في البدايه كده خليني اقولك انك من كلامك واضح انك مريتي بوقت وبظروف صعبه جدا اثرت عليك بالشكل ده ممكن يكون المحيط اللي حواليك مش قادر يتعامل معاكي او مش فاهمك او ممكن انت تكوني من كتر اللي مريتي بيه ما بقيتيش عايزه تتعاملي مع حد خليني اقول لك ان اول خطوه عشان نحاول ان احنا نخرج من الدايره دي في البدايه خالص انك تتقربي من ربنا بمعنى ان يكون قلبك معاه بتصلي وعندك يقين ان ربنا ممكن يكون بيحميكي من حاجات كثير علشان كده ما فيش ناس كثير في حياتك ثاني حاجه مستقبلك وهدفك ومذاكرتك دول اساسي قدام عينك انا ما اعرفش حياتك العائليه ازاي بس ممكن يكون في صديقه ليكي مقربه او حد من افراد اهلك تتكلمي معاه وتتعاملي معاه لانك محتاجه دعم نفسي كبير عشان يقدر انه يساعدك في دراستك وفي حياتك فحاولي ما تكونيش لوحدك وان يكون معاكي حد قريب منك ولو حد واحد بس او لايف كوتش الموضوع هيفرق معاكي جدا
لعرض الإجابة في فدني اضغط هنا