هو انا عملت علاقة مش كاملة عموما بغض النظر ان خطيبي طلع ندل و هو الي اجبرني ع ده بس انا محتاجه افهم نظرة الراجل عموما حتي لو متأكد ان مافيش غيره الي عمل كده معاها
السلام عليكم، هتفرق معاكِ لو عرفتي نظرة الراجل ليكِ؟ المهم نظرتك أنتِ لنفسك وقلة علمك بالأمر.. الفكرة كلها إنك بدال ما تفهمي سيكولوجية الرجُل وطبيعة تفكير الرجُل وتكون فترة الخطوبة فترة مثمرة وتحاولي تفهمي طبيعة الشخص الـ يعني المفروض بعدها هتقرري هتكملي ولا لأ؟ وأنتِ بدال ما تعملي الحاجات دي قررتي تعيشي قصة حب وإثارة مشاعر لحد ما حصل حاجة قبل موعدها؟ خطيبك مش ندل ولا حاجة بالعكس دي نتيجة كلام ما بينكم أنتم الاتنين عشان كدا وصلتي للمرحلة دي، أي رجُل مش خطيبك بس ممكن يعمل كدا! طيب الحل؟ في حاجة إسمها خطوبة شرعية بتكون بضوابط شرعية أبحثي على اليوتيوب وهتلاقي شرح فترة الخطوبة عبارة عن فترة تعارف يعني مينفعش حد يعترف للتاني بأي مشاعر خالص حتى لو عندك مشاعر دي تتقال لما يكون زوجك! الإهتمام والحب والكلام الخادش برضو مينفعش فترة تعارف بتحاولي تفهمي هل دا الشخص الـ هكمل معاه باقي عمري! وهيكون وزج وأب! بس يا غالية الموضوع مش حب ومشاعر أصلًا مش وقتها، الموضوع محتاج منك دراسة وتفهمي الرجال بتفكر إزاي؟ تحاولي تعرفي حاجات كتير جدًا عن طبيعة الزواج أوعي تفتكري إنك عارفة بالفطرة كلها حاجات سطحية جدًا الواقع مختلف تمامًا! بالتوفيق 🤍
تم النشر الثلاثاء، ٢٨ يوليو ٢٠٢٦
أختي العزيزة، أقدر إنك بتمري بفترة صعبة وبتبحثي عن فهم أعمق للأمور، وده طبيعي. لكن خليني أكون صريحة معاكِ: في الإسلام، العلاقات خارج إطار الزواج غير مقبولة، سواء كانت كاملة أو غير كاملة، والضغط من الطرف الآخر لا يبررها. التركيز الأهم هنا هو التوبة الصادقة إلى الله، والعمل على بناء نفسكِ من جديد بعيداً عن الندم اللي بيأكل فيكِ. بالنسبة لنظرة الرجال عموماً، فهي تختلف من شخص لآخر، لكن الرجل الصالح يقدر المرأة اللي بتحافظ على نفسها وبتسعى للعفة، ولو حصل خطأ في الماضي فالتوبة الحقيقية بتغير كل شيء. ما تخليش فكرة "آراء الرجال" تسيطر عليكِ، لأن قيمتكِ الحقيقية عند الله مش عند الناس. ركزي على تطوير ذاتكِ، وتعلمي من التجربة عشان تبني مستقبل أقوى وأنقى. لو حابة تتكلمي أكتر عن كيفية التعامل مع الندم أو بناء الثقة بالنفس، أنا هنا أساعدكِ بخطوات عملية. وادعي الله ييسر أمركِ ويبعد عنكِ كل ما يؤذيكِ.
تم النشر الاثنين، ٢٧ يوليو ٢٠٢٦
بصي يا حبيبتي هوا غلط اللي انتي عملتيه ومش هقسى عليكي لأن كل انسان بيضعف و انتي امنتيه لانك وثقتي فيه هوا اللي مش قد الثقه و تفكيره مريض لو فكر فيكي وحش لانه اولا هوا خلاكي تعملي كدا فكره بس أنه بقولك كدا هوا مش بيحافظ عليكي ف ملوش حق بعد كدا انه يفكر فيكي وحش أو بطريقه وحشه لو فكر كدا يبق انسان غير سوي تفكيره مريض وانتي بعد كدا متخليش حد يلعب ب مشاعرك أو بالكلام عشان يوصل ل حاجه و حافظي علي نفسك
تم النشر الثلاثاء، ٢٨ يوليو ٢٠٢٦
انتي طبعا غلطانة المفروض تكوني حاطة لنفسك حدود واضحة ويكون دا ظاهر لي انو ممنوع يتخطي حدودة معاكي كدا هيفكر انك بنت سهلة وغيرو وبالتالي هيكون عادي لاكن لو وضعتي حاجز من الاول دا يكبرك في عينة اكتر وكمان هو مش برئ لانو جبرك ع حاجة زي كدا المفروض يكون عندك نظرة في الشخص لانو لو راجل مش هيفكر اصلا يجبرك ع حاجة او يعمل معاك ولو بالكلام اي حاجه رخيصة شوفي انتي حاسة باي الحاجة دي خلتك مدايقة او انو في حاجة غلط خلتك بعدين تفكري انو لا المفروض مكنتش عملت كدا متسمحيش بيها من الاول علشان تبقي بعد كدا راضية عن نفسك ولما تفكري تقولي لأ انا تمام معملتش حاجة غلط تدايقني
تم النشر الثلاثاء، ٢٨ يوليو ٢٠٢٦
بغض النظر هو ندل ولا لا مافيش حاجه اسمها أجبرني علي ده معلش يعني لو انا قاسيه شويه بس ماكنش ينفع الي انتي عملتيه لأن مافيش حد هايعمل حاجه غصب عنه دا مبدايا ثانيا انتي ازاي تسمحي لحد أنه يقرب منك حتي لو خطيبك عارفه مسكت الايد دي الشاب يفضل يفكر فيها ب الساعات ويقول دا خلتني امسك اديها خلاص الي حصل حصل خلينا في سوالك هو لو عارف انك اول مره تعملي كده وهو علي يقين ب ده شيطانه هيفضل يقوله لا دي عملت مع غيرك وغيرك كتير وطالما عملت كده علشان انا ضغطت عليها لو حد ضغط عليها كمان شويه هيعمل الي هو عاوزه ومش بعيد أنه يسوء سمعتك سبتها ليه يعم لا دي فيها وفيها وفيها يابنتي خلي بالك من نفسك البنت مننا مالهاش غير سمعتها وشرفها
تم النشر الثلاثاء، ٢٨ يوليو ٢٠٢٦
لعرض السؤال في فدني اضغط هنا