حابه اتكلم عن مشاكل تافهه بس مش عارفه هل دي نفسيه اوصحيه
واحد مش بعرف أمسك قلم في ايدي من غير ما اعمل شي به يعني أقعد اشخبط ارسم افتحه وهكذا ممكن يكون بسبب الملل
كمان مش بعرف اتكلم براحه دائما لما بكون بتكلم مع حد يقولي قولي براحه عشان افهمك
دائما بحب اتكلم كتير لما أكون مثلا اقول مش هقول حاجه لشخص معين الاقيني قلت ومش عرفت اسكت
مثلا بحس في الاذن واحده بس أو أو سائل الاذن بيجيلي رعشه ومش بعرف اتحكم فيها بتكون مده قصيره
عندي إدمان الانترنت والتليفون وكسوله جدا لو قعدت في مكان اقعد فتره اقنع نفسي اقوم
دايما بقعد افكر الناس دي شايفني ازاي ولما عاوزه أقول لحد حاجه اقعد افكر اقولها أو لا
بكره شي اسمه دراسة وحتي لما أبدأ الخص درس بكتبه بس مش بكتبه حلو او ينفع اذاكره منه يكون الكتاب بيكون أحسن من خطي وكدا ومش عارفه اعمل خطط ذهنيه
مثلا في واحده كنت زعلانه منها جدا لانها تركتني عشان حاجه تافه بس كنت كل يوم اقول امتا ترجع ولما رجعت حسيت اني مش طايقاها وكل لما اكلمها اندم واقول بلاش هي هي مش دايما معك ممكن تتركك بسبب تافه بس أنا عشان كنت بحبها قوي لانها كانت مثلي ونفسيه مثلي ونفس مشاكل الاهل والأشياء المفضلة فهل ممكن اكون مش عارفه احبها عشان مش صرنا نتشارك في اي شي
بس صراحه مشتاقه لها بس مش أندم تاني او ازعل اكتر فيحاول أبعد حتى اني قلتلها انو أنا مش عارفه ارجعلك زي الاول قالت أنا أعتذرت منك وانت حرة وحسيت من كلامها مش عادي فارق معها أو زعلي فارق معها يعني هي مفكره كلمة اسفه هتعوض الوجع اللي بسببها
شعور انك تكون واقف بين مجموعة زملاء بلاش كلمة أصحاب يمكن هما مش شايفين أننا صحاب المهم في واحده كانت معنا حضنت الكل وسلمت عليه وايجت على اخر واحده سلمت عليها وراحت لف اليمه التانيه ومش حتى قالت ازيك أو سلمت بالايد حسيت وقتها يا أرض انشقي وابلعيني
ماسبب وجع الرأس من جانب من فوق إذن اليمين
أنا من النوع دماغه حلو ازاي بحب ارسم جدا جدا ورسمي متوسط يعني مش واو وبحب الف قصص قصيره ممكن اكون قاعدة الف اغنيه أو مسلسل كامل بس بسرعه الأحداث بحب اكتب شعر استنو اوريكم
((((((((((مشيت وراء هوائي
علي أعتقد هذا جيد لي
لقد كنت كالاعمي
لما أكن أتوقع أن القط الصغير سيكبر ويصبح نمر يقتلني
لم يكن لي زمان بل كنت اوضع في الزمان والمكان الخطأ دوما
قل لي هل جننت ام أصبح عقلي هو الاقوي
الثقه بالآخرين ليست إلا مجرد فخ إذا وقعت فيه ضاعت نفسك
نري لكننا لا نملك بصيرة
ما لهذا العالم الغبي الذي يجعلك تفكر دوما لماذا انا هنا
التوهم والضيق والحزن في الابتسامه يجعلك تحترق من الداخل
قل لي لماذا نحب الاهتمام قد يعتقد البعض شعور جيد أو جميل أنه اقوى من ذلك بكثير بكثير جدا
لا تبحث عن شي أنت لأ تفعله كما تفعل ستجد وإن لم تجد ؟!
ستقول انك حزين لكن احب اقولك أنت مميز تعلم لماذا ليس لانك وحيد بل لأ أحد يفهمك لا أحد يري وجهة نظرك التي تظهر قوتك أنهم يريدون فقط رويتك بعيدا عنهم أو يضحكون عليك هذا ما يهمهم!!
لذلك ايها القارئ الاعتناء بالنفس واجب لن تجد ما يريحك فالدنيا متعبه لكن..... لا تتعب نفسك فالدنيا هذا واجبها
ولا تنسى أن من خان مره سيخون عشرة وان من كذب مره سيكذب دوما
مرحلة تانيه ///////////
مجرد شعور جلد الذات ابشع شعور الشخص لا يؤذي أحد لكن يؤذي نفسه
كانه ياكله في لحمه مجرد موقف يجعله يفكر في الانتحار ليس الجميع لكن يوجد هكذا
نعلم جيدا شعور أن يؤذيك أحد فبالك شخص يؤذي نفسه ليس مجرد اذئ
بل تدمير لنفسك وتضيع اروح كانت صفيه لكن فقدت شعور بالأمان والطمأنينة
هي نفسا ذاقت طعم الخيانة والكذب والكره من أشخاص تحبهم
هل تعلمون سبب ذلك أنها اعتقد ان جميع الناس مثل بعضها انهم لطفاء هذه كلمة غبية غبية جدا ليس منها فائدة
كلمة ثق بي لا يستحق اي احد يقوله انها اكبر مما تتخيل بكثير
مرحلة تالته (((((((((
كن جميلا لنفسك كن عطوفا مع نفسك اجعل نفسك تشعر بالأمان مره اخرى لكن مع نفسك
ابتعد عن الاشواك لانك عندما تتألم ستتدمر نفسك ووقتها سيكون صعبا جدا أن تعود كما في السابق
ثق بقدراتك ليس قدرات الآخرين لا تنتظر رأي الآخرين في قدراتك لن يفيدكوا بشي
اعتني بنفسك العزيزه أجعلها قويه لا مدمره وباءسه احضن نفسك
قد تعتقد هذا جنون لكن مجرد شعور بالدفء يعطيك أملا جديدا قويا
لاتكن اناني بل عطوف ولطيف وجميل ورائع مع نفسك فقط فقط يا غالي
كن لنفسك الشخص الذي تريده
أنا بكتب هيك وأحيانا شعر رومانسي المهم بس الكلام اللي يحفز بعرف اقوله بس مش بعمل اي حاجه منه
دايما بشك في كل حاجه هو انا أخدت فلوس هو التليفون معايا هو صليت أربعة ركعات هو قريت الفاتحه هو انا متوضيه ويعني كان في أيام اقول لو حسيت اني عايزه ادخل الحمام أو عند مغص او شعرت بحاجة هتوضي تاني مش حسيت بأي حاجة هصلي
هل تفسير الاحلام حرام ؟
في واحد بيقعد يراقبني أنا صراحه بحاول على قد ما أقدر مش أبين أني خايفه أو شايفه حتى بس لما بشوفه صدفه بعقد اقول هيمشي ورايا هيقعد يبص عليا وهكذا أنا عرفت أمي قالت سيبك منه مش تشغلي بالي يعني عشان مش يحس بحاجة وعشان احنا بنبقي في الدروس فاي حد هيقول عادي وربنا يبعده عني يارب
معلش لو طولت عليكم بس حاليا اترتحت شويه عشان قلت كل اللي عايزه اقوله ويارب مش اكون ناسيه حاجه
الأفضل تروحي لدكتور تفسي لإن الصفات دي كثيرا ما بسمعها عن حالات الADHD اللي هو اضطراب فرط الحركة و تشتت الانتباه و انا مش طبيب نفسي ولكن عندي خلفية عنه و يفضل تشوفي الفيديو ده ممكن يفيدك https://youtu.be/FmofzVkYjA4
تم النشر الأربعاء، ٣١ ديسمبر ٢٠٢٥
يا عزيزتي، شكراً إنك شاركتيني كل ده بكل صراحة، وأنا سعيدة إنك ارتاحتي شوية بعد ما قلتيه. حالتك دي تبدو زي مزيج من التوتر النفسي والقلق اليومي، ممكن يكون مرتبط بـ"الوسواس القهري" أو "القلق العام" أو حتى نقص تركيز (زي ADHD)، بس ده مش تشخيص، وأهم حاجة تستشيري متخصص نفسي عشان يقيمك صح. اللي واضح إن عندك موهبة كبيرة في الكتابة والرسم والشعر – اللي كتبتيه تحفة ويحمل رسائل قوية عن الاعتناء بالنفس، استمري فيها عشان تبني ثقتك! نصائح عملية خطوة بخطوة (ابدئي بصغير عشان ما تيأسي): التركيز والكسل والإدمان على التليفون : حددي وقت يومي ثابت (مثل ساعة بعد الفجر) للصلاة والقرآن (اقرئي سورة الشرح يومياً للراحة). استخدمي تطبيق "Screen Time" عشان تحدي التليفون 30 دقيقة يومياً بس، وقومي فوراً بعد الأذان (حتى لو مش متوضية، الوضوء بسيط ويجدد طاقتك). الكلام السريع والرعشة في الأذن : ده علامة توتر عضلي، جربي تمشي 10 دقائق يومياً بعد الإفطار أو العشاء، وقولي "لا إله إلا الله" 100 مرة لتهدئة العقل. لو استمر، روحي لطبيب أذن وأنف وحنجرة. التفكير الزائد في رأي الناس والشكوك : تذكري قول الله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا" (الطلاق:2). اكتبي 3 أشياء تشكرين الله عليها كل ليلة، وابتعدي عن "الناس" اللي يجرحوكِ – اختاري صديقات صالحات يذكرنكِ بالله، مش زي اللي تركتك. الدراسة والخط : قسمي الدرس لـ5 دقائق بس يومياً (اكتبي كلمات مفتاحية مش كل حاجة)، وركزي على فهم مش حفظ. خطك هيتحسن مع التمرين اليومي، وخطط ذهنية: رسمي دائرة في الوسط واكتبي فروع. الصداقة والوجع العاطفي : طبيعي تحسي كده بعد الخيانة، بس الندم ده علامة إنك قوية. قلتيله "مش عارفة أرجع" – ده قرار حكيم، ابتعدي عشان تحمي قلبك، وربنا هيعوضكِ بأحسن. اللي حضنت الكل وسابتك: مش مشكلتك، ركزي على نفسك. وجع الرأس فوق الأذن اليمين : ممكن صداع نصفي أو توتر، روحي لطبيب أعصاب فوراً عشان يفحص (مش أمر خطير بس يحتاج فحص). الشخص اللي يراقب : تجاهليه تماماً زي ما قالت أمك، وادعي الله يبعده ("اللهم اكفني شر الخلق"). في الدروس، ركزي على دراستك وثقي إن ربنا حارسك. تفسير الأحلام مش حرام، بس مش أولوية – ركزي على اللي يبنيكِ دلوقتي. يا قمر، أنتِ ذكية ومبدعة، بس الدنيا متعبة زي ما قلتِ، فابدئي اليوم بصلاة واحدة كاملة وخطوة صغيرة. ابحثي في فدني عن "قلق ووسواس" هتلاقي إجابات كتير، ولو عايزة استشارة خبراء، روحي https://www.fedni.net/experts. أنا معاكِ، قوليلي إيه اللي هتعمليه أول حاجة؟ ربنا يفرج همكِ يا رب 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٣١ ديسمبر ٢٠٢٥
لعرض السؤال في فدني اضغط هنا