أنا بتعرض للعنف الاسري ديما
امي بحسها بتبقي مبسوطة وبتفرض سيطرتها عليا لما تضرب او تشتم او تزعق فيا وأنا لازم أقول حاضر
ديما بتقولي أنا لو قتلتك المفروض مسمعش منك صوت
بابا وماما ديما في خناقات مع بعض هو مش بيحبها ولا بيحبنا عشان احنا بنات، لما بيعمل اي حاجه بيفضل يقول أنا بعمل عشانكم وانتم متستاهلوش ،بس الحقيقة هو بيعمل عشان شكله قدام المجتمع والناس
اما بقي عن اخواتي عمري ما وثقت فيهم عشان ماما مشغلاهم جواسيس عليا ، والفكره برضو انهم بيعيشوا اللي أنا بعيشه بس بنسبه اقل
يعني مثلا أنا الوحيده اللي يضرب في البيت مع ان سني كبير مش صغيره ، شايفيني متمرده وان بضربهم ليا كدا هيوقفوني
ديما بيقارنوني ، ديما في انتقاد علي لبسي شكلي ، وشكل جسمي ، وتصرفاتي اللي ديما بيشوفوها آني بعملها عشان اجذب انتباه الرجاله
من سنة 2020 دخلت في علاقه محرمه ، يعني كان كلامنا كله شات بس. ، وقتها أنا كنت صغيرة ومش فاهمه ان ده غلط وحرام ، ماما لما عرفت فضحتني قدام العيله كلها ، وطبعا كل شويه اضرب ، وكل حاجه في حياتي محسوبه
بقالي اربع سنين في عذاب حرفيا .
كبرت ودخلت اسنان ، أنا لسه في أولي اسنان
كانت المواد صعبه عليا وأنا كنت مشتته ، شلت مواد
قولت لامي بس مقولتش لبابا ، حصلت مشكله بيني وبين واحده صاحبتي ،فتنت عليا وراحت قالت لبابا
بابا رن عليا وفضل يدعي عليا ويقولي حسبي الله ونعم الوكيل ، أنا كل شويه هدفعلك فلوس ، للعلم بابا حالته الماديه كويسه جدا جدا جدا
رجعت بيتنا ، عشان أنا مغتربه واحد دلوقتي بيسمعوني كلام وحش اوي. ، وبما فيها مقارانات بكل الناس
أنا تعبت وعايزه أخلص علي حياتي بس المشكلة انه حرام
ومش قادره اذاكر اي حاجه ومش قادره اتحرك من علي السرير ، ومعنديش اي طاقه
وبدأت آذي نفسي جسديا ونفسيا بشكل بشع
أنا بنتهي
الف سلامة عليكي يا قمر🥺❤️، اقولك حاجة انا تعرضت للعنف الأسري من كل أهلي في مراحل مختلفة من حياتي حتي لو مش بأستمرار ف كان فترات، المهم اكتر حاجة الإنسان ال بيتعرض للعنف دا محتاج يسمعها..انتا متستحقش كدا❤️❤️، انتا افضل من كدا وأجمل من كدا وتستحق حد يحبك ويحترمك..وتستحق الحلو كلله الي ف الحياة❤️، دا الي هيرجعك عن طريق الأنتحار انك تسمعي الكلام دا من جواكي❤️، بصي المشكلة حلها كالآتي اصبري شوية وكملي دراستك وبعدها شوفي حد كويس تتجوزيه يخرجك من الدايرة دي، مش بقولك اهربي بالجواز..بس بقولك خلي هدفك انك تتعلمي وتختاري الشخص الصح ال هيعاملك المعاملة ال تستحقيها، وفي نفس الوقت ابعدي عنهم قدر الإمكان خليكي في السكن مثلًا في وقت الدراسة وانتي ف الإجازة تجنبي أهلك وربنا يعينك، ولو سمحتي متأذيش نفسك ❤️..انا بكلمك كإنسان كان بيأذي نفسه بردو جسديًا ومريت بكل المشاعر دي لو سمحتي متطلعيش غضبك منهم فيكي❤️..غضبك منهم طلعيه في هواياتك، طلعيه في شوية موسيقي، طلعيه بالقعدة في الزرع والخضرة، اخرجي مع واحدة جميلة زيك اتمشوا، انتي جميلة وصغيرة❤️ الحياة قدامك طويلة ارجوكي متضيعهاش وتضيعي اخرتك بالأنتحار..وافتكري ان مُعذبك في الدنيا هيتعذب في الآخرة وانا كإنسان تعرض للتعنيف والكره من طرف أهله صدقيني اوقات كتير بعيش بقول انا عايشة عشان اشوف عذابهم جزاءهم، زي ما عذبوني عايشة عشان اشوف الحقوق بتترد وربنا بيخلص، عيشي عشان دا❤️ انتي أجمل من انك تنتحري وتفرطي في روحك بينما في قصة تانية انتي إنسانة ناجحة وجميلة بتبني حياة بتاعتها هي وبس ويمكن بتتجوز وبتخلف وبتكون أحسن أم كمان❤️ انا كتبت كتيرر اووي انا آسفة بس صدقيني حاسة اني شوفت نفسي قدامي وانا في نفس الموقف، بقولك كل حاجة كنت بقولها او كان نفسي اقولها لنفسي ساعتها
تم النشر الخميس، ٢ مايو ٢٠٢٤
محتاجة طبيب نفسي فأسرع وقت سيطري ع الافكار وشوفي طبيب مناسب متستنيش
تم النشر الجمعة، ٣ مايو ٢٠٢٤
أبعدي فكرة الإنتحار دي من دماغك خالص لو مش همك الدنيا فكري في الآخرة أحنا موجودين في الدنيا وبنعاني ونجاهد فيها علشان خاطر نفوز بالآخرة دا الهدف الأول من وجودنا على الأرض أهلك مش هينفعوكي. يوم الحساب محدش هيتحاسب مكانك بلاش تخلي الشيطان يتمكن منك. قربي من ربنا وتوبي وادعي واحتسبي معاناتك دي عند ربنا ممكن تكون شفيعه ليكي
تم النشر الخميس، ٢ مايو ٢٠٢٤
أهلك هما السبب في الأذى اللي أنتي فيه أستغلي أغترابك في أنك تتعافي وترجعي استقرارك النفسي وركزي على دراستك لأن الكليات الطبية محتاجه نفسية كويسه علشان تعرفي تذاكري وربنا معاكي
تم النشر الخميس، ٢ مايو ٢٠٢٤
لعرض السؤال في فدني اضغط هنا