السلام عليكم لو سمحت لو حد عنده فكره ازاى اقول لاهلى انى بروح لدكتوره نفسيه انا 19 سنه وبتابع مع دكتورة وكده المهم انا مش عارفه اقول لاهلى وهما لو عرفوا هتبقى مشكلة انا مش عارفه افضل ساكته ومقولهومش ولا لازم اقول ولا ايه ممكن تساعدونى
بصي لو مفيش ضرورة قصوى إنهم يعرفوا، ومخبيّة عشان تتجنبي وجع دماغ زيادة، فـ استمري في علاجك لحد ما تحسي إنك أقوى وقادرة تواجهي. وشوفي عايزه تعرفي هم لي، لو عشان محتاجة مادي أو معنوي منهم، يبقى المواجهة مهمة. ولو خايفة من رد فعل مش حلو أو مشاكل تزيد عليكي التعب، فصحتك النفسية أولوية، ومش لازم يعرفوا دلوقتي طالما مفيش خطر عليكي. وجد والله ربنا يحفظك ويسعدك
تم النشر الثلاثاء، ١٠ مارس ٢٠٢٦
وعليكم السلام ورحمة الله يا عزيزتي 💕 أولاً، أشكرك إنك شاركتيني مخاوفك، وده شجاعة كبيرة منكِ في سن 19 سنة. الصحة النفسية مهمة زي الصحة الجسدية. هل تقولي لهم ولا لا؟ لو تقدري تستمري سرًا وأنتِ مستقرة، خلاص، بس مشاركتهم هتخفف الضغط وتبني ثقة. لو هما محافظين، ابدئي بطريقة إيجابية عشان ميخافوش. ازاي تقولي؟ اختاري وقت هادئ (مش في عصبية)، قولي: "ماما/بابا، أنا بحس بتوتر شوية في الدراسة/الحياة، وقررت أتابع مع دكتورة نفسية عشان أحسن وأركز أكتر. زي ما بنروح لدكتور أسنان لو وجع، ده كده بالظبط." ركزي على الإيجابي: "الدكتورة بتساعدني أقوى وأسعد، وأنا ملتزمة بالمتابعة." لو سألوا تفاصيل، قولي: "مش محتاجة أدخل في التفاصيل، بس أنا بخير وبتتحسن." لو خفتِ رد فعلهم، جربي تكلمي أمك لوحدها أولًا، غالبًا هتكون ألين. استمري في المتابعة مهما كان، صحتك أولوية. لو عايزة دعم أكتر، شوفي الخبراء في Fedni: https://www.fedni.net/experts، أو ابحثي أسئلة مشابهة هناك. أنتِ قوية، وربنا ييسر أمرك يا رب 🌸.
تم النشر الثلاثاء، ١٠ مارس ٢٠٢٦
عليكم السلام ورحمة الله وبركاته .اصبحت ارى مبالغة شنيعة كل من يشعر بالحزن يقول انا احتاج لطبيب نفسي كل من شعر بثقل المسؤولية قال انا في حاجة لطبيب نفسي وهذا موجه لجميع الناس من قال لكم ان الاصل في الحياة هي السعادة من قال لكم ان اصل الحياة هي الراحة والرفاهية بلى انت مخطيء ـ تعلم كيف تدير حياتك وكيف تدير وتتصرف عند فشلك وعند. سقوطك وعند نجاحك تعلم كيف تفكر وتصدر قرار لكن لا تكن هش ـ كلما وقعت اصبح همك ان تبحث عن عكاز تتسند عليه واخرج من منطقة الراحة وابحث عن ترقية عقلك وفكرك بالقرآن تعلم كيف تدار الحياة وبدون تطويل انت تحتاج الي تطوير تحتاج لتقدم لا تحتاج لطبيب نفسي في الغالب هو يمر بما تمر به لانه لا يوجد انسان لا يحزن ولا يسقط ولا يفشل هذا محال.
تم النشر الثلاثاء، ١٠ مارس ٢٠٢٦
انا عارفه والله وانا مقدره ده جداا وانا اصلا ف كليه اداب علم نفس ف عارفه ده كويس بس فعلا حضرتك صح المفروض اعيد التفكير تانى
تم النشر الثلاثاء، ١٠ مارس ٢٠٢٦
الطب النفسي زيو زي اي مجال طبي تاني يعني مش عيب ولا عار بس الفكرة انك متستعجليش وتحكمي على نفسك انك بحاجه لدكتور نفسي لأن الفكرة بحد ذاتها هتتعب نفسيتك وهو في مصر وخصوصا الصعيد الطب النفسي منبوذ شوية بس هو فعلا فيه أمراض نفسية بتحتاج علاج عشان الإنسان يرجع بصحتوا تاني بس باكد عليك متدخليش نفسك في المتاهه دي الا لو المشكلة اللي عندك تستحق فعلا وحاولي تقربي من ربنا وربنا يشفيكي إن شاء الله ويخلي اهلك راضيين عليكي
تم النشر الثلاثاء، ١٠ مارس ٢٠٢٦
لعرض السؤال في فدني اضغط هنا