ماذا أفعل في علاقتي بهذا الشخص مع صعوبة موافقة أهلي على خطبتي في سن صغيرة؟

Question

هو مبدئيا انا عارفه انه مشكلتي ممكن تاخد تريقة كثير بس انا رغم كل ده انا هتكلم عادي وهحكي اولا انا بنوته عندي 17 سنه اتعرفت على واحد اصغر مني بسنتين قابلنا ونزلنا كذا مره وكنا بنتكلم في التليفون لان الشخص ده هم بيعرفش يقرا ويكتب بس هو يعني المفروض ان هو مؤخرا راح الامتحانات وكده وامتحن وبدا تاني يعني يتعلم وكده. المهم انا اتعلقت بالحد ده وارتحت له وبقى بينا حبه وبقى بينا ذكريات وبقى بينا حاجات حلوه كتير حاجات يعني تخليني مش سهل ان انا اسيب الشخص اللي قدامي ده. المهم هو لحد ده دلوقتي بيقول لي ان هو معندوش مشكله يجي يخطبني النهارده قبل بكره بس انا طبعا رافضه رافضه ليه بقى لان اكيد مش هينفع انا داخله على ثالثه ثانوي سنه مهمه مبدئيا مامتي وبابا مش هيخلوني طبعا دلوقتي ان انا اتخطب او اي حاجه خالص غير على الاقل على الاقل لما اخلص ثالثه ثانوي دي مش قضيه انا عندي صبر عادي استحمل ثالثه ثانوي مش مشكله بس بعد كل ده برده انا مش ضامنه حوار الخطوبه ليه ان انا حاولت فاتح امي كذا مره في الحوار ده بطريقه غير مباشره قالت لي لا طبعا انت انا مش هخطبك في السن ده الواحد اصغر منك بسنتين مثلا او قدك مش هينفع. لما بقى لو انت عايزه كده تستني حتى على الاقل لما تبقي في سن جواز او خطوبه لكن ما تبقيش عيله وتتجوزي واحد عيل يعني. بس انا ما كنتش باصه الجواز والله انا كنت باصله لخطوبه انا مش مطمنه ومش مبسوطه من اول يوم رغم إنه عمل لي حاجات كتير بسطاني بس يعني زي ما تقولوا كده حوار اللي هو ان انا بعمل حاجه من ورا اهلي وبعمل حاجه تغضب ربنا بيبقى من عند ربنا كده انت حاسس بغصه في قلبك انت مش مرتاح وعمرك ما هترتاح فانا حاسه بكده انا تعبانه انا كان نفسي كل حاجه تبقى في النور. نخرج عادي قصادهم نعمل نسوي غير كده انا من النوع اللي هو بيزعل من اقل حاجه بتيجي من الشخص ده انا دلوقتي لو رنيت على حد ده دلوقتي ولقيت التليفون مقفول انا بقعد اعيط وممكن أنهار طب هو ايه اللي حصل طب ومش هيكلمني طب هو مع مين طب هو معرفش ايه انا بقيت بتعب بجد انا اقسم بالله اللي انا جوايا دلوقتي ما حدش يعلم بيه غير ربنا حاسة بإحساس بشع قوي انا حاسه ان انا بخسر اغلى حد في حياتي واكتر حد انا شفته حاجه كبيره.حاليا في فتور كده في زهق مش عارفه مش حاسه ان احنا زي الاول. مش كانها حتى لو حكيت لمشي فيه كذا كذا وحد بيكلمه او حد شافني وهو اصغر مني بسنتين وعايز يتقدم لي وكده ايوه مش هترضى هي هتنصحني بس يعني هي حتى كذا مره لما كانت تشك في كانت تقول لي طب كنت قولتي كنت نصحتك وكده وانت تقولي لي كنت نصحتك ما قالتليش كنت هاخدك اخطبك ليه مثلا خلاص كل حاجه تبقى في النور ما قالتليش كده الحوار يزعل قوي بالنسبه لي الحوار يزعل بجد. وانا مش عارفه اعمل ايه انا كنت انا بتكلم والله دلوقتي وبسجل وانا فعلا كنت بعيط. انا زي ما مهم ان مبقاش فيه علاقات محرمه في حياتنا ان احنا ما نعملش حاجه غلط المهم بجد ان الشخص تفضل في حياتي من غيره انا تعبانه مليش غيره اصلا. وانا هتعب اكتر لو جيت عشت في يوم دور البنت اللي بتيجي تمسك ايد الولد وتقول له ما تسيبنيش بالله عليك انا بحبك بتنفض لي ليه انا هتعب. وانا بتعب وانا بعمل حاجه غلط برده من ورا اهلي انا مش طالبة منهم حاجه انا كل اللي عايزاه انا والشخص ده هنتخطب وانا عادي والله ما هقابله ولا هعمل اي حاجه غلط بس انا احس ان اهلي عارفين عايزه بس احس ان اهلي عارفين

Accepted Answer

السلام عليكم ورحمه الله وبركاته كتكوته وصغنطوطه وايه اللي بيحصل في السن ده علشان انت تبقي فاهمه بيحصل في السن ده حاجات جديده بتبدا تظهر جواكي ومن الحاجات الجديده اللي بتبدا تظهر هي المشاعر اللي اول مره تتعرفي عليها مشاعر الانجذاب مشاعر الاحتياج تاني مشاعر انه حد يبادلني كلمات لطيفه وحبه ويحسسني انه هو اختارني من وسط كل دوله احساس ان انا مميزه احساس انه انا جميله في كل صفات دي وفي شكلي وفي كل حاجه كل المشاعر والاحتياجات اللي بتظهر في المرحله دي بدايه من اول 12 13 سنه كده والموضوع ده بيفضل مكمل لحد العشرينات عادي جدا المرحله دي في حياه اي بنت ما ينفعش في وقتها نقول لها اتفضلي قرري قرار مصيري يكمل معك لبقيه عمرك ليه لانها لسه بتتعرف اصلا على الحاجات اللي طالعه من جواها فانت وانت بتتعرفي على الحاجات اللي جواكي بتقابلك حاجات من بره في الحياه بتتفاعلي معاها فانت قدامك حاجه من الاثنين يا اما هتهدي كده والاول تعرفي نفسك كويس عشان تعرفي تتعاملي وتتفاعلي مع الحاجات اللي بره في الحياه صح وتتاكدي من الحاجات اللي بره في الحياه دي شبه اللي انت اخترتيه لنفسك ولا لا لكن ااا لو ما اخترتش. كده وسبت نفسي كده لمهب الريح او سبت نفسي للموجه انا هلاقي نفسي بعد ما الموجه خلصت ووصلت على الشط الاقي نفسي متعلق فيا حاجات كلها انا مش عايزاها وهبدا احاول اتخلص منها والتخلص منها هيكون صعب خصوصا لما يكون اختيار زي ده اختيار للجواز انا عارفه بقى من جمله كده انت قلتيها في النص انك مش عايزه تتجوز الشخص ده وانت عارفه ان الشخص ده مش مناسب للجواز بس انت عايزه تعيشي المراحل بتاعه الحب واللطافه وتبادل الهدايا وان هو يجي يزورك وايه الحاجات اللطيفه دي في النور موافقه بخطوبه وخلاص خليه يجي يخطبني وبعد كده نبقى نفس الخطوبه انا عارفه ان الكلام ده جواكي وده باين قوي من جمله اللي انت قلتيها فخلي بالك كويس قوي عشان ما تبقيش بتضحكي على نفسك ولا يبقى الشيطان بيضحك عليك خلي بالك كويس جدا ارجوكي فبلاش بقى انا مقرف مع الموجب عشان مفيش حاجات تتعلق فينا واحنا بعد كده منعرفش نتخلص منها ونلاقيها لبست فيها ونسمع كلام الناس الكبار اللي هم عدوا بالمرحله دي قبليكي وعارفين عواقب القرارات اللي ممكن تتاخد في الوقت الصعب ده اللي هو لسه بدايه الاستكشاف ونسمع كلامهم ونعمل ايه نعرف ان احنا لسه بنتعرف على نفسنا وبس انت دلوقتي اتعرفتي على الجزء العاطفي اللي عندك وقفي تماما التواصل مع لانك عارفه ان الشخص ده مش مناسب باي شكل من الاشكال واا الحل البسيط انه انا اهلي اساسا موافقوش بالموضوع من اوله لاخره وكل شيء قسمه ونصيب والموضوع يتقفل على كده وانت تركزي مع نفسك انه احسن حاجه اما نستنى الحاجه هتيجي في وقتها تخيلي كده لو انا جيت قلت لك الامتحان بكره بعد بدل المكان بعد اسبوع قد ايه ده هيبقى موضوع صعب بالنسبه لك قد ايه دي حاجه هتوترك. لانك حاسه انك مش مستعده وكنت مستنيه تستعدي اكثر في الاسبوع هو ده نفس الوضع بالظبط انت مش مستعده لعاطفيه ولا نفسيا لاي شكل من الاشكال الارتباط حتى لو خطوبه قدام اهلك الخطوبه دي مسؤوليات والتزامات وشخص هيبقى عنده امل انه يكمل معاكي ولو انت من الاول كده عندك اصلا النيه حتى لو مختفيه كده انك كده كده ما تكمليش ده هيبقى ذنب انت هتشيليه ما تحمليش نفسك ده ابدا.

Answer

كل دى مشاعر كدابه وتجى يوم هتندمى ع ده كله ارجعى احسن بدل ما تندمى ع حاجه اكبر بعدين ... وحطى حاجتين قصاد عينك اول حاجه ربك بعدين اهلك صدقينى عشان تعيشى عيشه مرتاحه وصلى كتير وادعى انه لو العلاقه دى فيها الخير تكمل ف الحلال ولو مكملتش يبقى ربنا يعوضك بالاحسن ان شاءالله

Answer

بصي اولا انا اسف لو كلامي كان جارح قبل اي حاجه بس اعتبري ان اخوكي بيتكلم اكيد هيتكلم من غير تنظيم ولا تجميل للكلام لان ده خوف على مصلحتك... ثانيا يعتبر أنا فاهم موقفك وعارف انتي حاسه بايه لان الحب صعب بالذات في سن المراهقه السن ده بيخلي الواحد لما يحب بيحب بقلبه كله فالشخص بيتأذى وكمان الحب مش هيكمل لان الحب في السن ده بيبقى زايد عن الحد والحاجه لما تزيد عن حدها بتقلب ضدها.... عموما انتي عارفه ان الحب ده حرام مع ذلك كملتي وعارفه ان ربنا مش هيباركلك ومع ذلك كملتي وعارفه انك هتتأذي بجد مع ذلك كملتي وعارفه ان في ناس كتير حصلهم الاسوء بسبب انهم اتلعب بيهم مع ذلك كملتي.... بصي من الآخر انتي لو بتحبيه بجد كنتي متكلمهوش عشان مصلحته هو سيبك من نفسك انا عارف انك بتفكري فيه قبل ما تفكري في نفسك لان الحب عكس المنطق 😅 عموما ادعي ربنا انه يسامحكم ويخلي علاقتكم دي بدل من حرام تبقى حلال وبدل ما العلاقه دي تكون سبب من اسباب تأذيكم والله اعلم هيكون نيته صافيه ولا هياخدك حبه خبه لطريق الزنا الي مفيش رجعه فيه حاولي لو بتحبيه بجد انك تحافظي على الحدود حاليا عموما بلاش تعيطي لان روحي اقرأي قرآن ولا صلي ركعتين لله العياط مش هيعمل حاجه لكن الصلاة والتوبه هتغيرلك مل حاجه حاولي بس المهم تتوبي توبه بجد ولو ده فيه خير ليكي باذن الله ربنا هيوفقكم... عموما هدعيلك بان لو العلاقه دي فيها هير ليكم يقربكم بالحلال ويوفقها عموما عارف مكونتش مفيد وممكن اكون قلبت عليكي المواجع فأسف 😅

ماذا أفعل في علاقتي بهذا الشخص مع صعوبة موافقة أهلي على خطبتي في سن صغيرة؟

اجتماعية

نفسية

حب

سؤال من احد أعضاء فدني

تم النشر السبت، ١٤ يونيو ٢٠٢٥

4 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك