السلام عليكم
انا اسمي ساره عمري 20 سنه
عوزه حد يساعدني عندي مشكله كبيره ومفيش حد بيسمعني خالص حتي اهلي ،من فتره سافرت مع أهلي وهناك ف شاب اتعرف عليا وكان كويس اووي وبعد اما رجعنا من السفر طلب ايدي وانا وافقت وكنت مبسوطه عشان كان كويس بعد الخطوبه معاملته بدأت تتغير ويتعصب ويزعقلي علي اتفه الاسباب وكنت بضايق بس اللي حواليا كان بيقولي حب وغيره وبقيت استحمل وكتبنا الكتاب من تلت اسابيع والمفروض فرحنا قرب بس بقي يخنقني وانا بقيت بخاف منو ومش معقول هتجوز واحد بخاف منو مفيش ولا شرع ولا قانون بيقول كده وكلمت اهلي بس قالولي مينفعش والفرح قرب والناس تقول علينا اي وكل اما اكلم حد من قرايبي بردو نفس الكلام واستحملي أنا أعمل ايه انا مش زي اي بنت مبسوطه ان فرحها قرب وكل يوم بعيط وبتمنى اليوم ده ميجيش ولما قررت اقولو انا مش مرتاحه ومش عاوزه اكمل هددني، فكرت كتير امشي من البيت بس خايفه علي اهلي وحتي فكرت انتحر بس خايفه من ربنا
ياريت حد يقولي اعمل اي 🙏
و عليكم السلام ، اوعي ، بغض النظر هو شخص سوي من عدمه ، ده مش موضوعنا ، اوعي تدخلي حياة زوجية وانتي مش متطمنه ، دلوقتي اهلك بيقولوا طب وكلام الناس ، بس عادي و في الشرع و في القرآن فأنتي ما بتخرفيش يعني ولا بتقولي حاجه غلط ، البداية دي هتنهي حياتك ، فتجنبيها بأي شكل من الأشكال ، لكن من غير ما تتعدي حدود الأدب و الدين ، وبالتوفيق 😊 و ربنا يفك كربك يارب
تم النشر السبت، ٢٨ مارس ٢٠٢٦
ممكن اعرف هددك بايه .. ما تقبليش ضغوط اهلك .. وعرفيهم بخوفك ورعبك منه .. ووريهم قصص البنات اللي ازواجهم قتلوهم رغم انه العلامات كانت ظاهرة في الخطوبة زيك كده طالما انت متأكدة من كلامك خوفيهم عليكي ووريهم وشاركيهم كل شيء بما فيه تهديده لك
تم النشر السبت، ٢٨ مارس ٢٠٢٦
وعليكم السلام يا سارة العزيزة 💕 أنا ذكية، وسمعتك كويس أوي، وأنا هنا عشان أساندك بكل قلبي. اللي بيحصل معاكِ ده مش حب خالص، ده سيطرة وخوف وعنف نفسي، وده مش طبيعي ولا مقبول في الإسلام ولا في أي علاقة صحية. ربنا سبحانه قال في القرآن: {وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةَ} – الزواج راحة ومودة، مش خوف وتهديد. أنتِ مش ملزمة تكملي، الخطبة مش عقد ملزم شرعًا أو قانونًا، وإلغاؤها أحسن من زواج مدمر. إيه اللي تعمليه دلوقتي خطوة بخطوة: كلمي حد قوي وموثوق : روحي لإمام مسجد قريب أو شيخ عالم دين، أو اتصلي بالمجلس القومي للمرأة (الخط الساخن ١٥١١٥ – مجاني وسري). هما متخصصين في حالات زيكِ، وهيساعدوكِ ترفضي الزواج بدون ما الناس تقول حاجة. لو هدد تاني: بلغي الشرطة فورًا (122)، أو الوحدة المتنقلة لمكافحة العنف الأسري. التهديد جريمة، وهيحميكِ وقد يوقف الفرح. مع أهلك : اجمعيهم وقوليلهم بوضوح: "أنا خايفة علي حياتي، وده مش رحمة ربنا عايزها". لو مش سامعين، خلي الشيخ يتكلم معاهم – كلامهم عن "الناس" مش أهم من سلامتك. ابعدي عنه تمامًا : بلوكي كل وسائل التواصل، ومتكلميش معاه لحد ما تخلصي الموضوع. يا حبيبتي، أنتِ 20 سنة بس، قدامك حياة كلها أمل، وفرحك الحقيقي جاي مع واحد يعاملكِ زي الأميرة اللي تستاهليها. متفكريش في الانتحار أبدًا – ربنا غفور رحيم، وهو هيفتحلكِ أبواب خير كتير. استغفري وادعي: "اللهم إني أسألك الفرج القريب". لو عايزة استشارة أكتر، روحي صفحة الخبراء في فدني: https://www.fedni.net/experts – في متخصصين في الاستشارات الأسرية والنفسية. وابحثي في فدني عن أسئلة مشابهة هتلاقي إجابات كتير تساعدكِ. أنتِ قوية يا سارة، وهتخرجي من ده أقوى. ربنا معاكِ. 🙏❤️
تم النشر الجمعة، ٢٧ مارس ٢٠٢٦
ونصيحة من اختك تقفي قدامه وقدام اهلك واهله وانتي رافعة راسك ومش خايفة وتقفي ثابتة وواثقة من نفسك علشان ميفكرش انك سهله وحد ضعيف وخوافة ف يهددك تاني لاء خليه يشوف انك عملتيها مرة ومعندكيش مانع تعمليها تاني - وارجوكي بلاش تتعاطفي مع حد فيهم او في اهلك لانهم تقريبا عارفين انك بتتاثري بكدا ف هما بيعملوا كدا ف جمدي نفسك ومتصدقيش حد
تم النشر الأحد، ٢٩ مارس ٢٠٢٦
اديكي خضتي التجربة، واظن بقى نتعلم منها ان الانتحار هو مش حل نهائي لو صبرنا ربنا هيحل اي مشكلة احنا فيها، "لا يكلف الله نفسا الا ما آتاها، سيجعل الله بعد عسر يسرا"، فهي قاعدة كونية زي ما النهار نور والليل ظلام ففيه قاعدة كونية هي أن الله يسجعل بعد كل عسر يسرا، أتمنى تكون الرحلة دي جعلتك أقوى و تصبرس على الابتلاءات و تفكري في حلول ليها بدل الهرب منها، وربنا يرزقك راحة البال يا رب
تم النشر الخميس، ٢ أبريل ٢٠٢٦
انا هحاول ابقي شجاعه عشان مستقبلي واقف علي كده ربنا يقويني
تم النشر الأحد، ٢٩ مارس ٢٠٢٦
استاذ يوسف معاه حق التنازل مقابل الطلاق ومحضر عدم تعرض ليكي وخلي السكرينات بتاعة التهديد معاكي اياك تمسحيها او اعملي حسابك وانسخيها علي فلاشة او اي حاجة المهم يبقي معاكي حاجة تامنك
تم النشر الأحد، ٢٩ مارس ٢٠٢٦
يا بنتى واحد هددك انتى دافعتى عن نفسك لو هو شرير للدرجة ممكن تعملى محضر عدم تعرض واهلك ميقدروش يتكلموا لأنك بتتهددى بتتهدى يا بنتى انتى بتدافعى عن حياتك بتدافعى عن مستقبلك
تم النشر الأحد، ٢٩ مارس ٢٠٢٦
السلام عليكم ازيك يا سارة عاملة ايه فرحت اوي بالخبر دا خالك جه وكلمهم ؟ وحابة اضيف حاجة علي كلام الاساتذة في موضوع الانتحار - الانتحار ما هو الا هروب من مشاكل كبيرة وصعبة بس طريقه معروف وهو جهنممهما كانت المشاكل لان المشاكل دي ربنا اللي حطها ليكي علشان يختبرك وهو عارف انتي تقدري تستحملي ايه ومتقدريش تستحملي ايه ( لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنتَ مَوْلَانَا فَانصُرْنَا عَلَى الْقَوْمِ الْكَافِرِينَ )الاية واضحة ف استغفري ربنا علي انك فكرتي في الانتحار وخلاص انتي بقيتي شجاعة وبتواجهي خليكي كدا دايما تواجهي وبلاش تهربي لان طول ما انتي عايشة هيبقي في مشاكل وحاجات صعبة هتمري بيها بس دا هيقويكي اكتر
تم النشر الخميس، ٢ أبريل ٢٠٢٦
بإذن الله بكره انا زوجي هننفصل نهائي بفضل الله ❤️🩹🙏
تم النشر الخميس، ٢ أبريل ٢٠٢٦
بصي يبنت الناس الحمد لله انك بخير دلوقتي وانا استنيت اللحظه المناسبه تكون فيها الامور اهدا عشان اقول الكلمتين دول ..... ظبطي علاقتك مع ربنا اكتر لان التفكير في الانتحار قله ايمان شويه (مش بحكم على ايمانك) وانتي باين عليكي انسانه جدا محترمه ........ فكك من كلام الناس لانو مبيجيبش الا ورا وانا بتكلم عل مستقبلا عشان لما يكون عندك بيت واسره باذن الله حلوه متضيعيش ابنائك وحياتك زي ما حصلك من اهلك بسبب الخوف من كلام الناس ...... افهمي شخصيتك اكتر وحاولي تعالجي الحاجات الي حصلتلك زمان بسبب اهلك والمجتمع .... باين عليكي انك انسانه عندها طموح وقويه بس زي ما قولت حاجات بسيطه عايزه تتظبط
تم النشر الخميس، ٢ أبريل ٢٠٢٦
حاضر بإذن الله
تم النشر الأربعاء، ١ أبريل ٢٠٢٦
مبارك الخلاص وما تخافيش ان الدنيا تبوظ ولا يتخانقوا يحصل اللي يحصل دلوقتي ركزي في نفسك بس انتي كساره ونصيحه ما تستنيش الدنيا تبقى ورديه لما تروحي عند اهلك في الاقصر اتاكدي انه هتحصل مشاكل لان احنا في دنيا المهم تثقي في نفسك وتكوني مع الله دائماً اعملي المستحيل عشان تكملي كليتك واعملي المستحيل عشان تشتغلي عشان انت لازم تستقري بعيد عن اي حد وثقي في الله وما تستنيش اي حاجه من اي حد وما تبينيش ان انت ضعيفه لحد ركزي دلوقتي بعد ما تمشي باذن الله وتنقلي كليتك اول حاجه تعمليها اول ما تروحي الاقصر ان انت تدوري على شغل وربنا يسعدك وما تخليش اي حد ايا كان هو مين يجي عليك اختاري نفسك واعملي اللي يرضي الله
تم النشر الأربعاء، ١ أبريل ٢٠٢٦
كوني قدوة لأهلك
تم النشر الأربعاء، ١ أبريل ٢٠٢٦
ساره انتي بطلة انا قرأت الراسائل كلها بجد انتي بطله انك مريتي بدأ كله كملي بأذن الله ربنا حينجيك وتوصلي حاولى تروحي الاقصر لازم تغيري البيئة والمكان النتي فيه وفي اسرع وقت ولازم كمان تغيري شخصيتك ومن بعد الحصول دا كله تتعلمي أنه المعه الحق ربنا مش بيسيبه وتثقي في الله وفي نفسك وبطلي تدعي علي نفسك وخليها قاعده بعدين بعد الحصلك أتعلمي الدرس واليبصلك بصه بصه مش حلوة افقعي عينه متسكتيش لأي حد ايا كان هو مين ولازم تغيري مكانك وتنزلى الاقصر اهلك للاسف مش مضمونين لازم تقفي قدام الكل عشان انتي تستاهلي حياة احسن تمام
تم النشر الثلاثاء، ٣١ مارس ٢٠٢٦
متقوليش كدا دا ابتلاء من ربنا ليكي واختبار منه علشان يشوف هتقولي يا رب نجيني ولا يارب خدني هتفرق وكل دا اجره كبير عند ربنا بس انتي قولي يارب وخليكي متفائلة انك هتتحرري وتعيشي حياة جميلة هتكملي دراستك وبعدها تشتغلي وبعدها ربنا يرزقك ب ابن الحلال اللي يستاهلك - وعلي فكرة احنا نقدر نعيش عادي بدون ما يكون حد بيحبنا مش هنموت يعني لو مفيش المهم اننا نحب نفسنا وانا حسيتك بنت طيبة وقلبك اطيب ف اكيد في ناس كتير بتحبك وانا كمان والله حبيتك
تم النشر الاثنين، ٣٠ مارس ٢٠٢٦
@Nehal Nassar السلام عليكم استاذه نهال خطيبي وافق يطلقني عشان يخرج بس اهلي هيقعدوني ف البيت وانا لسه مخلصتش جامعه والشيخ قالي اكلم اهلي ف الاقصر واروح اعيش عندهم بس معرفش هيوافقوا اعيش عندهم ولا لا تنصحيني ب اي
تم النشر الاثنين، ٣٠ مارس ٢٠٢٦
انا فخورة بيكي ببقي مبسوطة جدا لما البنت تعرف قيمة نفسها وتقف علي رجلها وتبقي قوية خليكي دايما شجاعة وقوية وواثقة في نفسك وبلاش تسمحي ل اي حد انه يكسرك او يجي عليكي
تم النشر الأحد، ٢٩ مارس ٢٠٢٦
ولو حاسه بالخطر من اهلك ف خلي دايما معاكي موبايل حتي لو صغير بزراير ودا يبقي معاكي دايما حصل منهم حاجة سواء ضرب او تهديد اطلبي البوليس فورا حتي لو هياخدوا حد من اهلك وبعدين تواصلي مع الجمعية اللي كلمتيها امبارح او روحي المركز اللي قالوا عليه ولما تبقي في امان ابقي تنازلي عن المحضر - واسفة جدا علي تاخيري في الرد وابقي طمنيني الامور وصلت معاكي ل ايه
تم النشر الأحد، ٢٩ مارس ٢٠٢٦
تتنازلي مقابل الطلاق، ويتعمله محضر عدم تعرض ليه هو واهله
تم النشر الأحد، ٢٩ مارس ٢٠٢٦
ودا مريض سايكوا كفايه كلمة انتى مش هتتجوزى حد غيرى وهرميكى فى مصحه
تم النشر الأحد، ٢٩ مارس ٢٠٢٦
ومش ممكن يأذيني بعدين انا خايفه اووي وخايفه من اهلي بعد اللي عملته
تم النشر الأحد، ٢٩ مارس ٢٠٢٦
هنخلص موضوع الانفصال انهارده وحليت موضوع الكليه وهروح علي الامتحانات وبعدها هنسافر الاقصر انا معايا خالو
تم النشر الجمعة، ٣ أبريل ٢٠٢٦
مفيش شخص منقذ الا الإنسان نفسه ... وفي اشخاص عاشوا في بيئات صعبة وحطوا أحلامهم على المنقذ لحد ما جه شخص أسوأ (لأن نشأت عندهم عقلية الضحية التي تجذب السيئين)لا وتم الزواج وعاشوا سنين العذاب ولم يتعافوا من كثير من الصدمات إلى أن ماتوا ..... الخلاصة المنقذ عبارة عن وهم والشخص السئ يختار أسهل فريسة وهم الأشخاص الذين ينتظرون وهم المنقذ .. التعافي على الإنسان نفسه
تم النشر الجمعة، ٣ أبريل ٢٠٢٦
الحمد لله أولاً وآخراً
تم النشر الخميس، ٢ أبريل ٢٠٢٦
@مفيد . جزاك الله خيرا وكلامك كلو بحترمو وشكرا على النصائح بجد لاكن محدش يعرف انا مريت ب اي عشان محاوله الانتحار وكمان ف اوقات كتير جدا الانتحار بيكون مش حرام مع أن انامبعرفش اسيطر علي نفسي الا كل مره احاول فيها ف حاجه بتمنعني
تم النشر الخميس، ٢ أبريل ٢٠٢٦
ان شاء الله خير متغبيش عني بس طمنيني عليكي علطول
تم النشر الأربعاء، ١ أبريل ٢٠٢٦
شكرا يقمر علي سؤالك ،وإن شاء الله هكون اقوي من كده وابتدي حياتي الجديده وهواجهه كل المشاكل وهستحمل عشان خاطر اعيش حياه هاديه+ أن قبل ممشي من البيت سمعت بابا بيتكلم في التليفون وبيقول أن احمد ممكن يخرج بكفاله بس مؤقت عشان كده مشيت إن شاء الله لما خالو لما ييجي هو هيخليني انفصل عن خالص عشان انا مش هعرف اعمل ده لوحدي
تم النشر الأربعاء، ١ أبريل ٢٠٢٦
الحمد لله انك كويسة انا قلقت عليكي لما بقالك يومين مش بتردي وبرافو بجد انك اخدتي الخطوة وان شاء الله دي هتكون بداية جديدة خالص هتتولدي من جديد بشخصية جديدة قوية واثقة في نفسها ومش هتسمح لاي حد انه يهينها او يكسرها شخصية الكل يخاف منها ومن شجاعتها ويعملها الف حساب ان شاء الله اول ماتروحي تدوري علي شغل زي ما استاذة اميمة قالت علشان تصرفي علي نفسك وتكملي تعليمك ب اي طريقة -ابني لنفسك حياة خاصة بيكي مفيهاش الم ودايما خليكي مبسوطة حتي لو كانت صعبة بس علي الاقل بتاعتك انتي وبس - ومتخافيش من حد واخربيها علي الكل بقي ولو حصل اي تطاول اثناء المواجهة كلمي البوليس هما هيجوا يخرجوكي من البيت طالما انتي عايزة كدا لانك كبيرة وعديتي السن القانوني - بس المهم عملتي ايه في حكاية الطلاق؟
تم النشر الأربعاء، ١ أبريل ٢٠٢٦
انا زمان وانا بصبر وكنت متخيله انو هييجي شخص يحميني ويعوضني عن كل ده ولحد مجه احمد وكرهني ف الدنيا كلها مشاء الله
تم النشر الأربعاء، ١ أبريل ٢٠٢٦
السلام عليكم انا كويسه الحمد لله شكرا جدا ليكو واسفه معرفتش افتح خالص انا مشيت من البيت عشان مقدرتش مستحملتش كلامهم انا قاعده عند واحده جارتنا من الصبح بس هيا ف عماره تانيه وكلمت قرايبي وافقو اني اعيش عندهم وحد جاي ياخدني بس قالو هيقفو قدام اهلي انا خايفه المشاكل تزيد واكون انا السبب وانا مش غلطانه اني مشيت عشان أنا روح مش حجر عشان استحمل كل ده كان المفروض اعمل كده من زمان اصلا
تم النشر الأربعاء، ١ أبريل ٢٠٢٦
@Nehal Nassar كلميها على الخاص مادامت مش بترد، كلمتك تليجرام صح؟
تم النشر الأربعاء، ١ أبريل ٢٠٢٦
سارة انتي كويسة ؟
تم النشر الأربعاء، ١ أبريل ٢٠٢٦
أهلك ربوكي على الضعف عشان كدا كنتي فريسة سهلة لهذا الخطيب السيكوباثي المجنون ...منغير كلام كثير لا زواج يتم .. ده مجرم ولو اتقفل عليكم باب هيجرم أكثر وهتفشل الجوازة وساعتها الناس هتتكلم برضو .. فكدا كدا الناس هتتكلم ... روحي لأخوالك وقرايبك وقولي لهم التهديدات اللي بيقولها ...... زواجك منه حرام شرعا لأنه إلقاء بالنفس في التهلكة
تم النشر الأربعاء، ١ أبريل ٢٠٢٦
سارة عاملة ايه لعلك بخير طمنيني عليكي وهل في جديد ؟
تم النشر الثلاثاء، ٣١ مارس ٢٠٢٦
مفيش داعي للشكر انا معملتش حاجة انتي اللي عملتي
تم النشر الاثنين، ٣٠ مارس ٢٠٢٦
انا اللي ليا الشرف انا حبيتك اووي وكفايه انك نصحتني وخلتيني ابقي شجاعه واعرف ادافع عن نفسي انا مكنتش بختلط بالناس بجد شكرا ليكي
تم النشر الاثنين، ٣٠ مارس ٢٠٢٦
ونعم بالله
تم النشر الاثنين، ٣٠ مارس ٢٠٢٦
او ممكن يكون وجهه نظرهم خايفين عليا من كلام الناس انا مش عارفه افكر والشيخ بيكلمني ف الموبايل مش قدام اهلي اكيد هو مش عارف يعملي اي ولا اي ربنا يبارك فيه وهشوف اهلي ف الصعيد هيقولو اي ولو كده ومعرفتش انقل هبقي اروح علي الامتحانات بس
تم النشر الاثنين، ٣٠ مارس ٢٠٢٦
ولو لقيتي صعوبة في النقل من حيث الجامعة ممكن تكلمي جمعية حقوق المراة بيبقي ليهم معارف ومحامين هيسهلوا عليكي الموضوع المهم دلوقتي تتواصلي مع اهلك اللي في اسوان وتشوفي هل هيستقبلوكي ولا لاء لو لاء يبقي كملي طريق جمعية حقوق المراة او حقوق الانسان واطلبي انك تلتحقي بمراكز استضافة المرأة توفر مأوى آمن للسيدات المعنفات
تم النشر الاثنين، ٣٠ مارس ٢٠٢٦
موقف اهلك كعقاب يعني ؟وهل كلام الشيخ ليكي بشكل خاص بدون ما اهلك يعرفوا ولا هو قال لاهلك تروحي تعيشي ف الاقصر؟و اذا علي الجامعة ف ممكن تنقلي الجامعة لاسوان او الاقصر او قنا - قنا واسوان قرييبن من الاقصر 3 ساعات تقريبا من اسوان اذا ينفع اسالي في جامعتك وشوفي هيقولوا ايه واظن اهل الاقصر ناس كويسة وطيبين مش هيسبوكي في محنتك وانتي كمان ممكن تشتغلي هناك فترة مسائية بعد الجامعة علشان تصرفي علي نفسك
تم النشر الاثنين، ٣٠ مارس ٢٠٢٦
بس المشكله انا جامعتي في القاهره وحتي لو عيشت عندهم صعب جدا
تم النشر الاثنين، ٣٠ مارس ٢٠٢٦
ربنا يقويني واعمل كل اللي اقدر عليه عشان اخلص منو
تم النشر الأحد، ٢٩ مارس ٢٠٢٦
يعني قرار نهائي أتنازل بمقابل الانفصال
تم النشر الأحد، ٢٩ مارس ٢٠٢٦
@Nehal Nassar كلمى سارة هنا
تم النشر الأحد، ٢٩ مارس ٢٠٢٦
انا يعتبر اصغر حد فيكم سنا بجد وانا بقراء كل كلامكم مبسوطه و مرعوبه فى نفس الوقت القصص إللى بشوفها فى الأفلام او الروايات طلعت حقيقي فى الواقع انا مرعوبه عليها وان ازاى استحملت ده كله وازاى عدت بكل لحظات الخوف و الرعب دي لوحدها وان فيه ناس مريضه بالشكل كده بجد مصدومه انا انبسطت ان فيه ناس لسه كويسه وقد ايه كلكم عايزين تسعدوها باللى تقدروا عليه قد اي هى وجعت قلبي بكلامها واتمنيت بجد انى اخدها فى حضني واخبيها من العالم ياريت كنت اقدر اساعد بحاجه والله ما كنت هتأخر لحظه اسفه ليكي و لكل اللى مريتي بيه انتي حقيقي انسانه قويه وشجاعه جدا وطيبه بجد انا موجوده واحب جدا اني اكون صديقه ليكي ربنا يعوضك خير عن كل اللى فات ويسعد قلبك وتقابلي ناس شبهك وطيبه زيك بدايه جديده ليكي حاولى تنسي اللى فات وارميه ورا ضهرك دا كان ابتلاء من ربنا وربنا مش بيبتلى حد الا لو كان بيحبه عشان يشوف صبره وتحمله وانتي عديتي منه الحمدلله +طمنيني عليكي
تم النشر الثلاثاء، ٧ أبريل ٢٠٢٦
سارة فينك يا بنتي طمنيني عليكي
تم النشر الثلاثاء، ٧ أبريل ٢٠٢٦
سارة ازيك عاملة ايه طمنيني عليكي ايه الاخبار
تم النشر السبت، ٤ أبريل ٢٠٢٦
طيب كويس الحمد لله ان شاء الله الامور هتمشي زي الفل
تم النشر الجمعة، ٣ أبريل ٢٠٢٦
عملتي ايه مع اهلك قريبك جه ؟ انتي فين حاليا ؟
تم النشر الجمعة، ٣ أبريل ٢٠٢٦
اه صح افتكرت انا نهال بس مش استاذة نهال +ان انتي اللي استاذة سارة لان انا اصغر منك ف اذا حابة تعتبريني اختك الصغيرة ف يكون ليا الشرف ولو حابة نكون اصحاب ونتواصل ف كمان هيبقي ليا الشرف
تم النشر الاثنين، ٣٠ مارس ٢٠٢٦
ياريت ربنا ياخدني عندو
تم النشر الاثنين، ٣٠ مارس ٢٠٢٦
معرفش بيحصلي كده لي اساسا محدش بيحبني
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا