كتير مننا ممكن يجي عليه وقت ويشعر بالكسل أو ممكن يأجل task .بس الاحساس ده مش بيكون وليد اللحظه بالعكس ده بيجي بالتدريج نتيجه عوامل كتير اتركمت وسببت في الاخر الشعور ده ممكن فقدان الشغف أن الطالب مثلا في روتين معين فبدأ يفقد الحماس لان مفيش جديد بالنسبه ليه . أو مفيش تنظيم لليوم بمعني مفيش جدول وتنظيم للوقت و task المطلوبه. وممكن كمان المذاكره اللي مطلوبه منه كتير فمش عارف ينظم ويجزء الشغل ده فبيحس أن الحاجه كبيره فممكن يكسل يشتغل عليه ويأجلها . وفي سبب مهم جدا وهو أن مفيش تحفيز ودعم للطالب ..الدعم النفسي مهم جدا لانه هيساعده يكمل اللي بيعمله بحماس .وممكن كمان المحيط اللي عايش فيه الطالب هو اللي مأثر عليه ومخليه واقف مكانه. ..أسباب كتير حوالينا ممكن تساعد في حاله الشعور بالكسل اهم حاجه لازم نحدد السبب ونشتغل عليه في اقرب وقت ونفهم احنا جوانا ايه علشان نقدر نحدد اللي المفروض نعمله علشان الحاله دي ممكن تأثر مش على المذاكره بس لاء ممكن على باقي جوانب حياته🌷
لعرض الإجابة في فدني اضغط هنا