الطالب بيعرف يحس جدا بالمدرس لو علاقه المدرس بالطالب فيها موده الطالب هيقبل منك كل حاجه بما فيها التوبيخ..... لازم تدرب نفسك عالثبات الانفعالي ... ولازم يكون في مكافآت مناسبة لسنهم حتى لو باى حاجه بسيطه اداره الفصل ممكن تكون بنظرة عينك لما تحدد شخصيتك وحدودك للطلبه من اول يوم تعامل ماتسكتش على الغلط بس باسلوب ادنى وبخ وكافيء وخليك شديد بس دايما تقول ف نفسك ده ابنى لان والده سابه امانه ف ايدي لحد ما يروح هتلاقي قلبك رقلهم وهما ليعرفوا يلقطوا المحبة كويس اوى. بالنسبة للشرح لازم تكون متحمس جدا حتى لو عندك مشاكل الدنيا افصل خالص بمجرد ما تبدأ هما بينعكس عليهم طاقتك جداً وحماسك. اخر حاجه استمر علي مبادءك الإنسانية معاهم حتى لو كل المهنه مفهاش الكلام ده هتحصد محبتهم ونشوف تاثيرك عليهم بعد وقت طويل وده هيشجعك تفضل اب وانسان لانك مبقتش خريج جديد بقيت اب لكل طالب منهم
شكرا جدا ❤️
تم النشر الخميس، ١٢ يناير ٢٠٢٣
لعرض الإجابة في فدني اضغط هنا