انا داخله تالته ثانوي عام ومعنديش بجد اي هدف خالص ومش عارفه انا نفسي ادخل كليه اي وبجد حياتي مدمره وكسل غريب ومش هقدر انزل جيم لاسباب صحيه الفتره دي وقاعده ف البيت اربعه وعشرين ساعه مش بعمل اي حاجه يادوب اروق الشقه وقاعده ع الفون ونفسي أطور من نفسي وابق مثقفه
السلام عليكم، أولا ألف سلامة عليكِ. ** بصي أهم حاجة حاجة في الثانوية العامة إنك متاخديش السنة على أعصابك وتتوتري. لو معندكيش هدف وكلية محددة عادي مش مشكلة، خلي هدفك تتفوقي وتجيبي مجموع عالي بحيث يكون في النهاية عندك خيارات لكليات كتيرة تقدري بعد كده تختاري بعد ما تتعرفي على كل كلية وتحددي الأنسب لك وقتها، كده هتكوني أنت حرة ومش التنسيق اللي هيجبرك على اختيار معين ممكن في النهاية ميناسبكيش. فركزي على ده ومتفكريش في احتمالات الكليات حاليا. **** بالنسبة للكسل، فطبيعي النفس بتحب تفضل داخل دائرة الراحة، وأي شيء فيه بذل مجهود بيعتبر بالنسبة للعقل نوع من الألم فبيتدخل عشان يحميكِ من الألم ده. فدربي نفسك على خداع العقل عشان تتغلبي على التسويف ده. يعني متفكريش إن هقوم أعمل المهمة الفلانية في وقت طويل، قسمي المهام لأجزاء صغيرة، فلما تقولي هقوم أعمل خمس دقايق تمارين بسيطة ولا هقرأ صفحة أو اتنين من الكتاب الفلاني... فالخمس دقايق دول ولا الصفحة مش مجهود كبير. *** تطوير النفس، متخليهوش حجة للتسويف عن المذاكرة. ممكن تخصصي ساعة واحدة في اليوم لمهارة واحدة تتعلميها إلى جانب المذاكرة، أو على حسب تنظيمك لوقتك لما الدراسة تبدأ. يعني لا تتقلي على نفسك بأهداف تطوير الذات لأن أحيانا ده بيكون نوع من الهرب من المسؤوليات الأهم. الإجازة استغليها قدر الإمكان لكن لما تبدئي دراسة حددي أولوياتك. *** مش لازم تنزلي جيم على فكرة، ولا ضروري تلعبي تمارين تقيلة قفز وكارديو وهكذا... ممكن تنزلي تطبيق لتمارين التمدد وتمارسيها عشر دقائق في اليوم هتفرق في نشاطك ورشاقتك. ده تطبيق حلو لو حابة أرشح لك حاجة. https://play.google.com/store/apps/details?id=stretching.stretch.exercises.back&hl=en وأهم من اللي فات استعيني بالله وتوكلي عليه، لو أنتِ مسلمة اقرئي سورة البقرة يوميا ورددي كتير (لا حول ولا قوة إلا بالله العلي العظيم) هيفرق كتير في علاج الكسل وفقدان العزم. شوفي الفيديو ده 👇 https://www.youtube.com/watch?v=bOgTtEvI298 ودول عشان الفتور والكسل👇 https://www.youtube.com/watch?v=SH89RETeoQk&t=306s https://www.youtube.com/watch?v=U6vbAPN8oOM&t=5s ربنا يوفقك.💚
تم النشر الأحد، ٥ يوليو ٢٠٢٦
بصي، من رأيي المشكلة مش إن معندكيش هدف، المشكلة إنك حاطة في دماغك إن لازم يبقى عندك حلم كبير أو كلية معينة عشان حياتك يبقى ليها معنى، وده مش صحيح. خلي هدفك في المرحلة دي إنك تجتهدي وتتعلمي وتبذلي اللي عليكي، وتتفوّقي في أي مكان ربنا يكتبهولك، لأن ده اللي في إيدك فعلًا. أما إنك تربطي قيمتك أو سعادتك بكلية أو طريق واحد، فده ممكن يتعبك جدًا لو الأمور مشت بشكل مختلف، مع إن الخير ممكن يكون في مكان عمره ما جه في بالك. وبرضو متقعديش مستنية الشغف ينزلك من السما، لأن أغلب الناس اكتشفوا هما بيحبوا إيه بعد ما جربوا واتعلموا. اقري كتب، اسمعي بودكاستات، احضري دورات على يوتيوب. كل تجربة هتعرفك بنفسك أكتر ومع الوقت هتلاقي الطريق بدأ يوضح لوحده. حاجه كمان..متحكميش على حياتك وهي لسه في أولها. يمكن ربنا لسه مخبيلك طريق أحسن بكتير من اللي إنتِ متخيلاه، لكن دورك دلوقتي إنك تسعي، مش إنك تعرفي كل حاجة من البداية.
تم النشر السبت، ٤ يوليو ٢٠٢٦
أولاً، أنا فاهمة تمامًا اللي بتمرّي بيه يا بنتي، وده شعور طبيعي جدًا في مرحلة الثانوية العامة، خاصة مع الضغط النفسي والجسدي اللي بيحصل. الإحساس بالكسل والضياع مش عيب، ده غالبًا نتيجة تراكم التوتر والخوف من المستقبل، ومش معناه إن حياتك مدمرة، بل ده مرحلة انتقالية ممكن تتحول لفرصة لإعادة البناء. كونكِ قاعدة في البيت 24 ساعة ومش قادرة تنزلي الجيم بسبب صحتك، ده مش بيمنعكِ من التطور، لأن التطور الحقيقي بيبدأ من الداخل بالعادات الصغيرة اليومية. ابدئي بخطوات عملية بسيطة عشان تكسري دائرة الكسل تدريجيًا. مثلاً، حددي وقت يومي ثابت (حتى لو 30 دقيقة) للقراءة في كتاب أو موضوع يهمكِ، زي كتب التطوير الذاتي أو التاريخ أو العلوم، عشان تبني ثقافتكِ خطوة بخطوة. جربي تكتبي يوميًا 3 أشياء صغيرة شاكرة ليها أو أهداف بسيطة زي "أتعلم كلمة إنجليزية جديدة" أو "أرتب غرفتي بطريقة منظمة"، ده هيساعدكِ على التركيز ويقلل الشعور بالضياع. كمان، استغلي الوقت في استكشاف اهتماماتكِ من خلال مشاهدة فيديوهات تعليمية أو الاستماع لمحاضرات عن مجالات مختلفة زي الطب أو الهندسة أو الأدب، عشان تقدري تحددي الكلية المناسبة بناءً على شغفكِ مش الضغط الخارجي. تذكري إن طلب العلم فريضة في الإسلام، وده هيمنحكِ طاقة إيجابية. لو عايزة أفكار أكتر عن كيفية التعامل مع الضغط ده أو أمثلة على عادات يومية، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة على التغيير، وكل خطوة صغيرة هتكبر مع الوقت، خليكِ لطيفة مع نفسكِ واستمري. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ٤ يوليو ٢٠٢٦
مش لازم تتطورى من نفسك الفترة دية العبى ورفهى عن نفسك الشهر دا بس لازم تقللى فون لازم لازم مش لازم تحددى هدف او كلية بس على الأقل لازم تدركى انك لازم تجتهدى وتجيبى أخرك وهدفك يكون ان انتى تعملى اللى عليكى علشان دية سنة مهمة فى حياتنا ف لازم نديها كل طاقتنا ربنا يوفقك 🤍
تم النشر الأحد، ٥ يوليو ٢٠٢٦
اقرى قران و اسمع خطب لحد زى الشيخ سمير مصطفى و الدكتورة هاله سمير
تم النشر الأحد، ٥ يوليو ٢٠٢٦
لعرض السؤال في فدني اضغط هنا