أنا بعاني من أزمة نفسية وهوية بقالي سنتين من وقت ما بابا أجبرني ألبس الحجاب
شعري الطويل ولونه المميز كان جزء كبير من هويتي وثقتي بنفسي ولما لبسته غصب شكلي مابقاش عاجبني وأهملت نفسي تماما وحسيت إني بقيت وحشة والموضوع تطور وبقيت بخاف أروح مدرستي أو دروسي عشان محدش يشوفني بيه وكل ما أنزل وارجع أعيط لحد ما أتعب
بقيت بقارن نفسي بأي بنت وفقدت ثقتي بنفسي وبقى يجيلي توتر وقلق مش طبيعيين وأنا ماشية في الشارع بحس الناس بتبصلي باحتقار وبتتكلم عليا ولدرجة إني شكيت إن أصحابي بيتكلموا عليا فبعدت عنهم
والأبشع إن الضغط ده وصلني لتفكير إلحادي وبقيت أسمع لكلامهم وأقتنع بيه وأنا مرعوبة من المرحلة دي
أنا مش عايزة نصايح دينية ولا حد يقولي تقبليه أو الحجاب حلو أنا عايزة نصيحة إزاي أتكلم مع بابا وأفهمه المعاناة دي وأخليه يوافق إني أقلعه قبل ما الموضوع يوصل لمرحلة
أصعب
السلام عليكم، برأيي مشكلتك مش في الحجاب دلوقتي أو إزاي تقنعي والدك تقلعيه، المشكلة في الفكرة اللي أنتِ معتنقاها واستمدادك الثقة من شكلك الخارجي ونظرة الناس لك لدرجة إنك بقيتِ تتخيلي الناس بتنظر لك باحتقار وبيتكلموا عليكِ. وده أنا متأكدة إنه مش حقيقي، وحتى لو فيه نسبة منهم بيكرهوا الحجاب فهيبصوا لأي محجبة بضيق واستنكار، ده لا يمسك أنتِ ولا يمس هويتك وحقيقتك في شيء ومش من حق حد أصلا انتقادك أو التحقير منك أيا كان شكلك أو نوع لبسك. **** محتاجة تبرمجي أفكارك الأول إنك مرآة نفسك مش الناس ونظرتهم وتقييمهم هم مرآتك، هل فرضا لو الناس كلها مدحت شكلك بالحجاب فهتحبيه وتقتنعي برأيهم وهيبقى مفيش حاجز نفسي ساعتها وهتفضلي لابساه؟ هل لو الناس أو أصحابك بكرة طلعوا قالوا لك شعرك وهو قصير أحلى هتكرهي شعرك الطويل وتقصيه زي ما قالوا؟ *** طبيعي تبقي أحلى من غير حجاب وطبيعي تحبي شكلك من غيره وتحبي تشوفي شعرك طليق أو تبقي حرة في لبسك، لكن بلاش يكون ده السبب اللي بتبني عليه هويتك ولو نقص أو تغير فيه حاجة يبقى أنتِ كده فقدتِ هويتك، أعتقد أنتِ أكبر من مجرد شكل خارجي وطريقة لبس معينة. مش بحاول بكلامي أقنعك بالحجاب، الأمر يرجع لك في الآخر لكن جربي تتواصلي الأول مع مختصة نفسية أو لايف كوتش تساعدك في تخطي الحاجز النفسي ومشكلة استمدادك ثقتك بنفسك من نظرات الناس وتقييمهم. ****** قبل ما تتكلمي مع والدك صلحي أفكارك عشان تحددي أنتِ واقفة على أي أرضية وتقدري تتفاهمي معه وتقنعيه بكلامك وتوصلي له مشاعرك. *** أنتِ قلتِ منصحكيش دينيا، بس دي متعتبرش نصيحة دينية بالحجاب، ده عشان قلتِ بدأت تسمعي للأفكار الإلحادية. استعيني بالله وادعيه وتمسكي بصلاتك حتى لو عندك أي شكوك، وافصلي بين إجبارك والدك لكِ على الحجاب وبين علاقتك بربنا. قوي علاقتك بربنا ووقفي سماع للملحدين، لو مش عندك عقيدة قوية وفاهمة دينك طبيعي هتتأثري بكلامهم. متخليش عقدتك النفسية أو نظرتك لنفسك بالحجاب تكون سبب في خسارة دينك وعلاقتك بربنا لأنها هتكون أكبر خسارة في عمرك كله. فكري كده وخدي خطوة التواصل مع مختصة وربنا معك ويصلح أحوالك.💚💚
تم النشر الأحد، ٤ أكتوبر ٢٠٢٦
مين قال ان الحجاب حلو ؟؟؟؟ .. الحجاب شيء يخفي الزينه فكيف يكون حلو ! هو امر الله وكل اوامر الله النفس تهوى عكسها فمثلا الناس تحب الراحه والله امرنا باقام الصلاه وفي اقامه الصلاه بذل مجهود فهذا عكس ما تحبه النفس ونفس البنت تحب الزينه واظهار الزينه والله امر النساء بالحجاب واخفاء الزينه وده ليه اسباب كتير جدا جدا ومنها الحفاظ على المراه وعدم اذيتها وايضا عدم فتنه الرجال بها فانت الان تحتاجي الى المجاهده مجاهده النفس حتى لا تهوى بك نفسك الى النار
تم النشر الأحد، ٤ أكتوبر ٢٠٢٦
بس لو موضوع كبير اوي معاكي اصلا فلازم فورا تطلبي المساعدة من مختص
تم النشر الاثنين، ٥ أكتوبر ٢٠٢٦
بس عموما يعني انا بقولك مفهوماتك اصلا غلط وبس لو تسمعي المفهومات الصح على الاقل خالص تفكيرك هيتغير وهتعرفي الصح من الغلط على الاقل حتى لو تقيل على قلبك، فانت غيري مفهوماتك بانك تسمعي للمكان الصح
تم النشر الاثنين، ٥ أكتوبر ٢٠٢٦
النبي صلى الله عليه وسلم أنه قال: «إنَّ لِكُلِّ عَمَلٍ شِرَّةً، ولِكُلِّ شِرَّةٍ فَتْرَةٌ، فَمَنْ كَانَتْ فَتْرَتُهُ إلَى سُنَّتي فَقَدْ اهْتَدَى، ومَنْ كَانَتْ إلَى غَيْرِ ذَلِكَ فَقَدْ هَلَكَ، فانتي دلوقتي في ابتلاء فحاولي ايه، تعملي الصح، ومترضيش ابدا ابدا بالغلط ، يعني ممكن انسان يعمل الغلط او الذنب وهوا مش حابه وبيحاول دايما يتخلص منه وبيرجع وبيجي ، وفيه فرق بين حد اصلا في غفلة وبيتناسى الموضوع وبيتعايش وراضي بيه ومش بيبذل مجهود ولا معترف بتقصيره ، وفي معنى الحديث فقد هلك إن مات على ذلك طبعا واستمر
تم النشر الاثنين، ٥ أكتوبر ٢٠٢٦
وموضوع الحجاب وابوكي، يعني انا شايف انك تبحثي في الموضوع وتفكري بشكل عادل وموضوعي يعني انا نفسي بتقول كذا وربنا بيقول كذا، طب انا هفكر طب هسأل طب هجرب، حاولي متستسلميش من الاول للشيطان وللدنيا وحاولي تجاهدي نفسك وبرضوا الانسان ضعيف كدا كدا ف لو انتكستي او رجعتي لورا حاولي تعرفي ترجعي بسرعة
تم النشر الاثنين، ٥ أكتوبر ٢٠٢٦
وموضوع الحاد وكلام ده متقلقيش انت مؤمنة بس بلاش تتفرجي على المحتويات دي عشان متتأثريش بكلامهم الغلط اصلا ومهما جابوا من شبه جديدة او اخترعوا شبه هتلاقي مليون من يرد عليها بالأدلة لان دينا كامل فمهما روحت يمين شمال هوا صح كدا كدا
تم النشر الاثنين، ٥ أكتوبر ٢٠٢٦
اقسملك بالله من كل قلبي يعني اسمعي درس يصلحلك مفهوماتك وخلي بالك كلنا او انا كنت كدا برضوا كان عندي مفاهيم كتير غلط انا شايفها انها غلط بس لما سمعت درس كنت الحاجة دي مستحيل افرط فيها لدرجة نادمان اساسا على التخلف الي انا كنت فيه
تم النشر الاثنين، ٥ أكتوبر ٢٠٢٦
حاسة بيكي انا كمان كنت كدة وكنت ناوية اخلعة لما اكبر بس بعدين بدأت أفكر وهو انا المفروض الحجاب يكون شكلي بية حلو لا مش المفروض لأن هو اصلا بيخبي جمالنا فطبيعي جدا يبقي شكلي من غيرة اجمل طيب السؤال التاني انا بلبسة لية عشان ابقى الحلوة أو عشان الناس ولا عشان ربنا اكيد عشان ربنا هو الي امرنا بكدا وعشان كدا بنلبسه هتقعدي فترة عبال متقتنعي بيه وتتعودي عليه بس انصحك تقرأي كتير في الدين وتصاحبي بنات كويسة عشان تقارني نفسك بيهم لأن زي ما في بنات كتير مش لابسة الحجاب في بنات كتير لابساه احنا بنحاول نجاهد نفسنا ومنعبدش شهواتنا وهوانا احنا بنعبد ربنا وركزي في موضوع عبادة الشهوات والهوى لأن انتي في فعلا محتاجة تسألي نفسك في حاجة انا بعمل كدا ليه وهل الي انا عايزة اعمل كدا ولا لازم اعمل كدا ولا ايه
تم النشر الاثنين، ٥ أكتوبر ٢٠٢٦
لعرض السؤال في فدني اضغط هنا