هو ليه لما ببقي عايزة اجيب حاجه ونفسي اجيبها اوي وبعد اما اشتريها احس اني مش عايزاها وان مش هي الحاجة اللي انا عايزها واني كنت عايزة حاجة تانية
من كام يوم اشتريت حاجه كان نفسي فيها بقالي فترة وبعد ما اشتريتها حسيت بكدا ف رجعتها واشتريت حاجه تانية كان نفسي فيها برضو وحاسة نفس الاحساس دلوقتي
مش عارفة اي التردد ده
التردد دا غالبا سببه إن في حاجات كتير إنتِ محتاجاها و الظروف مش سامحه إنك تجيبي كل اللي محتاجاله مره واحدة .. فبالتالي كل ما تشتري حاجه وتكون في إيدك هيكون جواكي صوت بيقول كان الاولى أجيب كذا وأهم و عايزاه أكتر.. حل الموضوع ده إنك تكتبي كل حاجه نفسك فيها وكل ما تحسي نفسك في حاجة أو محتاجة حاجة تكتبيها و إبدأي رقميهم بحيث 1 أهم حاجه و 2 اللي بعدها وهكذا.. وخدي قرار إنك مثلا كل ما تيجي تشتري هتشوفي إيه اللي عليه الدور في الليسته.. وبكدة حتى لو اشتريتي حاجة وحسيتي إنك كنتِ عايزه حاجه تانية فعادي إنتِ فعلا محتاجه الحاجة التانية وهتجيبيها المره الجاية ..
تم النشر الأحد، ٢٦ مايو ٢٠٢٤
اتعودتى تسمعى تانيب من حد قريب منك كل ما تشترى حاجة وبقيتى انتى كمان بتعملى ده مع نفسك
تم النشر الأحد، ٢٦ مايو ٢٠٢٤
ده ممكن يكون عبارة عن نوع من عدم اليقين أو عدم الارتياح النفسي. بتحسي بالراحة والارتياح بالفعل قبل ما تشتري الحاجة وبعد ما تشتريها بتحسي بعدم الاقتناع. ده ممكن يكون دليل على ان حاجة معينة تسبب لك عدم الراحة أو ان احتياجاتك الحقيقية مش ملباة. جربي تسألي نفسك اسئلة حول ليه بترجعي الحاجات وازاي بتحسي بعدم الراحة بعدها؟ يمكن تساعدك تقارب الإجابة على الأسئلة دي على فهم السبب الحقيقي للتردد ده.
تم النشر الأحد، ٢٦ مايو ٢٠٢٤
لعرض السؤال في فدني اضغط هنا