سؤالي للمتزوجين
انا ليس لدى شقة تمليك واريد العفاف ومرتبى لا يتجاوز ١٠ الف هل يمكننى العيش فى شقة إيجار جديد وكم ستكون تكلفة المعيشة فى المجمل قبل الخلفة وبعد الخلفة وهل هناك حل لتملك شقة بالقسط غير شقق الاسكان الربوية؟
السلام عليكم ورحمه الله وبركاته. شوف انا هقول لك رايي الشخصي حتى يعني لو كان في اختلافات في وجهات النظر او اختلافات في الاراء او المعتقدات. اولا الشقق بتاعه الاسكان او اي حاجه يعني احنا هنقول ان هي فيها شبه ربويه. في اراء فقهيه بتقول انه مفيش مشكله لو أنت لجأت لده علشان تبقى بتمنع حاجه ثانيه أكبر يعني لدرأ مفسده يعني زي ما انت بتقول كده علشان انا عايزه اتجوز للعفه فيعني واحده من الاسباب علشان خاطر مرميش نفسي في الشارع او علشان خاطر مخليش حد يهيني في مكان ما ده مثلا يعني مثال اعتقد انه مفيش مشكله لو انت تقدر تقدم على شقق الاسكان هيكون افضل لكثير جدا الشقق الثانيه اللي هي ممكن تكون بالتقسيط اه في مشاريع بتتعمل وبيكون بتستلم الشقه بس بتكون على الطوب الاحمر وتقدر تقسط تبقي ثمنها على اقساط يعني طبعا حسب الدفعات بتاعتها على حسب بقى كل شركه او كل مشروع تعمل بحث عنهم او تعمل بحث في المنطقه اللي انت عايز فيها يكون افضل يعني. الايجار الجديد بيختلف من الثانيه فمش هتلاقي كله زي بعضه على حسب المنطقه برده والله لو في منطقه شعبيه ممكن تلاقي ايجار مثلا يكون ب 2500 ب 3 يعني فهيبقى من مرتبك كده احنا بنتكلم في 7000 خلينا نقول انه ممكن في بدايه الزواج. وان شاء الله يكون معاك واحده بنت حلال او بنت اصول ومدبره تقدروا إن انتوا تتعايشوا في الحياه وتعيشوا برضا وربنا وقتها إن شاء الله يعني يحط البركه في القليل ويوسع عليكم من الارزاق باذن الله بنيتكم الطيبه فتقدر تعيش تقدر تعيش بيهم لكن اقول لك انه المعيشه مش هتكون يعني فيها من رغد العيش يعني هتكون الامور ماشيه خلينا نقول كده يعني بقى افضل على حد الكفاف يعني الدنيا هتمشي كده ايه ان شاء الله متيسره ومسطوره يعني فاخذها كده واحده واحده وممكن توكل على الله وان شاء الله هتلاقي ربنا ييسر لك الامور ويعني صدقني مفيش حد دلوقتي بيستنى يعيش في تمليك لانه الامور بقت صعبه ما فيش حد بينتظر التمليك ده لانه فعلا بقى بارقام اصعب من زمان بكثير جدا ربنا ييسر لك الخير ان شاء الله واساله وهتلاقي ان شاء الله اللي انت عايزه.
تم النشر الجمعة، ٤ يوليو ٢٠٢٥
موضوع الرزق دا بيد الله سبحانه وتعالي هو الي بيرزق الحوت علي قدر حجمه وبيرزق الطير علي قدر بطنه هيرزقك علي قد احتياجك وكلما زادت مصاريفك هيزداد دخلك أمر الرزق مكفول عند رب العرش الكريم ، اعتزم علي الزواج وتوكل علي الله وادعو الله ان يرزقك الزوجه الصالحة
تم النشر الجمعة، ٤ يوليو ٢٠٢٥
السلام عليكم أخي العزيز، أسأل الله أن يرزقك العفاف والاستقرار ويسهّل عليك أمر زواجك ويبارك لك في رزقك وحياتك. أولاً: موضوع العيش في شقة إيجار بمرتب 10 آلاف ممكن جداً أن تعيش حياة عفيفة وكريمة في شقة إيجار، خاصة إذا كنت تدير ميزانيتك بحكمة وواقعية. اختيار شقة إيجار متوسطة أو بسيطة في منطقة مناسبة من حيث الخدمات والمواصلات يمكن أن يقلل التكاليف. عليك حساب تكاليف المعيشة الشهرية مثل الإيجار، الفواتير، الطعام، التنقل، بالإضافة إلى مصاريف الزواج الأساسية والاحتياجات اليومية. تقدير تكاليف المعـيشة الشهرية تقريبا: إيجار شقة متوسطة: من 1500 إلى 3000 ريال حسب المنطقة فواتير كهرباء وماء واتصالات: حوالي 500 إلى 800 ريال مصاريف طعام وتموين: من 1500 إلى 2500 ريال مصاريف نقل ومواصلات: من 300 إلى 600 ريال مصاريف أخرى (احتياجات يومية، صحة، ملابس): قد تصل إلى 1000 ريال هكذا قد تتراوح تكلفة المعيشة الشهرية بين 4300 إلى 7400 ريال قبل الأطفال. بعد إنجاب الطفل: ستزيد المصاريف بسبب احتياجات الطفل من لبن، حفاضات، ملابس، وتوفير الرعاية الصحية. قد تحتاج إضافة 1000-2000 ريال شهرياً حسب الظروف. حلول لتملك شقة بالقسط بدون فوائد ربوية: يمكنك البحث عن مشاريع وزارة الإسكان التي توفر خيارات تمويل إسلامي (بدون فوائد)، مثل التمويل من خلال الصندوق العقاري بدعم حكومي. هناك جهات أخرى تقدم برامج تمويل إسلامية أو شراكة في السكن عن طريق بيع وتقسيط، يمكنك الاستفسار عنها في البنك الإسلامي أو الجمعيات التعاونية السكنية. حاول التواصل مع جهات تمويل إسلامية في مدينتك أو عبر الإنترنت التي تقدم حلول تمويل العقار بدون ربا. نصائح إضافية: التوفير والادخار خطوة مهمة جداً، حاول أن تخصص جزءاً من راتبك شهرياً للادخار لشراء الشقة أو دفع مقدم. يمكنك استشارة خبراء التمويل الإسلامي لمعرفة الخطط الأنسب لوضعك المالي. الصبر والاعتماد على الله وحسن تنظيم الوقت والمال هما مفتاح النجاح. إذا أحببت، يمكنك زيارة صفحة الخبراء في تطبيق فدني للحصول على استشارات شخصية وخاصة حول التمويل والعلاقات الزوجية. وأتمنى لك حياة زوجية مباركة وسعيدة، وإذا لديك أي أسئلة أو تفاصيل أكثر أرحب بها معي. ذاكرتك الذكية في خدمتك دائماً. 🌹
تم النشر الخميس، ٣ يوليو ٢٠٢٥
الايجار يختلف من مكان لمكان حسب المحافظه ومن منطقه لاخرى حسب المحافظه / نصحيتى ليك انك تختلط بالناس وتسأل صحابك ومعارفك والاقارب الدنيا جايه منين وراحه فين وكام بكام واللى بيتجوز تسأل وتعرف التكاليف والشبكه كان كام وكدا مش من باب الفضول طبعا.
تم النشر الجمعة، ٤ يوليو ٢٠٢٥
في اقتراح انك تصبر سنة تجمع فيها مبلغ وتخلي والدتك مثلا تسأل عن زوجة متدينة محترمة هادية خلال السنة دي .. وتحاول تسأل بقدر استطاعتك عن الشقق / لكن متنشغلش وتزدحم وتغفل عن الاعداد النفسي لك وده بسيط بانك تبني ضبط نفس بالفروض والقرآن واي رياضة في المنزل .. والإعداد النفسي هيصبرك أكثر على عدم وجود زوجة وكمان هيخليك متزن في اختيارك للزوجة
تم النشر الأحد، ٦ يوليو ٢٠٢٥
اكيد لازم العلم بالشىء 👍
تم النشر الجمعة، ٤ يوليو ٢٠٢٥
لعرض السؤال في فدني اضغط هنا