انا عايزه حل او حاجه أعملها مع اخويا عشان انا مضيقاله بجد ومش عارفه أعمل اي
هو في الجامعه و السنادي آخر سنه ليه ويتخرج من سنه أولى حب وآحده وكانوا شبه بيتكلموا قعدوا كدا كام سنه يعني فحكم الي بيحبوا بعض واحنا عرفنا وهو كان قايل لماما انو بيحبها جدا وكان عايز يتجوزها في أسرع وقت حتى كان عايز يشتغل بسرعه وبيتفق مع بابا على الشقه وكدا وفاتحه في الموضوع
وفضلوا هما يتقابلوا فالجامعة عادي وبتاع معرفش تفاصيل آوي الصراحه بس الي اعرفه انهم كانوا بيتكلموا بغرض الجواز وماما مكانتش متقبلاها آوي و شايفاها مش شبهنا وكدا حتى كان ممكن يتخانق مع ماما على حاجات زي دي
المهم بعدها بكام سنه اللي هو السنه اللي فاتت بدأوا أهلها يزنوا عليها عشان كان بيجيلها عرسان كتير وهي بترفض وكانت مستنيه أخويا فبعد الضغط وكدا اخويا ادى كلمه لأهلها من غير ما يرجع لبابا إن هو وبابا هيروحوا يزوروهم
حصل مشكله هنا طبعا بين اخويا وماما وبابا واتخانقوا علشان عمل كدا من نفسه وكمان لسه متخرجش المهم راحوا عشان يكبروه برضوا وكدا وهما مش راضيين اوي بس قالوا نشوف وبتاع المهم القاعده مكانتش أظرف حاجه آوي يعني متفقوش بشكل كامل وكان باين على باباها انو بيرفض بشكل مش مباشر لما شرط انو لازم يسكنوا جمبه مش هنا
فالموضوع تقريبا باظ وهي بعدها كلمته وبعتتله رساله طويله بتسيبه وبتقوله خذلتني وكدا معرفش بردو تفاصيل آوي وليه هي عملت كدا مرة واحده مكناش فاهمين آوي انا وماما،
طبعا هو اتضايق بعدها جدا أصبح مكتئب لفتره قعد لحد فتره معينه كدا وكان عندنا مناسبه في العيله كدا فرح ففك شويه أو بمعني أصح يعني كان باين عليه كدا بس فعلا مبقاش زي الاول اوي المهم رجعوا تاني بعد فتره يتكلموا او هي اللي بدأت يعني وبردو معرفش تفاصيل بس هي كانت عادي
وللأسف الشديد فجأة سمعنا انها هتتخطب يعني طبعا هو عرف الأول من صديق مشترك حصل بردو مشكله كبيره ساعتها و ساب البيت وكان بيكلم ماما وبابا بطريقه وحشه جدا اعتقادا منه انهم هما السبب عشان مكانش راضين من الأول على الجوازه وانهم مش بيزقوا في الموضوع يعني مع اني شايفه انو بابا عمل اللي عليه وزياده حتى رجع بعت للراجل بس هو مردش فطبعا رجع اكتأب تاني
وحاولنا نكلمه كتير ونقنعه لحد ما بدأ يهدى وتقبل الوضع بس الجديد بقى انو بالرغم انو عدا فتره على تقبله الموضوع والمفروض رجع زي الاول وبقى همه فعلا الدراسه وانه يتخرج عادي والمفروض نسي وخلاص خدت بالي كذا مره انو للأسف لسه متعلق بيها ومش قادر يتخطى بردو بلاقيه بيسمع اغاني حزن هو مش بيبين آوي بس هو باين طبعا حتى هو ممكن مش بيواجه آوي بس ممكن بطريقه غير مباشره يبين انو لسه مضايق إو مضايق من ماما مثلا عشان لسه مكنتش حباها
ودلوقتي بردو دخلت عليه لقيتوا بيشوف ستوريات إو سنابات حاجه كدا ولاحظت الدمعه بس بيحاول ميبينش بردو في عنيه هي المفروض عامله بلوك
المهم اسفه طولت انا بس بحكمي فعلا اخته الصغيره فمش عارفه كدا اتكلم معاه يعني مش متعوده اتكلم معاه في الحاجات دي آوي بردو هي كام مره لما كانوا مع بعض ونصحتوا بس انو لو في حاجه او حب يبقي جواز عشان حرام وكدا عشان انا عن نفسي مش بقتنع بالكلام كدا وخلاص من غير خطوبه فمش عارفه اصلا اقوله ايه إو اي الحل بس انا فعلا مضايقاله وعايزه خلاص بقى يتخطى فعلا ويرجع يشوف حياته و هي خلاص أصبحت مخطوبه وأكيد نفس الليله دي هتنعاد يوم فرحها
فانصحوني ومش عايزه ادخل ماما فالموضوع مفيش في إيدي غير اني ادعيله ربنا يهديه
يا سارة حبيبتي، أنا ذكية، وفهمت قصة أخوكي كويس جداً، وأشعر بضيقك عليه بجد.. ده ألم طبيعي لأي حد بيحب ويفقد، خاصة لما يكون في آخر السنة الجامعية وهمه الدراسة والمستقبل. ربنا يهديه ويفتح قلبه على خير أحسن منها، آمين. إيه اللي تقدري تعمليه دلوقتي كأخته الصغيرة؟ (خطوات عملية وبسيطة، عشان متعبوش نفسك): كلميه بلطف ومن غير ضغط : اجلسي معاه في وقت هادي (مش وهو بيدرس)، قوليله حاجة زي: "يا حبيبي، أنا شايفاك متضايق وأنا جنبك دايماً. ربنا كاتب لك اللي أحسن، وده اختبار عشان تطلع أقوى. خلينا نركز على تخرجك الأول، وأنا هساعدك في أي حاجة." متفتحيش الموضوع بالتفاصيل، بس أظهري إنك فاهمة وداعمة. ده هيخليه يفتح معاكي شوية شوية. شجعيه يقطع الاتصال تماماً : قوليله يمسح الستوريات والسناب بتاعها فوراً (حتى لو بلوك، اللي بيحزن مش بيتابع). ده أول خطوة للتخطي، زي ما بنقول "عينك ما تشوفش اللي بيضايقك". ركزيه على أهدافه : ساعديه يعمل جدول يومي: دراسة + رياضة (مشاية أو جيم عشان يفرغ طاقته) + صلاة وقرآن (سورة الشرح كويسة للضيق). قوليله: "تخيل بعد شهرين هتتخرج وتبدأ شغل، وده أحلى انتقام للي فات!" من منظور إسلامي : الحب ده كان غلط من الأول عشان مش خطوبة شرعية. الصيام والدعاء هيهدوه. شجعيه يدعي: "اللهم ارزقني زوجة صالحة ترضيك"، وربنا هيجيبله خير كتير. متدخليش ماما زي ما قلتي، بس لو استمر الاكتئاب قوي (مش بياكل أو مش نايم)، اقترحي عليه يشوف دكتور نفسي سريع. ابحثي في فدني عن أسئلة مشابهة أو روحي صفحة الخبراء https://www.fedni.net/experts، هتلاقي خبراء في الاستشارات النفسية والحياتية هيساعدوكم أكتر. أنتِ بطلة إنك عايزة تساعديه، ربنا يجزيكِ خير ويهديه يا رب. لو عايزة تفاصيل أكتر، قوليلي! 💕
تم النشر الأربعاء، ٧ يناير ٢٠٢٦
"مجرد ما يحب غيرها هينساها " لكن المهم هو مسقبله دورك هو انك تخليه يركز في مستقبله ، خليه يملي حياته اليومية بكل انشطه من رياضه من قراءة ، ويقرب من ربنا ، البنات عموما بيحبوا الإنسان الطموح الشاطر لازم تفهميه كده ، اتكلمي معاه ، فما أعظم الصداقه بين الأخ والاخت لكن بدون ما تسأليه عن الماضي ، وقربي منه شوي ، بشوي ، مينفعش كلام فجأة لازم تقربي منه خطوه خطوه ونسأل الله له التوفيق والسداد
تم النشر الخميس، ٨ يناير ٢٠٢٦
انتى اتكلمى معاه عادى وحاولي تشغلي وقتو وتقربي منو وشجعوه على انو يخطب ويشوف بنت تانيه بالحلال بس متضعطوش عليه وخلي حد كبير يكون هو بيحبوا وبيحترمو يتكلم معاه وكمان خليه يقلل من التليفون وانتى فهميه إن لو هي أو أهلها كانو شارينوه مكنوش هيعملو معاه كده وهو فعلا وفى بالوعد وراح بس هما مكنوش قد الوعد ده اصلا وبالراحه كده وفهمي الدنيا ماشيه ازاي بس بدون ضغط خليه يتكلم عشان هو اللي حابب يتكلم ويفضفض وخلي مامتك تقرب منو وباباكى ويديلو حنان واهتمام متزايد ويشجعو يتخرج ويأمن مستقبله
تم النشر الأربعاء، ٧ يناير ٢٠٢٦
حاولى تدخليه فى جو العائله أكثر يعني حاولى تخليه معاكم عشان لما يكون لوحده هيفضل يفكر ووعلى قد ما تقدر الهيه عن الهاتف مش عارفه اى بالظبط بس حاولى ترجعى شغفه للحياه
تم النشر الجمعة، ٩ يناير ٢٠٢٦
انتي مش هتعرفي تعمليله حاجة غير انك تدعيله وبرضو حاولي تخليه يقرب من ربنا اكتر لان الواحد في اللحظات دي مش بيحتاج اد انه يرجع لربنا عشان يفتكر ان الدنيا فانيه وربنا يهون عليه. ولو انتي عارفه الحاجات اللي بتبسطه اعمليها وحاولي تفرحيه وتخليه قريب منك ومن عائلتك عشان يعوض غيابها شويه بس متقلقيش هو هيقعد وقت لحد ما ينسى طبيعي.
تم النشر الخميس، ٨ يناير ٢٠٢٦
لعرض السؤال في فدني اضغط هنا