كيف أتعامل مع جفاء وقسوة والدي وتفضيله لزوجته بعد انفصال الأهل منذ الطفولة؟

Question

السلام عليكم ورحمة الله انا واحده اهلي منفصلين من ٢٠ سنه يعني كانت والدتي حامل بيا حرفيا عشت طفولة صعبه اني وسط صحابي حد وحيد وحد ملوش اخوات وكنت بروح عند والدي زيارات بحس اني حد غريب وسطهم الفكرة والدي كانت العلاقه كويسه جدا مع بعض إلى ان حصل موقف غير كل دا بيني وبين مراته وهو اختار زوجته وقال ليكي فلوس هتوصل كل شهر حرفيا الموضوع ارهقني احنا بنتعامل ك اننا غرباء حرفيا ي ارن انا ي بلاش انما يرن هو مفيش الكلام دا انا زهقت حقيقي تعبت منه بقيت ارن عشان معاد الفلوس وبس اللي هي اصلا متعبرش فلوس وهو كمان زعلان يعني انا مبطلبش منه حاجه حرفيا انتي مش بترني انتي مش بتسألي انا معرفش انتي ليه بنتي اوعي تفكري اني هجهزك ف يوم انتي لي بتسألي وقت الفلوس بس طب انا اي اعمل معاه انا احترت وزهقت بجد هو وصلني ل كدا كرهني ف حياتي ويقولي اصل انا عارف اني مقصر اصل انا عارف اني معرفش اي بس انتي بتبعدي نفسك ومراته تفضل تقوله الكلام دا وهو يصدق انا بفكر انتحر انا معرفش لي معايا اب كدا انا بقيت بخاف من الزواج ولما حد بتقدم بخاف وبترعب خايفه يتكرر الماضي من جديد @Esmat Ali انا تعبت لي بجد بحصلي كدا طب اعمل معاه اي رنيت كتير وفكرة يرن من نفسه مفيش فايدة

Esmat Ali · Accepted Answer

وعليكم السلام ورحمه الله وبركاته بصي أولا تشيلي فكرة الانتحار دي خالص لأنها حرام قطعا ومش هتحل حاجة بالعكس هتضيعي آخرتك عشان ناس ما تستاهلش وتاني حاجه من الناحية الشرعية طالما أبوك مقصر وظالم ومفضل مراته عليكي فإنتي مش آثمة شرعا لو قللت التواصل اللي بيجيبلك إهانة ووجع قلب وفي نفس الوقت خدي فلوسك كحق شرعي لكي من غير ما تذلي نفسك ليه ولا تجري وراه خدي الفلوس كأنها حق قانوني وشرعي واعتبريه شخص غريب مش أب بالمعنى الحقيقي عشان ترتاحي نفسيا وبطلي تاخدي سعادتك من اتصاله أو رضاه وركزي في حياتك ونفسك وبطلي تخافي من بكرة ومن الجواز لأنك مش أبوكي وبكرة تختاري صح وتبني حياتك بنفسك.. وجد والله ربنا يحفظك ويسعدك

Ahmed Mounir · Answer

برضه اعملي اللي عليكي واتصلي عليه واطمني عليه حتى لو مش هيرد عليكي ، علشان لما تقفي قدام ربنا وسألك عن برك بأبوكي تكون إجابتك جاهزة أنت عملت ما في استطاعتي ، أكيد أنت عارفة الآية ، لو والديك عملوا ايه واجب عليكي تبريهم برضه ، ربنا يهديه ، لأن النساء لما تلعب في دماغ الرجالة بيبهدلوا الدنيا وبيقطعوا العلاقات ، مع احترامي ليكي ، أكيد مش كل النساء أنتم فاهمين قصدي طبعا 😅، ،، حاجة تانية ، أبوكي هيتحاسب على دا متفكريش أنه عدا كدا سلام لا والله هيتحاسب على إهماله وظلمه وعدم العدل بين أبناؤه وتقصيره ، هيتحاسب جامد جدا ، ربنا يهديه ، لأن الدنيا قصيرة وهو مش واخد باله إنها كلها ساعات وهنمشي ، مش واخد باله إن رنه وحدة ليكي يجبر بخاطرك ممكن تدخله الجنة ، لا حول ولاقوة إلا بالله ، والله أنا زعلت ، أنا حاسس بيكي يبنت الحلال ، ربما يصبرك ، متزعليش نفسك ، بكرة الأيام تعقله

كيف أتعامل مع جفاء وقسوة والدي وتفضيله لزوجته بعد انفصال الأهل منذ الطفولة؟

اجتماعية

أهل

علاقات

سؤال من أحد أعضاء فدني

تم النشر الخميس، ٢٢ أكتوبر ٢٠٢٦

2 إجابة

7 تعليق

فدني: فدني مجتمع عربي للأسئلة والإجابات والاستشارات، يجيب فيه خبراء موثّقون وأشخاص مرّوا بالتجربة.