انا امي دايما كانت تسئ معاملتي تتنمر علي كل حاجه اعملها كبرت وانا بكرهها وبحس ان قلبها اسود قاسيه علي ، انا تعبت بقيت اعيط في الشارع من دعواتها بالموت عليا انا كمان ارد عليها وادعي بس ما بلحظات غضب غريبه بقت كل م تكلمني ارد عليها بالاساءه علي اي كلمه مش عارفه اعمل اي ادعولي ربنا يهديني انا مش عايزه كدا بتطردني من البيت مع اني بنت وحقيقي عيب اروح اقعد عند حد واقولو اني مطروده وبابا كان بيضربني علي اقل حاجه بكرهو جدا ضرب بالحزام مش بيسيبني غير لما اعيط وحتي بعد م اعيط وبعدها ينصحني المشكله اني مش بسمع نصيحتو بعد الضرب كل الي بسمعو صوت عياطي بس وكلام لنفسي اني قد اي بكرهو
بصي ، انا معرفش حجم الوضع اللي عندك بس لو انتي فعلا بتتعرضي للإيذاء والطرد من البيت احيانا ف تقدري تتصلي علي خط نجدة الطفل( 16000 ) دا لو سنك أقل من ١٨ سنة ولو سنك أكبر من ١٨ سنة فتقدري ترني علي المجلس القومي للمرأة (15115) متقلقيش التواصل معاهم بيكون في سرية تامة ، كل معلوماتك بتبقي في سرية ، المتخصصون بيلتزموا بعدم مشاركة بياناتك او حتي يفتحوا بلاغ رسمي الا برغبتك انتي . الوضع معاهم هيكون ماشي ازاي بصي اولا هيتابعوا معاكي الوضع من بعيد لبعيد كدا مجاني طبعا . هيسمعوا مشكلتك وهيوفرولك أخصائيين نفسيين يساعدوكي في التعامل مع الضغوطات النفسية مجاني وبسرية . ثانيا هيتدخلوا لحمايتك لما تبلغيهم بالعنف الأسري والإيذاء الجسدي او التهديد . هيوفروا ليكي مساعدة طبية مجاني لو لزم الأمر ثالثا يعني لو تطور الوضع واصبح شديد وفيه خطورة منكم ينقلوكي من البيت بتاعك لدور رعاية آمن تابع للدولة . ولو انتي اكبر من ١٨ سنة هيوفرولك محامي مجاني يتابع معاكي لو فيه محاكم في الموضوع .
تم النشر الثلاثاء، ٢٥ أغسطس ٢٠٢٦
أنا آسفة جداً إنك بتمري بكل ده، وأقدر إن اللي بيحصل معاكِ مؤلم ومرهق نفسياً، وإنك بتحسي بالغضب والكره ده طبيعي في ظروف زي دي. بس زي ما قلتِ، أنتِ مش عايزة تكملي كده، وده خطوة كويسة جداً لأن الكره بيأذيكِ أكتر ما بيأذيهم. من منظور إسلامي، بر الوالدين فرض، لكن الإسلام ما بيأمرش بالصبر على الإيذاء الجسدي أو النفسي المستمر، وحماية نفسكِ من الضرر أولوية. في نفس الوقت، الكره بيثقل قلبكِ ويمنعكِ من الراحة، فحاولي تحولي الغضب ده لطاقة إيجابية من خلال الدعاء. ادعي لنفسكِ بالهداية وللوالدين بالصلاح، وكرري دعاء "اللهم اهدني واهدِ والديّ"، وادعي إن ربنا يشفي قلوبهم ويبعد عنكِ الأذى. كمان اقرئي القرآن يومياً، خاصة سورة البقرة والمعوذتين، عشان تهدي قلبكِ وتتقوي. عملياً، لما تحسي بالغضب، حاولي تاخدي لحظة قبل الرد، وتتذكري إن الإساءة بالإساءة بتزود المشكلة. لو قدرتِ تردي بهدوء أو تسكتي في بعض المواقف، هتحسي بسيطرة أكتر على نفسكِ. ولو الضرب مستمر، فكري في طرق آمنة تحمي بيها نفسكِ زي إنكِ تبتعدي عن المواجهة المباشرة قدر الإمكان أو تطلبي مساعدة من جهة رسمية لو الأمر وصل لخطر حقيقي. ركزي على تطوير نفسكِ، زي الدراسة أو هواية بتحبيها، عشان تبني ثقتكِ بنفسكِ بعيداً عن آرائهم. ادعولكِ بالهداية والراحة يا رب، وإنكِ تلاقي السلام الداخلي. لو عايزة تتكلمي أكتر عن موقف معين، أنا هنا. وممكن تبحثي عن أسئلة مشابهة على فدني عشان تشوفي تجارب تانية.
تم النشر الثلاثاء، ٢٥ أغسطس ٢٠٢٦
بصي مترديش عليها في امهات كتير كدا يدعو ع أولادهم وكلام من دا بس والله يبتي ماتقلقي انتي حاولي كد م تقدري قالتلك اعملي كذا اعمليها من سكات تنمرت خدي بعضك واقعدي ف الاوضه هتردي الكلمه ب كلمه الوضع هزيد سوء وغير كدا يعني عيب بردك انا عارفه انك بتتعصبي وحقك بس دي امك ومحدش بختار اهله والله ف خليكي ف صلاتك وادعي ليها بصلاح الحال وحاولي تنزلي تشتغلي عشان نفسك وعشان تتجنبي بس الكلام الكتير وربنا يكرمك انا عارفه الوضع متعب ومرهق وانا حاسه فيكي بس صلي قيام الليل قولي يارب انا أقسمت بك اني عجزت عن الأمر دت ومليش غيرك ولو ليكي خالة أو عمه روحي بس لو عندهم شباب متروحيش والله يعينك ايام وبتعدي وهتبقي ذكري
تم النشر الأربعاء، ٢٦ أغسطس ٢٠٢٦
بصي يا بنت الحلال..حقك تزعلي وتتوجعي من كل اللي حصلك وده مش ذنبك خالص بس حاليا اهم حاجة تركزي على نفسك وتهدي وتتجنبي اي صدام او رد في لحظة غضب واسكتي وقت النرفزة عشان تحمي نفسك من الأذى وحاولي تشغلي وقتك بدراستك او شغلك عشان تسعي للاستقلال المادي وتدريجيا تبني حياتك وربنا يهدي سرك ويصلح حالك.
تم النشر الأربعاء، ٢٦ أغسطس ٢٠٢٦
لعرض السؤال في فدني اضغط هنا