أنا حاسس بيك والله، ومش لوحدك، كتير مننا اتعرض لصدَمات خلتنا نحس إننا تايهين ومش عارفين نكمل. بس خليني أقولك حاجة من القلب كده: اللي حصل زمان خلاص حصل، ومهما فضلت تلوم نفسك مش هتغير حاجة، بالعكس ده بيشدك لورا أكتر. اللي انت محتاج تعمله دلوقتي هو إنك تطبطب على نفسك الأول، تسامحها وتقول لها "أنا مش غلطان في كل حاجة"، وتحاول تبدأ من أول وجديد حتى لو خطوة صغيرة كل يوم. مفيش مانع تتعب، مفيش مانع تقع، بس أوعى تفضل واقع. لو مش قادر تواجه لوحدك، حاول تتكلم مع حد بيريّحك، أو حتى اكتب اللي جواك، بس طلع الوجع ده من جواك. صدقني، كل اللي انت حاسس بيه مؤقت، بس انت محتاج تصبر وتثبت لنفسك إنك تستاهل تعيش حياة أحسن. وافتكر دايمًا إنك مش تايه... انت بس محتاج تهدى شوية وتبدأ تمشي على مهلك وحافظ علي صلاتك الفروض ده كده كده .. زائد قيام الليل ، والله هيفرق معاك بإذن الله ❤️
لعرض الإجابة في فدني اضغط هنا