مشاكل بالأسرة أبي بعيد عنا من 3 سنين نفس المدينة لكن مش نفس البيت مبيصرفش علينا كويس يعني دايما ناقصنا حاجة بيدينا مصروف اسبوعي قليل
عايشة انا وماما وأختين في شقة بسيطة جدا بس فيها حشرات ومفيش أمان اوي يعني المهم اني انا الوصل اللي بين ماما وبابا لان ماما مبتحبش تكلم بابا على الواتس لانه بارد في الرد
المشكلة اني مليش دعوة ومش عاوزة اتدخل حتى بابا معندوش مانع يكلم ماما على الواتساب فقط مش مكالمات وكده لكن في مقابل اني ما اتدخلش لكن ماما مصره اني اروح اقوله الطلبات اللي محتاجينها وهو مبيجبش الحاجة على طول ممكن يقعد يقول حاضر او مش معايا فلوس ويقعد بالايام او الأسبوع ع ما يجب
فهو بيكشر في وشي لانه بيزهق من الزن لان ماما بتفضل تقولي اني ازن وانا مليش ذنب انها تزن عليا ولا انه يكشر في وشي ولو هو مجبش الحاجة تفضل تزعقلي وتشتكي وتتضايق مني لو انا كمان كشرت قلتلها انها بتضغطني واني مليش دعوة هي لو عاوزة حاجة تبعتهاله لكنها رافضة
المهم اني ف الدوامة دي من سنين دايما هي بتشتكي وبقيت عصبية جدا واكتر من مرة تكون عاوزاني اروح اعيش معاه لدرجة ان ف مرة اتعصبت جدا جدا وحلفت اني امشي من البيت وخلتني اتصل ع بابا عشان يجي يخدني وانا كنت منهارة وفعلا هو جه واخدني بس رجعني لها الساعة واحدة بليل لأني اصلا قابلته الساعة 12
هو قالي حابة تعيشي معايا ولا مع ماما قلتله ماما واخواتي والسبب اني مش بحب تيته وجدو اللي هو عايش معاهم ولاني خفت على اخواتي لأنهم حساسين وانا بالنسبة لهم لو مشيت هما اللي هيشيلو الهم بتاعي
مشكلة كمان عمتو ابنها هيتجوز قريبا ف بابا خلاني انزل مع عماتو نشوف فستان بس انا عارفة ان ماما هتتضايق انها مش هي اللي هتنزل معانا لكني معرفتش ارد وسكت ماما عرفت وتعصبت جدا جدا لاني مرديتش وقلتلهم ان ماما اللي هتنزل ولما رحت لبابا تاني اللي هو بالمناسبة بنروح له كل جمعة وتيته وجدو وعماتو هناك ف قلتله ان لو ينفع اني منزلش مع عماتو لاني بتكسف منهم وانه او ماما اللي تنزلوا عشان الفستان (مجرد حجه عشان ماما تنزل لانه مش هينزل معانا لانه مشغول ومكسل وانا عارفة دا) ببس هو ببساطة قالي لا متتكسفيش ماما فضلت متعصبة ولما رحنا اختارنا فستان ايجار مش حلو اوي بس دا اللي موجود وعن نفسي انا متقبلة الفستان
والمشكلة هنا مشكلتان اولا ماما متعصبة ومش عاجبها ثانيا بابا مش عاوز يجيب جزمة حلوة للفستان لانه مقتنع ان الشوز اللي عندنا حلو على الفستان في الفرح ازاي انا معرفش واصلا الفستان طلع لبني والشوز بتاعي ابيض وفيه خط برجندي واساسا محدش بيروح فرح بشوز وانا مبحبش شكلي يكون مش حلو ف نفسي يوافق او الفرح يتلغي او ما ارحش الفرح والضغط دا كله خصوصا الفرح مضايقني جدا جدا لكني مش بشتكي او اتكلم الالو ماما فتحت الموضوع
تالت مشكلة خناقة ماما وبابا من ساعة لما كنت في اجازة سنة ستة ابتدائي وداخله اولى اعدادي لحد النهاردة خلاص هدخل اولى ثانوي في الفترة دي بقيت مدمنة اغاني وعادة **** وبحب العزلة جدا جدا ومبحبش اتعامل مع اسرتي خالص حتى اخواتي دايما بيتخانقو مع بعض وبيعملوا ازعاج وانا على الوضع دا منذ بداية المشكلة يعني حوالي 3 سنوات
انا عمري ما اشتكيت الا لما ما الموضوع بيتفتح وحتى احيانا لو اتفتح بفضل ساكتة انا مش عاوزة حاجة غير اني اعيش بسلام مش مهتمه حتى لو الاكل قليل او الماديات مش احسن حاجة انا بتجنب المشكلة زي الماديات والاختلاط والتعامل مع المشاعر المشكلة الوحيدة اللي مش عارفة اتجنبها هي ماما واهل بابا وبخله في بعض الجوانب او يمكن ماما بس انا متفهمة انها كمان تعبانة بس دا مش ذنبي
مبقيتش عارفة احاول انتظم في الصلاة زي الاول كنت بحاول واستمر اسبوعين مثلا حاليا مبكملش يومين حرفيا انا مش مقربة من اي حد لا ماما ولا بابا ولا اخواتي ولا صديق حتى ربنا غاضب عليا اكيد لاني عندي علامات تدل على ذلك مثل عدم البركة و عدم القدرة ع الدعاء وغيره
أنا فاهمة تمامًا الضغط اللي بتعيشيه، وإنك محاصرة بين ماما وبابا من سنين، وده خلّاكِ تشعري بالعزلة والتوتر والإحساس إنك مش قادرة تعيشي بسلام. مش ذنبك إنك بقتي الوسيطة، ومش ذنبك كمان إنك بقيتِ عصبية أو بتحبي العزلة، لأن الوضع ده ثقيل جدًا على أي حد في سنك. أول حاجة مهمة: حاولي تحطي حدود واضحة مع ماما بطريقة هادية. قوليلها إنك بتحبيها وبتفهمي تعبها، لكن الزن المستمر عليكِ بيأثر على نفسيتك ودراستك، وإنك مش قادرة تكوني اللي بتطلبي كل حاجة. اقترحي عليها إنها تكتب الطلبات في رسالة وتبعتها لبابا بنفسها، أو تطلب من حد تاني من الأهل يتكلم لو ممكن. الهدف إنك تقللي الضغط عليكِ بدون ما تظهري إنك بتتخلي عنها. بالنسبة لبابا، لما تروحي له يوم الجمعة، حاولي تتكلمي معاه بهدوء عن احتياجاتكم الأساسية بدون ما تكوني "بتزني". قولي له إنكِ بتتمني يساعدكم بشكل منتظم عشان تقدروا تعيشوا براحة أكتر، ولو رفض أو تأخر، حاولي ما تحمليش نفسك اللوم. أنتِ مش مسؤولة عن قراراته. بالنسبة للفرح والفستان والجزمة، أنا شايفة إنكِ فعلاً متضايقة من الضغط ده. لو الفستان مش مريحكِ أو الجزمة مش مناسبة، قولي لبابا براحة إنكِ بتحبي تكوني مرتاحة في الفرح، ولو رفض، حاولي تقبلي الوضع مؤقتًا وتركزي على إنكِ هتكوني جميلة بابتسامتكِ وأخلاقكِ. ولو الموضوع بيضغطكِ أوي، حاولي تتجنبي المناقشات اللي بتفتح الموضوع مع ماما لو مش ضروري. أما بالنسبة للصلاة والقرب من ربنا، أنا فاهمة إنكِ بتحسي بالبعد، وده طبيعي لما النفس تكون متعبة. حاولي ترجعي بخطوات صغيرة جدًا، زي إنكِ تصلي ركعتين في اليوم حتى لو مش كامل الفرائض، وتدعي ربنا يريح قلبكِ ويصلح حال أهلكِ. الدعاء بيفتح أبواب حتى لو مش حاسة بالاستجابة فورًا. أنتِ مش لوحدكِ في الدوامة دي، وكتير بنات مرّوا بظروف مشابهة وقدروا يحموا نفسهم نفسيًا بالتركيز على دراستهم وتطوير مهاراتهم. لو لقيتِ أسئلة مشابهة على فدني، ممكن تلاقي فيها تجارب مفيدة. خدي بالك من نفسكِ، ولو حسيتِ إن الضغط زاد، حاولي تكتبي مشاعركِ في مذكرة عشان تخففي عن نفسكِ. ربنا يهدي بالكِ ويصلح حالكِ وحال أهلكِ.
تم النشر الاثنين، ٢٧ يوليو ٢٠٢٦
لعرض السؤال في فدني اضغط هنا