انا ٣٤ سنة متزوج وعندي طفلة وزوجتي محترمه ومش مقصره في حق البيت او البنت بس معايا انا كان فيه شوية حجات نفسي احسها منها زي انوثه او حب واتكلمت معاها كتييير وحاولت معاها كتير
لحد ف يوم عرفت واحدة مطلقة وعندها بنتين وارتبطنا ببعض بس اتوجعت منها في اول العلاقه عرفت انها كانت بتكلم واحد تاني وحلفت انها متكلموش تاني وبعدها بقينا كويسين وانا طول ال٣ سنين الي ارتبط بيها فيهم خدت قرار اني اسيبها عشان حاسس بالذنب نحيت زوجتي بس مكنتش قادر عشان اتلقت بيها وحبيتها بجد
والفتره الاخيره حسيتها متغيره معايا انا الي بديها اهتمام بزيادة وحب ومبلاقيش منها غير تجاهل او ترد كل فين وفين حسيتها امتلكتني وبقيت محبوس عندها واحساس انها ممكن تكون عرفت واحد تاني ده مموتني رغم اني مقصرتش والله معاها بس سواء كده او حتى محبتنيش من الاول انا مش مرتاح في العلاقه ومش مرتاح في بعدها وصليت ودعيت ربنا ينزع حبها من قلبي انا حبيتها بجنون بجد وهي ملقتش منها غير كل تجاهل وترد عليا بمزاجها او حتى اشحت منها الكلمه
نفسي أخرجها من دماغي وارتااااح واعيش حياة مستقره واعيش لزوجتي وبنتي عشان نفسيتي متدمره ومش عارف انام ولا اكل ولا اركز في شغلي
اعمل ايه ساعدوني بالله عليكم
اولا انا بحييك على صراحتك مع نفسك اولا قبل اي حد. ثانيا طبيعي ان الانسان ممكن تجيله فترة تمرد على حياته بس ده بيكون تمرد مش مبني على اساس. احساسك ناحية المرأه الآخر ده مش حب و لكنه تعويض عن حاجه نقصاك و الحل الوحيد في المواجهه. الست اللي انت تعرفها مش بتبادلك نفس الشعور ممكن تكون هي كمان بتهرب من شى في حياتها لكن انت مجرد بديل مؤقت هي مش حتبقى عليك و مجرد لو انشغلت عنها شويه حتلاقي بديل ليك. مراتك مش ملاك مفيش إنسان كامل و اكيد انت كمان عندك أخطاء و ممكن تكون مراتك مفتقده برضو حاجه فيك. حاول تتواصل معاها و تواجهها و عبر لها عن كل اللي جواك قرب منها و احتويها خصوصا ان فيه بنت بينكم و من حقها عليكم تعيش في حياه سويه و سليمه بين اب و ام بيحبوا بعض و بينهم تفاهم. عيلتك امانه في رقبتك و دايما مفتاح الست في ايد جوزها. حاول تتخلص من تعلقك المرضي بالست التانيه و اتأكد ان ده مش حب خد وقتك انك تنساها و اقفل اي قنوات اتصال بينكم و حط قدامك بنتك البي لازم تحافظ عليها و انك متتمناش يتعمل فيها نفس لللي عملته مع مراتك و متنساش انه كما تدين تدان حافظ على النعمه اللي ربنا اديهالك ادي نفسك فرصه تهدى و تفكر كويس
تم النشر السبت، ٢٦ أبريل ٢٠٢٥
أول حاجه هقولها لحضرتك انه الارتباط من غير جواز بعيدا عن الشرع حرام وأكيد حضرتك عارف كدا شوف انت حط في مخك انه انا هسيبها علشان ربنا ثم علشان نفسي ثم علشان مراتي وبنتي الجنه والدنيااهم من واحده معلش بتكلم شباب حتى لو مش بتكلم حد غيرك لانه انت في النهايه راجل مش حلال ليها لا جوزها ولا من محارمها المشكله اللي بينك وبين مراتك كان لازم تحلها معلش افضل كلمها كتير فهمها انت عاوز اى قولها واشرحلها كتير بدون انتقاد وباسلوب حلو علشان تستقبل النصيحه والكلام وشوف اجابيات مراتك زي انها محترمه مش بتكلم رجاله مثلا مهتمه بيك وببنتك عارف سعات الست بتكون طالعه من بيت اهلها فاكره الجواز انه تحضر الاكل وتهتم بالاولاد بس مش واخده بالها من ناحية الاهتمام بنفسها وكدا تمام واحترم انه انت في علاقة زوجيه هل ترضى انه مراتك تكلم راجل بالله ترضى اذا كان الغريبه مخنوق انه جييلك احساس انها بتكلم راجل طيب دلوقتي لو مراتك عرفت هتحس باى؟ شكلك قدام بنتك لو حصل طلاق بعد الشر شكل ابوها انه مامتها اتطلقت بسبب خيانه شكلك هيبقى اى فكر في ده كله لانه هيخليك تاخد خطوه انت متعلق بيها مش حاببها انت جاييلك احساس انه لو سبتها هتخسر حب هتخسر اهتمام طبيعي المخ يوهمك بكدا لانه دي حاجه متعلق بيها زي كدا اللبس القديم مش بنرضى نرميه سعات على الرغم من انه ملهوش لازمه لانه تعلقنا بيه مش اكتر ممكن ليه ذكريات حلوه شوبه بس واخد مكان في الدولاب فلازم نرميه فاهم ربنا سترك كتير ومتفضحتش فخلاص توب واستغفر توب توبه قول انك مش هترجعلها ابدا لانه دي ست مش محترمه ابعد عنها نهائي لانه اللي كلمتك عادي تكلم غير ربنا يصلح حالها وحالك استر على نفسك وعليها وانهي كل حاجه بينك وبينها بدون راجعه هي خلاص معلش في الكلمه لقيتك بتشحت اهتمام وحب منها فقالت خلاص هو اتعلق فبتتقل عليك او ايا يكن او ممكن تكون بتتوب منك او اي حاجه متفكرش في السبب وسيبها نهائي مهما حصل حتى لو هي بقيت عاوزاك متهتمش سيبها علشان لو كملت هتخسر كتير الجنه ونفسك وكبرياءك وكرامتك وزوجتك وبنتك ومش بعيد لو اتفضحت اهلها يإذوك وحجات من دي صلي وادعي كتير وطور سخصيتك خليها اقوى اسمع فيديوهات من على اليوتيوب لشيوخ ودكاتره زي الشيخ حازم شومان وسمير مصطفي وعثمان الخميس اتمنى انك تكون استفدت ربنا يصح حالك ويتوب عليك ويعطيك اللي فيه الخير ويخرج حبها من قلبك
تم النشر السبت، ٢٦ أبريل ٢٠٢٥
انت بدأت في علاقه غلط لا ترضي الله مستني ربنا يراضيك ازاى وانت دخلت في علاقه حرام وخنت زوجتك انا متفهمه جدا انك كان نفسك منها بحاجات معينه ملقتهاش ولكن هى ممكن طبعها كدا وانت من اول ما اتجوزتها وانت اكيد فهمت حاجه زى كدا وكل الناس فيها عيوب واكيد انت كمان عندك عيوب اقبلها زى ما هى تقبلتك كان المفروض تتقبل العيب يمكن يبقي دا بس قصدي انها كويسه في حاجات تانيه كتير فأنت غلط وروحت دورت برا على يسمعك كلام بس انت خسرت كتير ازي قصاد دا خسرت نفسك وخسرت مشاعرك وخسرت مراتك وخسرت بنتك انت متزعلش منى انانى حاول بجد صلح كل حاجه البنت اللى انت حبتها دى تطلعها من حياتك وتنساها خالص وتقرب لربنا اكتر وصلى وادعى كتتير انه يجعلك مخرج بجد وقرب من مراتك وبنوتك بجد يعنى انت عندك رزق جميل حافظ عليه ومتخسرهوش ربنا يصلح حالك ويهديك
تم النشر السبت، ٢٦ أبريل ٢٠٢٥
السلام عليكم ممكن نغير نظرتنا للحب اولا ...انت مش ناقص حب انت ناقصك شكل معين من التعبير عن الحب ...ناقصك تفاصيل انثويه بشكل محدد اللى انت اخدته من الست دى هو الشكل الناقص فقط زى الطفل اللى بيبقى نفسه فى لعبه وحتى لو جبنهاله وهى مصنوعه من خامه رديئة هيلعب بيها عادى اعادة الموازين الصح هياخد مجهود ولازم تكون مستعد للمجهود ده اولا
تم النشر الجمعة، ٢٥ أبريل ٢٠٢٥
أخي العزيز، أفهم تمامًا مدى صعوبة موقفك الحالي وما تعانيه من مشاعر متضاربة. من الواضح أنك تمر بتجربة عاطفية معقدة تؤثر سلبًا على حياتك اليومية وعلاقاتك مع أسرتك. أولاً، أريد أن أؤكد على أهمية الإخلاص والاحترام في العلاقة الزوجية. إن مشاعر الذنب التي تشعر بها تجاه زوجتك تدل على أنك تملك ضميرًا حيًا واهتمامًا بمستقبل عائلتك. إذا كانت زوجتك قد بذلت جهدًا لرعايتك ورعاية منزلها وطفلتك، فمن الضروري أن تعيد التفكير في أولوياتك. من المهم أن تتوقف عن التفكير في العلاقة الحالية التي تفتقر إلى الاستقرار والتوازن. قد يكون من المفيد التركيز على إعادة بناء العلاقة مع زوجتك، وفتح قنوات التواصل بينها وبينك، والعمل معًا على تعزيز الحب والاحترام المتبادل. يمكنك التفكير في العودة إلى الأنشطة المشتركة التي تجمعكما، والبحث عن أساليب تعزز من التفاهم بينكما. إذا كنت تشعر بأن الحاجة إلى الانفصال عن العلاقة الأخرى ضروري لراحتك النفسية، فإن اتخاذ هذا القرار يمكن أن يساعد على تخفيف الضغوطات والمشاعر السلبية التي تعاني منها. حاول أن تتحدث مع الشخص الآخر بوضوح عن مشاعرك وأنك بحاجة لإنهاء هذه العلاقة لتحقيق السلام الداخلي. قد ترغب أيضًا في استشارة مختص نفسي أو مدرب حياة لمساعدتك في التعامل مع هذه المشاعر وتوجيهك نحو خطوات ملموسة لتحقيق التوازن والراحة النفسية. أخيراً، تذكر أن الدعاء واللجوء إلى الله هو أفضل سلاح، فكن متفائلاً وتوكل على الله، واختر الطريق الذي يجلب لك السعادة واستقرار حياتك الأسرية. أسأل الله أن يوفقك في اتخاذ القرارات الصحيحة وأن يمنحك الراحة والسكينة.
تم النشر الجمعة، ٢٥ أبريل ٢٠٢٥
طبعا انت بإيدك تستفيد بالموضوع ده وتكون اقوى أو تستسلم ... الموضوع بدأ في مشكلة داخلك وجفاف عاطفي منك عشان كده كنت مش راضي عن حياتك مع زوجتك وعايز اقول لك ان تعلقك بالمطلقة مش حب ولا اي حاجة ده جفاف منك وكمان هي بتعرف تمثل فأنت وقعت في المصيدة .... وانت بسبب جفاف العاطفي اللي ممكن يكون بسبب إهمال أو قسوة في الطفولة ظلمت زوجتك ورحت للشهوة .... ودلوقتي عليك تعترف بالخطأ وعليك تترك المطلقة نهائيا وده اللي هيألمك جدا لأن بدل ما كان عندك جفاف من الطفولة بقا جفافين من الطفولة ومن المطلقة. ..١-اترك الناس ومتطلبش منهم يعوضوك عاطفيا لا أهلك ولا زوجتك ولا أي حد ٢-اصبر وعالج نفسك بنفسك عن طريق تعويض الجفاف بأعمال الخير زي الصدقة اللي بتديك ثقة بنفسك وسعادة صحية ويشمل الرياضة والصلاة والصوم وغيرها ٣-اصبر على الألم وموجات الغضب اللي هتجيلك وحاول تكرم بيتك بالهدايا الفترة الجاية عشان متحصلش مشاكل ٤-ثق في الله وخلي عندك أمل انك في يوم من الأيام هتكون مرتاح مع اسرتك ..... هي فترة من علاج الجفاف العاطفي وهتكون غني عن المطلقة وسعيد مع أسرتك
تم النشر الأحد، ٢٧ أبريل ٢٠٢٥
ممكن نتابع مع بعض واتس وإن شاء الله خير 01060453317
تم النشر السبت، ٢٦ أبريل ٢٠٢٥
طيب ممكن تساعدني اعمل ايه لاني حاسس بجد كل يوم نفسيتي بتسوء عن الي قبله
تم النشر السبت، ٢٦ أبريل ٢٠٢٥
دا تعلق مرضي وحضرتك محتاج جلسات دعم وارشاد
تم النشر السبت، ٢٦ أبريل ٢٠٢٥
لعرض السؤال في فدني اضغط هنا