زوجي طلقني واريد العودة ولكن أهلي يرفضون .. ماذا أفعل؟

زوجي طلقني ثلاث طلقات عند الغضب وسألت علي النت قالوا طلاق الغضبان لا يحسب واريد العودة واهلي يرفضون وعندي بنت منه ولا اريد البهدلة ليها

وهو يريد العودة ونحن الاثنان في ضغوط ماذا افعل أنا تعبت من الموضوع ده بالذات أن أمي عايزة تبيع العفش ومتجوزنيش تاني وقرفتني في البيت

سؤال من ahd Sh

تم النشر الجمعة، ٥ أبريل ٢٠٢٤

2 إجابة

اذا كنتم قادرين على ادارة حياتكم بعد العودة دون الالتفات الى امى وامه ...فسيكون رجوعكم يسيرا رجوعكم فى يد زوجك وليس فى يدك ...يأتى ويطلب منك ان تعودى للمنزل ...ويمكنكم قبلها الذهاب الى دار الافتاء والاتيان بالفتوى مختومه بتوضيح انكم الان فى حكم الازواج وليس المطلقين او يمكنكم الاستعانه بخدمة دار الافتاء لحل النزاعات الاسرية ..يأتى معكم مندوب من الازهر ليتوسط فى الامر اذا كان زوجك يملك المسئولية الكافييه لاستكمال الحياه بشكل افضل فسوف يتجاوز اى اراء ويعيدك للمنزل دون مشاكل او تشتت باراء اخرى ..اذا لا فيكون هذا بمثابة موافقه منه على رأيهم بشكل ما اسأل الله ان يصلح بينكم ويرزقكم السكينة

تم النشر السبت، ٦ أبريل ٢٠٢٤


أنت محتاجة تتكلمي مع زوجك بصراحة وتفهميه أن طالما أنتم الاثنين عايزين تكملوا مع بعض كل واحد المفروض يقف قدام أهله من أجل ابنتكم وكل واحد يشوف حد من قرايبه ممكن يتكلم مع والدته ويقنعها .. مش ممكن الزواج ينهار علشان والدته ووالدتك عايزين يفركشوا الجوازة! الزواج مش بينتهي بالطريقة دة!

تم النشر الجمعة، ٥ أبريل ٢٠٢٤

18 تعليق

لو كل طلقة من الطلقات لم تقع فأنت مازلت زوجة له وليس لأهلك سلطة على مسألة رجوعك إليه

تم النشر الجمعة، ٥ أبريل ٢٠٢٤


أنا تعبت من الموضوع ده ونفسي يتحل بالذات أن أمي عايزة تبيع العفش ومتجوزنيش تاني

تم النشر الجمعة، ٥ أبريل ٢٠٢٤


أنا مش عارفة أن كان هيضحي ويقف في وسط أهله ولا لاء

تم النشر الجمعة، ٥ أبريل ٢٠٢٤


أنا خايفة من تكبير دماغه وتسليمه للواقع ومش عارفة اعمل ايه

تم النشر الجمعة، ٥ أبريل ٢٠٢٤


عن المحضر والقايمة الأصلية معاهم واهلي مش موفقين علي الرجوع

تم النشر الجمعة، ٥ أبريل ٢٠٢٤


بالإضافة اني رافعة عليه قايمة وخائفة أتنازل حقي يضيع في القائمة ومش عارفة أواجه أهلي وهو عايزني اتنازل

تم النشر الجمعة، ٥ أبريل ٢٠٢٤


والموضوع برده أن الشقة ورقها في أيدها وهو مش عايز يخسرها

تم النشر الجمعة، ٥ أبريل ٢٠٢٤


خايف من أنه يواجهها وبقولها اني ارجع لأنها متشددة

تم النشر الجمعة، ٥ أبريل ٢٠٢٤


أه هو عارف أنه ميتحسبش بس أمه

تم النشر الجمعة، ٥ أبريل ٢٠٢٤


الموضوع إذن عنده هو .. بلغيه يسأل دار الإفتاء ويأخذ بكلامهم ولا يتركك معلقة

تم النشر الجمعة، ٥ أبريل ٢٠٢٤


قولتله كده بس هو خايف يواجه أمه لأنها متشددة وشايفة أنه حرام وهو مش عارف يتصرف ازاي وفي ما بينا بنت

تم النشر الجمعة، ٥ أبريل ٢٠٢٤


مرة أخرى .. لو لم تقع أي طلقة فأنت مازلت زوجة ومكانك الطبيعي هو بيت زوجك وليس لأهله أو لأهلك أي شأن بالموضوع

تم النشر الجمعة، ٥ أبريل ٢٠٢٤


وأمه شايفة مننفعش نرجع لبعض رغم اني سألت وقالوا ميتحسبش

تم النشر الجمعة، ٥ أبريل ٢٠٢٤


الفكرة في أهله اكتر امه معاها ورق الشقة وكل حاجة وممكن يضغطوا عليه

تم النشر الجمعة، ٥ أبريل ٢٠٢٤


أنا تواصلت وقرأت الإفتاء قالوا طالما عصبيته بيتخليه مش متزن ميتحسبش الفكرة في أ هلي وأهله مش عارفة اتصرف معاهم ازاي

تم النشر الجمعة، ٥ أبريل ٢٠٢٤


اتصلي بدار الإفتاء على الخط الساخن 16370

تم النشر الجمعة، ٥ أبريل ٢٠٢٤


أه بس نتيجة العصبية الزايدة وهو إنسان عصبي بيكسر المراوح وبيتصرف تصرفات مش طبيعية في عصبيته

تم النشر الجمعة، ٥ أبريل ٢٠٢٤


ثلاث طلقات منفصلة - يعني كل منها في يوم مختلف؟

تم النشر الجمعة، ٥ أبريل ٢٠٢٤

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك