شويه في حته الحاجات السهله اللي بيجيب فلوس كثير وده مش حقيقي لانه حتى لو في مهاره تعلمتها فانت الجهد هتبقى عملته قبل ما تبدأ تشتغل اشتغلت على نفسك وتعلمت كثير واتدربت كثير في كل الجهد ده هو اللي انت هتاخد عليه فلوس فانت مش تبقى بتاخذ فلوس في وقت قليل انت عملت الوقت قبل كده اصلا في حين انه في شغل ثاني انت بتعمل الوقت والجهد في نفس اللحظه وبتاخذ عليه الفلوس في وقتها فأتمنى ان انت تكون فهمت نصيحتي ما كنتش توهتك ولا اي حاجه وربنا يوفقك ان شاء الله.
لعرض الإجابة في فدني اضغط هنا