حاسه اني محتاجه مساعدة نفسيه او دينيه أو الاتنين
الفترة الأخيرة بقيت بفكر كتير في الموت
الحمد لله لا اذكي نفسي لكني محافظه على الصلوات وبحفظ قرآن وبجاهد نفسي اني اقيس كل حاجه في حياتي بمقياس الحلال والحرام
لكن نفسيتي تعبانه جدا تعبت اكتر من مره واغماءات بدون سبب وبيجيلي الم في صدري عملت رسم قلب كذا مره والدكتور طمني أنه مجرد التهاب في العضلات
عملت تحليل بوتاسيوم كان منخفض بس انخفاض طفيف اخدت العلاج وتحسنت كام يوم بس برجع اتعب تاني ونفسيتي وحشه فيه كذا حد حواليا اتوفى في سن صغير منهم اتنين قرايبي اتوفوا في العشرين و 3 زميلاتي اتوفوا في بدايه التلاتين
انا سني 33
انا قبل كده لما كنت بفكر في الموت يعتبره طريق أو جسر عشان الواحد يوصل لربنا وأنه راحه
حاليا قلبي مقبوض ويدخل في نوبات هلع وبفكر كتير في حالي في القبر وحال عيالي لو مت
انا مؤمنه بقضاء ربنا بس حاسه ان كان عندي سكينه في قلبي قبل كده واختفت وبقيت معظم الوقت مكتئبه وده مأثر على حياتي كلها
خايفه اموت وانا مش مستعده
السلام عليكم ... كان لدي نفس شعورك يوما ما لكن الموت علينا حق مثل الحياه المشكلة اننا كلنا ننظر للموت كأنه شئ صامت اسود ساكن خالي من الوقائع ولكن لم ندرك بوعي حقيقي ان الموت بوابة إلى حياه اروع و اجمل فأكثري من الاستغفار و الشكر و التسبيح وربنا سيبدلك نفسا مطمئنه ، اولادك لهم الله يرعاهم مدبر كل التدابير من دبر لك الامر لترعي اولادك قادر يدبر لهم الامر ايضا بلا شك، انت سليمه و الام العضلات و ضيق الصدر ببساطة ناجم عن التوتر الشديد مع ارتفاع هرمون الادرنالين اللي بيقبض العضلات ليحافظ عليها من الاذي ... سلمي الامر كله لله و توكلي عليه بتسليم خالص و توكل صادق ولا تفكري في من مات و من ولد هذه حياه ناس تأتي و ناس ترحل شجره تموت و تنمو مكانها اخري و تغيب الشمس و القمر و يشرقوا من جديد في يوم جديد أسأل الله العظيم لك خالص الهداية و السكينة بإذن الله و لا تنسي الرقية الشرعية ولا تخافي شيء ورب العباد موجود عز وجل .
تم النشر الثلاثاء، ٩ سبتمبر ٢٠٢٥
شئ طبيعي وبيحصل لناس كثير وهي فترة ويعدي قد لسبب من دول ١-الشعور بأن العمر مر بسرعة وإن الموت قريب . ٢- مجرد توتر .. ٣- ظروف خارجية زي المادية أو مشكلة في العلاقات أو وحدة ٤- قسوة على النفس وتشديد في الفترة الاخيرة والله المستعان
تم النشر الجمعة، ١٢ سبتمبر ٢٠٢٥
أختي الغالية، كلامك يعبر عن حالة صعبة ومؤثرة جدًا، وأنا هنا معك بكل حب واهتمام. شعورك بالخوف من الموت وعدم الاستعداد له أمر طبيعي، وخاصة عندما تواجهين ضغوط نفسية ومآسي حولك مثل فقدان أقارب وزميلات في عمر صغير. هذا يزيد من القلق ويجعل فكرة الموت أقرب إلى قلبك بطريقة مؤلمة. دعيني أساعدك بأن نُفصّل الأمور معًا، ونبحث عن خطوات عملية وروحية تساعدك تعبري هذه المرحلة: أولًا: على مستوى الجانب النفسي نوبات الهلع والقلق التي تصفينها مؤلمة وحقيقية. من المهم جدًا أن تهتمي بنفسك نفسيًا، ويمكنك التوجه إلى استشارة نفسية متخصصة تساعدك في التعامل مع هذه الأفكار والأعراض بطريقة علمية ومنظمة. من خلال العلاج النفسي، يمكنك تعلم أدوات تساعدك على تخفيف نوبات الهلع والسيطرة على القلق، وتحسين جودة حياتك. لا تنسي أن الله خلق لنا قلوبًا تتأثر، وأحيانًا تحتاج إلى دعم مهني، وليس في ذلك ضعف أو نقص. ثانيًا: على المستوى الروحي والديني استمري في المحافظة على صلواتك وحفظك للقرآن، فهذا ركيزة عظيمة في حياتك، والله عز وجل يقول: "ألا بذكر الله تطمئن القلوب". جربي توجهي بدعاء خالص من قلبك يطلب من الله السكينة والطمأنينة، ذكر الله وعبادته هما السكينة نفسها. احرصي أن تعملي على تقوية إيمانك باليقين بأن الله أرحم الراحمين، وأن رحمة الله واسعة لكل عباده. غمضي عينيك للحظات وتخيلي رحمة الله التي تحتضنك لا تتركك وحدك في هذا الخوف. قراءة بعض سور أو آيات تحسيها تطمئنك مثل سورة الفاتحة، المعوذتين، وآية الكرسي، مع المحافظة على الدعاء بصدق ونداء قلب. ثالثًا: خطوات عملية وخفيفة حاولي تنظيم روتين يومي يشملك بنوم منتظم، وانتظام في الأكل، وحركة خفيفة تساعد على تحسين المزاج. شاركي مشاعرك مع شخص موثوق ممن تثقين فيهم، وجود حد يسمعك يحب يساعد ويخفف. تابعي مع طبيبك، وأطمئني على صحتك الجسدية كما قمتِ بالفعل. رابعًا: تذكري أن هذا الابتلاء هو امتحان ورفعة بإذن الله، وأن الله سبحانه وتعالى لا يكلف نفسًا إلا وسعها، وأن هذه الحالة مؤقتة وستتحسن باستمرار السعي والاعتماد عليه سبحانه. لو تحبي، في تطبيق "فدني" يمكنك البحث عن متخصصات نفسيات أو مرشدات دينيات قد يساعدنك بجلسات أكثر تخصصًا وفهمًا، وهذا شيء طبيعي وذكي لكي تحصلي على الدعم الذي تستحقينه. أنا هنا دائمًا وأرحب بأي سؤال أو طلب دعم تريدي. قولي لي، هل عندك أسئلة محددة أو أمور تودين التحدث عنها أكثر؟ ربنا يحفظك ويثبت قلبك ويرزقك السكينة والطمأنينة يا غالية. 💛
تم النشر الثلاثاء، ٩ سبتمبر ٢٠٢٥
مريت بالفترة دي وكانت صعبة جدا وكشفت وطلع مفيش حاجة الموضوع نفسي .. بس هو احتاج مني قراءة سورة البقرة بصوت حسيت اني رجعت طبيعية تاني طبعا المداومة عليها مع الاذكار والتحصين لانه بيكون خوف شديد اقرب الى مس شيطاني لما بيلاقينا خايفين من حاجة بيزود الوسواس تجاها فلازم تواجهي الفكرة وتتفهي منها يعني تقولي لعقلك فيها ايه لما اموت كلنا هنموت فعقلك يستوعب تدريجيا انك مش خايفة فاهماني ربنا يطمن قلبك ويرزقنا حسن الختام
تم النشر الجمعة، ١٢ سبتمبر ٢٠٢٥
حاسس بيكى , لأن بتجيلى نوبات الهلع , وبحس انى مش قادر اخد نفسى , شعور فظيع مع انى متدين وبصلى وبقرا قرءان , وجدت ان الواحد احسن يلهى نفسه عن التفكير فى الموت , ويستعيذ بالله من الشيطان الرجيم.
تم النشر الخميس، ١١ سبتمبر ٢٠٢٥
ربنا يرفع عنك وعنا يارب العالمين
تم النشر الخميس، ١١ سبتمبر ٢٠٢٥
ولو محتاج اي حاجه احنا هنا اخوات كلنا في بعضينا وربنا يكملنا ونكمل بعض
تم النشر الخميس، ١١ سبتمبر ٢٠٢٥
علاجه العزله عن جميع الناس والاكتفاء برب الناس هو يعني علاج صعب حبتين تمام ولكنه حله عامل زي لما تكوان مثلا ريح لطبيب فبيديك علاج مشيت على العلاج المرض هيروح واحده واحده ما مشيتش على العلاج مش هيروح هيفضل مكانه العلاج اللي هو الاستغفار الدعاء والصلاه بس من حديد بقى على قد ما تقدر وفوق ما تقدر والعزله اكيد
تم النشر الخميس، ١١ سبتمبر ٢٠٢٥
يعني ايه انا مش عارف اقول لحضرتك ان ده اصلا انا بحس ان انا كنت بقرا اساسا كنت بقرا حاسس ان انا واقف قدام المرايه ده نفسه بيحصل معايا بالظبط
تم النشر الخميس، ١١ سبتمبر ٢٠٢٥
صلي علي النبي كتير هتشوفي خير كبير وهتخرجي من الكرب ده
تم النشر الأربعاء، ١٠ سبتمبر ٢٠٢٥
اول ما تجيلك النوبة اضحكي ...
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا