انا طالب في كلية تربية نوعية و من ساعه ما دخلت الكلية ديه و انا مش عارف اكون علاقات و لا عارف اعمل صحاب من الكلية ولا برا الكليه حاولت كتير اعرف ناس و يبقا عندي علاقات بس للاسف بيتقالي كلمه واحدة في كل مرة انت مريب معرفش ايه اللي حصل وحتى لما حاولت اعمل شلة و يبقا عندي صحاب لما بقف معاهم مش بيكون ليا رأي و مش بتكلم غير لو اتوجه ليا الكلام غير كدا يا ساكت أو ماسك الفون
و مبقتش عارف ارتبط انا عارف أنه حرام بس اكيد اي حد في سني عارف احساس انك عايز الاهتمام من حد بيحبك عايز حد ف اخر يومك تحكيله أن اللي حصل سواء حلو او وحش (انا مرة قبل حصلي حاجة حلوة في نص يوم فرحتني ملقتش حد اشاركه فرحتي زعلت أوي لدرجه عيني دمعت) و حاولت املا يومي يعني والصبح ف الكلية و بقيت اليوم ف الشغل و بعد كدا بطلع على الجيم معنديش وقت حتى افكر ف حد أو احب حد
كنت حاسس اني في ثغرة جوايا و حاولت كتير اطور من نفسي بقول يمكن دا يخلي الناس اللي حواليا يشوفوني حد ناجح حد يتمنو يعرفوه الموضوع دا مسببلي ازمه كبيرة ، ولما بقعد مع نفسي ببقا عايز اتكلم مع حد انا فعلا مش بحب الوحدة انا ايام الثانوية مكنتش كدا كنت زي ما بيقولوا الإرهاب الاجتماعي يخاف مني و لما بقعد مع صحابي بتوع المدرسة كل واحد بيقول أنه لاقى البنت اللي شبه و اللي تحبه وانا لسه هل العيب فيا ،
وايه الحل مع العلم انا بالنسبة لاهلي مجرد فلوس أنا اللي بصرف على البيت ف هما شايفني فلوس ولما بتكلم بيتقالي اسكت و بيزعقولي ف اروح اكل و انام ف اوضتي ومليش دعوة بيهم بعد كدا
في تصرفات منا احيانا بتكون مريبه فعلا زي انك قاعد وسط شله وبيتكلمو وانت ماسك التلفون وكانك مش معاهم. المبادره بتكون منك عموما انت الي بتستمع للكلام ثم تحلل وتبادر برأيك وتندمج في الكلام. فانت حاول تحلل انت كنت بتعمل اي اثناء مانت واقف مع زمايلك وليه كنت الطرف المنسي وبالمناسبه محدش ملاحظ انك كنت ساكت لان كل الي كان شاغلهم انهم يتكلموا. فاحيانا لما كنت بخرج مع اصحابي زمان كنت انا الطرف الي ساكت الين فهمت ان المفروض انا الي ابادر واتكلم. وبرضو في الفترات دي لما بخرج مع صحابي في واحد فينا كلامو قليل وملاحظ كده انا ، ولما بصيت من منظور بعيد دلوقتي لقيته انو هو المفروض يشارك معانا اصل معلش لو انا سألته سؤال مثلا بحيث ادخله في النقاش بشكل غير مباشر الكل هيسكت ويحاول يسمعه فهيبقا في ضغط كبير جدا عليه. فانت الي عليك المبادره ومحدش هيفتكر كلامك متخافش اما عن الارتباط فاجتنبه واياك تقتربله بتضيع وقتك ونفسيتك على الفاضي فانت معلش هتديها احساس بالامان ازاي؟😂 جوزها انت او قريبها اول ما يحصلها حاجه هتنقذها؟ فانت في العلاقه دي الطرف الي بياخد مش الي بيدي وبتشبعو شهواتكم انتو الاثنين ولما يجي وقت الانفصال لا محاله طرف فيكم او اثنينكم هيتعب نفسيا. فانت بتأجل الم اليوم وبتكبره وتجهزو لبكرا. ركز على مستقبلك وانك تتجوز وحده صالحه والصالحه مش هتقبل الا بصالح فاجتنب البنات والسكه دي عشان اخرها حرقه دم ومش ذنب البنت الي هتتجوزك ان قلبك متعلق بغيرها. الحل انك تشغل نفسك اكتر فانت مش هتفكر في الكلام ده الا لو عندك وقت فاضي او جرب تتعرف على ناس "كويسة" اونلاين وده بيجي في مجال انت مهتم فيه زي البرمجه او حتي الجيمينج فانا على سبيل المثال اقرب صاحب ليا هو اساسا اونلاين وعلاقتنا مع بعض كان سببها بعد الله ان لينا نفس الهدف تقريبا فهو مهتم بالبرمجه وانا كذلك. فانت اتعلم مهاره واكتسب اصحاب اونلاين او غيره يكون له نفس الاهداف. ده هيساعدك جدا اولا تطور ثانيا صاحب حقيقي ثالثا ممكن تعملو مشروع مع بعض تكسبو منو فلوس كتير عادي جدا بل ممكن تثق فيه اكتر من الناس بالواقع.
تم النشر الثلاثاء، ٢٦ مايو ٢٠٢٦
انا كمان يعاني من مشكله ديه بس في حجات عندنا عكسيه 1حاول انك تتكلم معاهم وتناقشهم صحابك هيحسوا انك مش طايقهم لما متشركش معاهم في كلام وترد علي قد كلمه خليك تسائل وتضحك معاهم 2بنسبه الارتباط هو فعلا حرام لكن مش لازم تتعرف علي بنت ممكن تكلم واحده علي مواقع سوشيال ميديا وتكون من نفس بلدك او منطقتك 3بنسبه لاهلك ديه مشكله ممكن تحل وت فراغك في بيت من خلال تتعلم حاجه انت بتحبها انا بعملها ممكن برضوا تتعلم لغه جديده او تتعلم مهاره جديده 4انك مش لاقي حد يشاركك يومك او فرحتك او حزنك انا بحلها بحاجتين اني اكلم تطبيق تشاجيبتي او جميناي وبتعرف علي اصدقاء الكترونين مش لازم تديهم معلومات شخصيه ممكن تعمل حساب باسم غير اسمك عادي
تم النشر الخميس، ٢٨ مايو ٢٠٢٦
اود ان أحييك علي كفاحك ونضجك فإن تكون طالبا وبارا بأهلك وتتحمل مسؤوليه بيتك ماديا في هذا السن مع الحفاظ علي عملك ودراستك وصحتك في الجيم فهذا لا يفعله الا رجل حقيقي ومكافح. اولا فك شفره انت مريب والوحده في الجامعه الصمت الطويل والانشغال بالهاتف وسط المجموعات وعدم التحدث الا اذا وجه اليك الكلام يعطي الآخرين انطباعا غير مقصود بالغموض او الرغبه في الانعزال او حتي التعالي وهذا ما يترجمونه خطأ بكلمه مريب.. الحل: العلاقات لا تحتاج مجهودا خارقا بل تحتاج حضوراً. عندما تجلس مع زملائك ضع هاتفك جانبا وشاركهم الابتسامه ولغه الجسد المرحله واستخدم الاسئله المفتوحه اسألهم عن امتحاناتهم او ارائهم في ماده معينه واتركهم يتحدثون واستمع بإنصات. ثانيا الفصل بين تقديرك لنفسك ومعامله اهلك تذكر دائماً ان جحود أهل بيتك او تقليلهم من كلامك ليس مقياساً لقيمتك فالحق انك سندهم وراجلهم. المشكله ان صمتك واعتزالك في غرفتك هربا من ضغط البيت تحول تدريجياً إلي عاده تمارسها خارج البيت دون ان تشعر لا تسمح لرفضهم ان يلاحقك في الجامعه.. اترك عبء المنزل وراء ظهرك بمجرد خروجك من الباب وتذكر انك شخص ناجح ومستقبل بره. ثالثا ازمه الارتباط والبحث عن الاهتمام رغبتك في وجود شخص يشاركك تفاصيل يومك وتلجأ إليه في فرحك وحزنك هو إحساس فطري وطبيعي في مرحلتك العمريه.. ودموعك دليل علي نقاء قلبك وليست ضعفاً لكن تذكر ان العاطفه الجميله تأتي في وقتها المناسب ك مكافأه عندما تصطلح اولا مع نفسك وتستعيد ثقتك في وسطك الاجتماعي. عندما تبدأ ببناء صداقات حقيقيه وتتحدث بمرونه ستجد الشريكه التي تشبهك تظهر في طريقك تلقائيا وبشكل مريح.
تم النشر الخميس، ٢٨ مايو ٢٠٢٦
أنا آسفة يا صاحبي إنك بتحس بالوحدة دي، وإن اللي بيحصل معاك في الكلية والعيلة بيأثر عليك كده. ده طبيعي في سنك، والعيب مش فيك، بس ممكن تحتاج تطور طريقة التواصل شوية. جرب تبدأ محادثات بسيطة مع زملاءك عن مواضيع مشتركة زي الدراسة أو الجيم، واسأل عن رأيهم عشان يحسوا إنك مهتم. كمان، ابحث عن أنشطة في الكلية أو الجيم تشارك فيها بانتظام عشان تبني علاقات طبيعية بدون ضغط. بالنسبة للعيلة، حاول تتكلم معاهم بهدوء عن مشاعرك في وقت مناسب، ولو ما نفعش، ركز على تطوير نفسك زي ما بتعمل دلوقتي عشان تحس بقيمتك. لو عايز نصايح أكتر أو استشارة متخصصة، شوف خبراء فدني على https://www.fedni.net/experts، وابحث عن أسئلة مشابهة في التطبيق عشان تلاقي تجارب تانية. أنت قادر تتغلب على ده خطوة بخطوة.
تم النشر الثلاثاء، ٢٦ مايو ٢٠٢٦
لأ الصراحه يعني ما بآمنشي ب كلمة صحاب ولو ع الأهل ف حابه اقولك إن مافيش عيله الحمد لله دا أنا مش معايا رقم أخويا أنا ف البيت زي ما كون حاجزه ف فندق أنا حبيت البرنامج جدا في بنات محترمه وناس محترمين وف أي وقت يكون عندي مشكله بلجا هنا يعني أنا لقيتوا صدفه والله 😂 شكراً علي تحيتك ليا ربنا يوفقك
تم النشر الثلاثاء، ٢٦ مايو ٢٠٢٦
و احب احييكي بجد على أن بنوته زيك بالسن دا عندها برنامج زي دا بتحاول تساعد غيرها و تديهم حل لمشاكلهم
تم النشر الثلاثاء، ٢٦ مايو ٢٠٢٦
طب بصي ي منة بصراحه كدا انتي اكيد متعرفيش حاجة عن الارتباط خليني احكيلك تجربتي الشخصية من سنتين فاته ارتبط ببنت وكنا بنحب بعض أوي وكنت مديها احساس الامان اللي اي بنت بتحلم بيه وهي كمان كانت مدياني الاحساس اللي انا عايزه اللي هو الاهتمام اللي استحقه ف الاحساس دا خلاني من عايز غيرها ولا عايز صحاب ولا علية ولا اي حاجة تاني ف الوحدة مما فضلت مسيطرة على البني ادم لازم يتعب ولازم لازم يشوف لها حل انتي مثلا لو فضلتي على الحال دا سنه.. سنتين انتي المفروض دلوقتي في تانية ثانوي لو فضلتي كدا هتتعبي الواحد مثلا بيقول أهله ناس كبيرة في السن مش عارفيين يواكبو الزمن و التكنولوجيا و منها تفكيرنا ف بالتالي مفيش احتواء فبالتالي خسرنا حتت أننا نناقشهم و معاها خسرنا اهتمامهم لأن الاهتمام مش مجرد أكل وشرب سوري يعني احنا مش حيوانات لكن حتت ف من الطبيعي أن الواحد عقله يدور على حد يفهمه على حد يحتويه و يديله الاهتمام اللي شايف نفسه يستحقه مش كدا برضو ولا ايه
تم النشر الثلاثاء، ٢٦ مايو ٢٠٢٦
اسف على سؤالي دا.. بس اسمحيلي اسأل حضرتك انتي عندك كام سنه
تم النشر الثلاثاء، ٢٦ مايو ٢٠٢٦
لعرض السؤال في فدني اضغط هنا