انا بنهار بسبب الكليه مش عارفه اكمل ومش عارفه اسيبها علشان بقيت خلاص ف تالته بس كل حاجه فيها بتستنزف طاقتي وحريتي الدكاتره بيستعبدونا حرفيا ولا حمل مصاريف ولا نفسيتي بقت تسمح ولا حتي جمسي عندي التهاب مفاصل وانا كليه عمليه وبقالي 14ساعه بعيط علي حظي ف كل حاجه
أحياناً الإنسان يفقد الشغف أو يقل مع الوقت لما يكون بيعمل حاجة بيحبها، وده بيكون لأسباب كتير من ضمنها إنه مبقاش لاقي حافز يخليه يكمل ويتحمل الضغط والمجهود، وإنه فنفس الوقت مش عارف يفرغ كمية الضغوط الموجودة. فالحل إن حضرتك تحاولي تبصي على الجزء الإيجابي في مشوارك التعليمي وإنه فات الكثير، وتبصي على إنجازاتك خلال الفترة دي والنجاح بعد ما تخلصي إن شاء الله. وممارسة بعض استراتيجات التفريغ زي المشي والرياضة، اليوجا، التنفس، الكتابة الرسم وحاولي تكون الأفكار دايماً إيجابية
تم النشر الاثنين، ٦ نوفمبر ٢٠٢٣
طيب انتي اللي خلاكي تستحملي سنتين وانتي خلاص في 3 .. ف خلاص هانت. هي ايه المشكلة بالظبط معاكي في الكلية؟ لو تعب جسدي ف ممكن تعوضيه ب مكملات وفيتامينات تاخديها، او مسكنات لو فيه الم مفاصل. لكن انك تسيبي الكلية لا قرار مش في محله ابدا. حاولي انك متضغطيش على نفسك في كل ايام الاسبوع، يعني فرغي طاقتك شوية .. يوم ممكن تخرجي فيه مع صحابك ومتعمليش فيه اي حاجه مثلا. لكن انك تنسحبي تماما ده مش صح.
تم النشر الاثنين، ٦ نوفمبر ٢٠٢٣
عدا عليا فتره زيك لاكن الي انتي فيه هتكتشفي ان في ترابط مبين مشاكل جواكي وبذات النفس جسديه يعني يبدأ الاكتئاب او الضغط النفسي يطلع في صوره إرهاق وتعب ف جسمك وخمول وفقدان شغف وخنقه والنظر لي بكرا بسودوايه كل ده بيبدأ تدريجي يرتبط بي أهدافك في الحياه وبي علاقتك بي اهلك صحابك تحسي ان كل حاجه مستنزفاكي وسحلاكي وجيبه اخرك وعايزه تنسحبي من كل ده وتمشي وان ده مش مكانك مشاعر كتير صدقيني متحوله انتي ممكن تصحي في يوم تاني بظروف اهون بعلاقتك بقت احسن مثلا والأهم بقا علاقتك بنفسك تبقي احسن تلاقي نفسك قادره تقوم قدره تذاكري وتحضري بشغف بنوع من الحب كدا كل حاجه مجرد فكره اتخلصي من الاعباء الي والضغط النفسي والفكري الي جواكي ده الي مخليكي مش عندك طاقه لي حاجه
تم النشر الثلاثاء، ٧ نوفمبر ٢٠٢٣
لعرض السؤال في فدني اضغط هنا