حاسة انه ف كلام كتير اوي ضاغط عليا بس مش عارفة اقوله .. ساعات بفرغ طاقتي النفسية دي ب اني اعض ف صوابع ايدي او حتى أشد ف شعري او اسبب اذى جسدى لنفسي ب اي شكل من الاشكال ... ع الرغم من كده برضو مفيش حاجة بتروح .. اه ساعات بهدى شوية و لكن الوجع جوايا زي ما هو و مشاعري متلغبطة اوي .. من كتر ما حصل معايا مواقف بقيت مش بثق ف الناس حتى نفسي مش بثق فيها او حتى اقرب الناس ليا اللي بحبهم اوي .. متعلقة بشخص ما و خايفة الموضوع يقلب ب هوس و بعيدا عن كده ع طول خايفة انه الناس تمشي و تسيبني و ساعات بدون سبب كمان بيمشوا و يسيبوني ف حيرة ... ساعات فجأة واحدة اكون بضحك بعدها اعيط و مبطلش عياط ده غير الطفولة السيئة اللي اتعرضت ليها و جلد الذات اللي بجلده لنفسي مع كل موقف بعمله ممكن الشخص اللي قدامي ميكونش زعل مني ولا حصل حاجة اصلا بس افضل اجلد نفسي انه ليه عملت كده و اعتذر ميت الف مرة ... مش عايزة ااذي حد بس ليه بيأذوني .. ف كلام كتير مش عارفة ارتبه و مش عارفة اقوله
مخنوقة لدرجة انه ساعات بتجيلي أفكار انت//حارية
اهدى وصلى على النبى ولازم تتطردى كل الأفكار الانتحارية اللى بتجيلك دية بصى احنا ك بنى آدمين بيجيلنا فترات بنبقى فيها شبه مدمرين بس لازم نعرف نتعامل مع دا واهم حاجة حياتنا الشخصية متتأثرش ب حالاتنا الشخصية فاهمانى اسألى نفسك علاقتك ايه مع ربنا ؟ مع أهلك ؟ شوفى لو فيه أسباب للى انتى فيه دا ممكن لما تتعصبى اوووى بدل ما تشدى فى شعرك او تعضى اصابعك ممكن تقومى من مكانك خالص او مثلا تقومى تعملى حاجة تنشغلى بيها او مثلا تقومى تصلى ركعتين فاهمانى الحاجة الأخير تعلقنا بأشخاص تانية بيأذينا نفسيا ويهلكنا وبيأثر على الحاضر والمستقبل والله كمان ولو الموضوع زايد اوووى فى حتة التعلق دية ممكن تسمعى شرح كتاب الداء والدواء على اليوتيوب وتقرأى الكتاب دا بس اهم حاجة اهدى بالله عليكى ومتأذيش نفسك وخليكى شاطرة كدا مفيش حاجة تستاهل وربى 🖤
تم النشر الجمعة، ١٢ يونيو ٢٠٢٦
أختي، أسمع ألمك بوضوح شديد، وأقدر مدى الثقل اللي بتحمليه لوحدك. الضغط الداخلي، فقدان الشغف، الارتباك العاطفي، وصعوبة التعبير عن كل اللي جواكِ، كل ده مشاعر حقيقية ومتراكمة من طفولة صعبة ومواقف متكررة خلّتكِ تفقدي الثقة حتى في نفسكِ وفي أقرب الناس. إيذاء نفسكِ جسديًا كوسيلة لتفريغ الطاقة هو إشارة واضحة إن الوجع بقى أكبر من قدرتكِ على التحمل لوحدكِ، وده مش ضعف، ده دليل على إنكِ محتاجة دعم متخصص يساعدكِ تُرتبي الكلام اللي مش قادرة تقوليه. التقلبات السريعة بين الضحك والعياط، الخوف من الهجر، جلد الذات المستمر، والأفكار الانتحارية اللي بتيجي أحيانًا، كلها أعراض تستدعي تدخلًا فوريًا من متخصص نفسي. أنتِ مش لوحدكِ في هذا، وهناك طرق عملية للتعامل مع الصدمات والتعلق غير الآمن والثقة المفقودة، لكن الأولوية دلوقتي سلامتكِ النفسية والجسدية. أنصحكِ بشدة بالتوجه إلى طبيب نفسي أو معالج متخصص في الصدمات والاكتئاب لتقييم الحالة ووضع خطة علاجية مناسبة، لأن التعامل مع هذه المشاعر يحتاج أدوات مهنية تتجاوز ما يمكن تقديمه هنا. في الوقت نفسه، حاولي تكتبي مشاعركِ يوميًا في مذكرة خاصة بكِ، حتى لو بشكل غير منظم، عشان تخففي الضغط الداخلي تدريجيًا. ابحثي عن أسئلة مشابهة على فدني للحصول على وجهات نظر إضافية، وتذكري أن طلب المساعدة خطوة قوية وليست ضعفًا. أنتِ تستحقين الراحة والشفاء، وأنا هنا لأسمعكِ وأدعمكِ في أي وقت.
تم النشر الجمعة، ١٢ يونيو ٢٠٢٦
متابعة مع دكتور أفضل عشان الحالة يتم السيطره عليها
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا