السلام عليكم،
جماعة أنا من وأنا عندي 17 سنة وأنا انجذبت جداً لفكرة المرواح للچيم و شيل الحديد و رباية العضلات وكل ده وفعلاً فضلت تلات سنين اروح الچيم مش بانتظام اوي بس كنت بروح بردوا.
اللي لاحظته بقى السنة دي بالذات انه أنا حرفياً مبقاش عندي اي حافز زي الاول خالص اني ارجع انزل الچيم زي ما أنا متعود من زمان يعني أنا اشتراكي خلص يوم عشرة شهر اتنين اللي فات و كلها كام يوم و يعتبر بقالي شهرين مش بمارس اي رياضة وقلت وقتها يخلص رمضان والعيد واجدد تاني و فعلاً اديهم خلصوا بس بردوا حاسس انه لأ لسة مش عايز اروح الچيم تاني بمعنى اصح (اعتزل) هو مجرد مشوار الجامعة وخلاص على كده.
سؤالي بقى عن هي الحالة اللي بمر بيها دي هل ده كسل شديد ؟؟ او حسد مثلاً ؟؟ او ممكن أنا اللي زهقت و مش عايز اكمل تاني ؟؟ أو ممكن العيب في الچيم نفسه مش فيا ؟؟ و متحير الصراحة اشترك فترة كبيرة اكمن عليها عرض خرافي ولا يدوبك حصص مرة مرتين في الشهر وخلاص؟؟ نفسي الصراحة اوي ارجع زي زمان بس مش عارف.
ممكن يكون انخفاض الدوبامين يعني في البداية كان الجيم بيمثلك مكافأة كنت بتشوف نتائج سريعة وبتحس بإنجاز فالدماغ بيفرز دوبامين عالي بيخليك متحفز بعد 3 سنين الموضوع بقى عادة روتينية الدماغ مبقاش يفرز نفس الكمية من الدوبامين تجاه الجيم فبقيت تحس إنه مجهود بدون مكافأة نفسية فورية وده بيخلق حالة الزهد اللي أنت فيها. أو غايب الدافع يعني كان في الاول انت غاية بتروح عشانها و دلوقتي أولوياتك اتغيرت يعني طاقتك بتخلص في الكلية و الدراسة و اتغيرت نظرتك للجيم من متعة لعبء طيب تتعامل ازاي ممكن تغير الجيم أو معاد التمرين دا كسر الروتين القديم و هيعيد الشغف لنفسيتك متحطش نفسك في زاوية ضغط عشان مش هتعمل حاجه طالما بتتغط نفسك يعني بدل ما تقول انا اروح عشان لازم قول انا هروح عشان كذا و كذا و عدد النوايا الصالحة
تم النشر الخميس، ٢ أبريل ٢٠٢٦
الحل في وقت الضغوط دي إننا ما نضغطش على نفسنا بشكل أكبر لإنه كل لما نضغط على نفسنا بنهرب منه .. فالحل إنك ترجع بالتدريج فلو كنت بتنزل كل يوم انزل مرتين أو تلاتة في الأسبوع .. ولو كنت بتنزل ساعتين تلاتة انزل ساعة .. بحيث جسمك يرجع بالتدريج يتقبل الرياضة
تم النشر الخميس، ٢ أبريل ٢٠٢٦
وعليكم السلام ورحمة الله وبركاته يا عبد الرحمن! 😊 أولاً، متقلقش خالص، اللي بتمر بيه ده شائع جداً ومش كسل شديد ولا حسد (العين ممكن بس مش الأساس هنا)، وغالباً مش زهق نهائي ولا عيب في الجيم نفسه. ده فقدان دافعية مؤقت (motivation dip) بيحصل لـ80% من الناس بعد فترة، خاصة في سنك (17 سنة، بداية جامعة، رمضان، عيد… كل ده بيغير الروتين). أهم الأسباب الشائعة: تغيير الجدول الزمني : الجامعة بتاخد طاقتك، والمشوار بيبقى عبء. روتين ممل أو عدم نتائج سريعة : بعد 3 سنين، الجسم بيتعود، والحافز يقل لو مفيش تحدي جديد. تعب نفسي/جسدي : رمضان والعطل بيخلوا الجسم يرتاح زيادة، فبتحس "مش عايز". فقدان الهدف : كنت متحمس في الأول، دلوقتي محتاج تذكير بالفايدة (صحة، قوة، ثقة). الحلول العملية عشان ترجع زي زمان (ابدأ صغير عشان متزهقش): حدد هدف بسيط : مش "أروح كل يوم"، قول "3 أيام الأسبوع، 30 دقيقة بس" (مثل رفع حديد خفيف أو مشي سريع في البيت). غير الروتين : جرب جيم تاني قريب الجامعة، أو تمارين منزلية (push-ups، squats) مع تطبيق مجاني زي Nike Training Club. ربطها بإسلامك : الرياضة سنة للحفاظ على النعمة (الصحة)، ادعي ربنا يعطيك الحماس وقبل التمرين. تابع تقدمك : صور جسمك كل أسبوعين، أو اشترك عرض شهر واحد بس (مش كبير) عشان تجرب. ابدأ النهارده : روح مشي 10 دقايق حوالين البيت، هتحس فرق غداً. لو عايز دعم أكتر، ابحث في فدني عن "فقدان دافعية الرياضة" هتلاقي إجابات كتير، أو شوف الخبراء في https://www.fedni.net/experts (في مدربين رياضيين ومدربين حياة). أنت قادر ترجع أقوى، خطوة صغيرة كفاية! 💪 إيه رأيك تبدأ بإيه الأول؟
تم النشر الخميس، ٢ أبريل ٢٠٢٦
جرب تروح حصص مش اشتراك شهري علشان بس ترجع تتعود تاني وترجع شغفك للرياضه وحاول حط قدامك هدف انك مثلا عايذ تعمل عضل او تخس او تنشيط لجسمك وشجع نفس واعمل علاقات صداقه علشان تتشجع اكتر وماتحطش ف دماغك اي حاجه من الاسباب دي علشان عقلك الباطن مايهيأش ليك ويأكدلك السبب ال بتفكر فيه
تم النشر السبت، ٤ أبريل ٢٠٢٦
لعرض السؤال في فدني اضغط هنا